Скопје

ОД 1 ЈАНУАРИ НОВО ПРАВИЛО И ЗА РЕГИСТРАЦИЈА НА ВОЗИЛАТА, а почнува имплементацијата на „Безбеден град“

Министерот за внатрешни работи Панче Тошковски во „Наткаст“ на Курир истакна дека започнуваат со имплементација на она кое е во делот на регулатива и е поврзано со правилниците во рамки на МВР, а се однесува на проектот „Безбеден град“.

-Од 1.1.2025 година секој кој ќе има потреба да го регистрира своето возило, ќе мора да достави во рамки на системот телефонски број, е-мејл адреса и да даде изјава под морална материјална и кривична одговорност дека телефонскиот број и е-мејл адресата се врзани со лицето кое е сопственик на возилото. Едноставно да потврди дека тие се точни. Врз основа на собирањето на овие податоци, со циклус од година, ќе ги затвориме сите сопственици на возила. Конечно отпочнуваме и со легислатива во однос на овој проект. Мислам дека измените на законот ќе треба да отпочнат пред нова година или до 15-ти јануари, откри Тошковски.

Министерот додаде дека секојдневно се инсталираат камери, се поставуваат столбови, а се надева дека системот ќе биде ставен во фунција до декември следната година.

-Мислам дека ќе го имаме во функција во текот на декември 2025. Тоа е многу важен проект. За жал во Македонија имаме од 130 до 140 жртви годишно како последица на сообраќајни несреќи. Кога бев во ОАЕ ми посочија дека бројката на починати кај нив била околу 250 и дека со употреба на ваков систем и други процеси, бројот на смртни случаи во текот на 2023 е паднат на 140. Ова мора да е приоритетен проект, секојдневно работиме на истиот, рече Тошковски.

Тој посочи дека нивната цел е овој систем да биде во функција во цела Македонија.

-Ќе овозможиме да се имплементира во Македонија систем, кој не само што ќе гарантира и ќе го зголеми нивото на безбедност и капацитативност на МВР во делот на оперативни акции кои секојдневно ги превземаме, туку и значително ќе ја одобри сообраќајната култура, вели министерот за внатрешни работи.

Скопје

Николоски: Карпош добива нов урбан лик со реконструкција на над 15 улици

Преку петнаесетина улици ќе се реконструираат во општина Карпош со подршка на Владата. Општината полека ќе го смени урбаниот лик и ќе се развива, истакна вицепремиерот и министер за транспорт Александар Николоски при денешната посета на општина Карпош.

Николоски заедно со градоначалникот Сотир Лукровски извршија увид во реконструкција на ул. Јуриј Гагарин, проект кој се реализира со подршка на Министерството за транспорт, а во заедничка соработка со општината.

“ Ова беше заглавен проект, ова беше проект без разлика што имавме обезбедено средства, не можевме да го реализираме. Откако беше избран за градоначалник, заедно со службите во општината, успееја да ги решат сите предизвици на овој проект, да се решат проблемите и еве веќе се гради и ако се оди добро и не послужи времето до Нова година може да се заврши оваа улица, паркингот зад зградите и да се добие нов урбан лик на овој простор. Сакам да најавам дека дополнително на ова имаме уште еден проект кој се реализира со Светска банка во вредност од над 13 милиони денари, тоа е улицата Петар Чаулев, целосна реконструкција околу 600 метри што дополнително се надевам ќе допринесе за урбаниот развој на општината. На тоа додаваме уште дванаесетина проекти кои што ги резлизираме преку вториот повик на Владата и севкупно имаме значајни проекти за општина Карпош. Тука е и подршката на Владата, мојата лична подршка за дополнителни работи кои треба да ги направиме во Карпош. Со изборот на новиот градоначалник, со неговата напорна работа се гледаат промените и навистина сите имаме желба да помогнеме и да се случуваат убави работи во општина Карпош”-изјави вицепремиерот Николоски.

Скопје

Прекин на електрична енергија денеска во Горно Нерези, Глуво и Мирковци

Регионалниот центар за управување со кризи (РЦУК) информира, повикувајќи се на известување од ЕВН Македонија, дека денес од 9:00 до 15:00 часот ќе има прекин во снабдувањето со електрична енергија за корисниците од неколку населени места.

Прекинот ги опфаќа корисниците од селото Горно Нерези и корисниците од селата Глуво и Мирковци.

Станува збор за планиран прекин, а корисниците се повикуваат на трпение до завршувањето на работите.

Скопје

Жителите на одредени делови од Аеродром денес без вода

Јавното претпријатие „Водовод и канализација“ – Скопје информираше за привремен прекин во водоснабдувањето за дел од корисниците лоцирани на булеварот „АСНОМ“, во населбата Аеродром.

Прекинот, кој започна вечерва во 18:45 часот, е предизвикан од уличен водоводен дефект на цевка со дијаметар Ф100 мм, конкретно кај број 74 на булеварот.

Погодени корисници ќе бидат корисниците лоцирани на булевар „АСНОМ“ од број 70 до број 116.

Екипите на ЈП „Водовод и канализација“ се на терен и работат на отстранување на дефектот. Водоснабдувањето ќе биде нормализирано веднаш по завршувањето на работните активности, за што јавноста ќе биде дополнително известена.