Ноќта меѓу понеделникот и вторникот, непознати крадци провалиле во црква во скопската општина Аеродром и украле пари, соопшти полицијата.

„На 21.01.2025 во 07.40 часот во СВР Скопје било пријавено дека во периодот од 15.00 часот на 20.01.2025 до 07.00 часот на 21.01.2025 со употреба на сила било влезено во црква на подрачјето на општина Аеродром во Скопје, при што биле одземени пари“, се вели во полициското соопштение.

Од МВР додаваат дека се преземаат мерки за расчистување на случајот.

Полицијата поднесе кривична пријава против Т.Н.(29) и T.A.(29), двајцата од Израел, поради неовластено производство и пуштање во промет на наркотични дроги.

„На 23 август минатата година кај Транспортен центар во Скопје, полициски службеници извршиле преглед над пријавените, при што пронашле и одзеле кокаин, хашиш, бела кристална материја и МДМА таблети“, соопшти МВР во дневниот полициски билтен.

Против двајца турски државјани поднесена е кривична пријава кои на граничен премин приложиле фалсификувани патни исправи.

– Регионалниот центар за гранични работи Север поднесе кривична пријава против И.К.(26) и С.К.(26), двајцата од Република Турција, поради постоење основи на сомнение за сторено кривично дело „фалсификување исправа”. Нa 12.01.2025 во 10.00 часот на Граничниот премин „Меѓународен аеродром Скопје“, на излез од државата, пријавените приложиле фалсификувани патни исправи, информираат попладнево од Министерството за внатрешни работи.

Како што посочуваат од МВР, од Основен суд Скопје на пријавените им биле изречени мерки протерување на странец со забрана за влез во Р.С. Македонија од три, односно пет години.