Скопје

Орце Ѓорѓиевски се гледал себе си како иден градоначалник на Скопје

Published

22 hours ago

December 17, 2024

Претседателот на ЗЕЛС и градоначалник на општина Кисела Вода, во гостување во емисијата „Студио 10“ на телевизија 24 прашан дали се гледа како иден градоначалник на Скопје бидејќи се повеќе се шири таа теза помеѓу граѓаните, рече дека се гледа и може да одговори на тој предизвик бидејќи секојдневно ја добива поддршката од граѓаните.

– Тоа е процес кој наредниов период треба да помине низ фаза на анкети во нашата политичка партија на кој што верувам и длабоко сум убеден дека ќе ја добијам поддршката од граѓаните на истите анкети.

Кога ја наследив Кисела Вода беше во многу слична ситуација од она што е денес градот Скопје и мене ми е исклучително драго што граѓаните во мене перцепираат човек кој што може да го реши хаосот во градот. И да, мислам дека можам за релативно кратко време, откако би ја преземал таа позиција, да го решам овој цел хаос кој што се случува на Скопје и скопјани.

Потребна е макотрпна работа, но со добар тим се е надминливо. Изминатиов период од три години се покажа дека за мене не постои проблем кој што не може да се надмине, кој не може да се реши, многу проблеми кои што беа повеќе децениски во мојата општина заминаа во историјата. Има уште една рака, на рака се бројат проектите кои што ми се останати од целокупната која сум ја ветил пред граѓаните за да се дореализираат, но имам уште нецела година за тоа да го сторам и длабоко сум убеден дека ќе го сторам што не било случај во минатото.

Така што, ако ја направиме паралелата, мислам дека и градот Скопје би можел да се доведе за релативно кратко време во добра кондиција и верувам дека и граѓаните се свесни за тоа. Имаме резултати со мојот тим и Скопје би бил предизвик што сериозно би го прифатиле и би настапиле со сериозен концепт за да го решиме овој хаос – рече Ѓорѓиевски.

На прашање дали има ривал во партијата за таа позиција, Ѓорѓиевски истакна дека многу е позитивно во секоја работа да има конкуренција бидејќи ВМРО-ДПМНЕ е партија која има сериозен кадров потенцијал која на крај ќе ја донесе правилната одлука.

Скопје

ЗЕМЈОТРЕС ВО СКОПЈЕ, епицентарот близу Приштина

Published

22 hours ago

December 17, 2024

Арлингтон

Земјотрес со јачина од 3,1 степени според Рихтеровата скала предмалку е регистиран на границата со Косово-Србија-Македонија, објави Европскиот медитерански сеизмолошки центар (ЕМСЦ).

Според ЕМСЦ, потресот е регистриран во 11:41 часот, а епицентарот бил на 36 километри југо-источно од Приштина и пет километри југо-западно од Ѓилан, Косово, на границата меѓу Косово, Србија и Македонија.

Земјотресот бил на длабочина од девет километри.

Скопје

ПОДГОТВЕТЕ СЕ ЗА ДЕНОВИ БЕЗ ВОДА Водовод на 21 декември ќе го затвори главниот вентил на градскиот водовод

Published

2 days ago

December 15, 2024

Арлингтон

Цевководот ќе биде затворен до завршување на интервенцијата

Водовод и канализација најави дека на 21 декември ќе го затвори главниот градски цевковод во кругот на касарната во Ѓорче Петров поради санација на дефекти.

„Во овој процес ќе се санира еден од поголемите дефекти на улицата Никола Парапунов во Карпош 4, каде што има излевање на вода на улицата веќе десетина дена. Дополнително ќе се санираат и три други дефекти на затворачи по должината на главниот цевковод Ф1600мм и тоа на потегот од кружниот тек во Ѓорче Петров до раскрсницата на булевар Партизански одреди со улица Никола Парапунов“, се наведува во соопштението.

Цевководот ќе биде затворен до завршување на интервенцијата.

Оттаму информираат дека вакво затворање на главниот градски цевковод не се случува често. Последниот пат било во 1991/1992 година. Зафатот е неопходен за решавање на дефекти од овој тип.

– Со санацијата, освен што ќе се санираат дефектите, ќе се намали загубата на вода и ќе се ревитализира овој дел од водоводниот систем од Ѓорче Петров до Карпош – велат од водовод и канализација.

Жителите на Карпош 4 деновиве се соочуваат со проблеми од поплавени улици, тротоари и зелени површини, со насобран смет, што е сериозен проблем за локалното население.

Некои граѓани стравуваат дека гаражите во близина може да се поплават поради дополнителните врнежи.

Скопје

Бегал од полиција и се качил на дрво, па пожарна и итните служби го спасуваат

Published

2 days ago

December 15, 2024

Арлингтон

Невообичаена спасувачка операција се одвива во центарот на Скопје, во близина на зградата на Министерството за одбрана, објави Телма.

Полицијата бркала да фати осомничен, но тој успеал да “се засолни” пред потерата и да се качи на дрво покрај улицата.

Полицајците го забележале, но бегалецот останал качен на дрвото. Била повикана пожарна и итна помош, со идеја да се надува душек и бегалецот да скокне на него.

Но, немало доволно простор за душекот поради што се бара ново решение за спасувачката драма и завршување на полициската потера.

ПОСЛЕДНА ИНФОРМАЦИЈА: Околу 18:15 часот, лицето е симнато и преземено од полицијата по што од местото си заминаа и полициските и возилото на Итна помош.