Македонија

Фетаи: Обвинителството има законска ОБВРСКА ДА ГО ПОВИКА АЛИ АХМЕТИ НА РАСПИТ

Published

3 days ago

December 29, 2024

Вицепремиерот Арбен Фетаи вели дека Обвинителството треба да го повика на распит првиот човек на ДУИ, Али Ахмети, бидејќи овој во изјава за јавноста кажа дека знаел за локацијата на Артан Груби.

Според Фетаи, обвинителството има законска обврска да го повика Ахмети.

“Али Ахмети изјави дека има сознанија за локацијата на Артан Груби, по кого има меѓународна потерница. Јавното обвинителство, врз основа на оваа јавна изјава, има законска обврска да го повика г. Али Ахмети да го праша каде се наоѓа лицето кое го гони правдата на државата“, напиша Фетаи.

Инаку, првиот човек на ДУИ, Али Ахмети вели дека Артан Груби не е во бегство, бидејќи се наоѓа на албанска територија, давајќи му етничка конотација на бегството на поранешниот втор човек на партијата. Ахмети вети дека Груби ќе се врати и ќе се појави пред органите на прогонот, „но правдата не смее да биде одмаздничка и селективна“.

“Господинот Груби, според информациите што ги имам, не сум го сретнал, но е во ред. Неговата локација е секако на албанска територија, тоа е процес на кој мора да има епилог. Тој не побегнал од Македонија, подготвен е да се појави пред органите на правдата за да ги почитува законите, но не во одмазничка и селективна правда“, вели Ахмети.

Македонија

Тешка сообраќајка на скопската обиколница, едно лице загина

Published

3 hours ago

January 1, 2025

Арлингтон

Доцна вечерва на скопската обиколница, во близина на Стајковци, се случила тешка сообраќајна несреќа, дознава 4NEWS.mk.

Според првичните неофицијални информации, едно лице го загубило животот.

Во моментов, сообраќајот на овој дел од обиколницата се одвива отежнато поради активностите на надлежните органи.

Повеќе детали се очекуваат во текот на утрешниот ден.

Во текот на новогодишната ноќ беа регистрирани повеќе сообраќајни несреќи, но за среќа, без жртви.

Македонија

Експресниот пат Страцин-Крива Паланка ќе биде пуштен в сабота, најави Мицкоски

Published

3 hours ago

January 1, 2025

Арлингтон

Во втората половина на месецов и делницата од експресниот пат Градско-Фариш, како и првиот дел од пругата кон Бугарија, Куманово-Бељаковце, најави Мицкоски.

Премиерот Христијан Мицкоски најави дека в сабота ќе биде пуштен експресниот пат Страцин (Чатал) – Крива Паланка, а во втората половина на месецов и делницата од експресниот пат Градско-Фариш, како и првиот дел од пругата кон Бугарија, Куманово-Бељаковце.

Во неговите очекувања на економски план рече дека почнатите инфраструктурни проекти во 2025 ќе бидат со засилена динамика или завршени и дека во меѓувреме ќе се развиваат нови проекти.

Повтори дека очекува пред почетокот на туристичката сезона во Охрид да биде пуштена и делницата од Врбјани до Охрид на автопатот Кичево-Охрид, со исклучок на делот кај Ботун, каде има свлечиште на чие отстранување се работи. На крајот на 2026 година се очекува да се пушти целата автопатска делница.

Според Мицкоски, забрзано се работи и на автопатите на Коридорот 8 и Коридорот 10 д.

– Патот Гостивар-Букојчани се работи, очекувам да заврши тендерот којшто ќе ги поврзе Букојчани со автопатот Кичево-Охрид. Исто така забрзано се работи на патот Прилеп- Битола, очекувам да почне Тетово-Гостивар и Требениште – ГП Ќафасан по нова рута бидејќи сегашната навлегува во делот што е заштитен од УНЕСКО, изјави Мицоски.

Тој истакна дека очекува поуспешна година на економски план, со раст на БДП меѓу 3,5 и 4 проценти, буџетски дефицит под 4 проценти и инвестиции од над милијарда евра.

Македонија

Грк со автомобил излетал од автопатот кај Смоквица, повредена сопатничка

Published

3 hours ago

January 1, 2025

Арлингтон

Грк со автомобил излетал од автопатот кај Смоквица, при што е повредена сопатничката.

На 31.12.2024 во 06.00 часот во Полициската станица Гевгелија било пријавено дека на автопатот, кај наплатна рампа Смоквица, во правец кон Гевгелија, патничко возило „мерцедес“ со грчки национални ознаки, управувано од И.Е.(62) од Р.Грција излетало надвор од коловозот.

-Во несреќата со тешки телесни повреди се здобила сопатничка од возилото, констатирани во Општата болница Гевгелија, информира МВР.

Извршен бил увид од увидна екипа од ОВР Гевгелија.