Владата продолжува со најголемата инвестициска офанзива досега, осигурувајќи дека сите општини ќе добијат финансиска поддршка без оглед на политичките разлики. Обезбедени се 15 милијарди денари за нови капитални инвестиции, со цел подобрување на локалната инфраструктура и условите за живот на граѓаните.

На денешната владина седница беше започната постапката за објавување на вториот јавен повик за финансирање капитални проекти преку Министерството за локална самоуправа. Преку овој механизам, ќе се поддржат општините во реализацијата на значајни проекти кои ќе придонесат за одржлив развој.

Во претходниот повик, 78 општини добија финансиска поддршка за 288 проекти во вкупна вредност од 4,5 милијарди денари, што претставува инвестиција од над 73 милиони евра. Оваа финансиска поддршка е дел од стратешкиот пристап на Владата за рамномерен развој и модернизација на локалните заедници.

Во реализацијата на овие проекти ќе бидат вклучени неколку министерства, меѓу кои Министерството за животна средина и просторно планирање, Министерството за транспорт, Министерството за образование и наука, Министерството за социјална политика, демографија и млади, Министерството за спорт, како и Министерството за култура и туризам. Овие институции ќе имаат задача да утврдат критериуми за доделување капитални грантови, со што ќе се осигури транспарентност и ефикасност во распределбата на средствата.

„Ова е голем чекор за развојот на општините и значително подобрување на животот на граѓаните“, изјави првиот вицепремиер и министер за животна средина и просторно планирање, Изет Меџити.

Според податоците објавени од Косово Дата американската агенција за меѓународен развој (УСАИД) која сега е блокирана од администрацијата на Доналд Трамп во Западен Балкан за периодот од 2020 до 2024 биле потрошени 1,7 милјарди долари.

Во Македонија се потрошени 290 милиони долари или 165 долари по глава на жител.

Листа на потрошени пари по држава:

🇽🇰 Косово: 537 милиони долари
🇧🇦 Босна: 402 милиони долари
🇲🇰 Македонија: 290 милиони долари
🇷🇸 Србија: 209 милиони долари
🇦🇱 Албанија: 189 милиони долари
🇲🇪 Црна Гора: 77 милиони долари

Вкупно за шесте земји од Западен Балкан се потрошени 1,7 милијарди долари

Ако овие суми се разложат по глава на жител врз основа на груби проценки на населението, се добиваат следниве бројки: 

🇽🇰 Косово (1,6 милиони луѓе): 336 долари по лице

🇧🇦 Босна (3,2 милиони луѓе): 125 долари по лице

🇲🇰 С. Македонија (1,8 милиони луѓе): 161 $ по лице

🇷🇸 Србија (6,6 милиони луѓе): 32 долари по лице
🇦🇱 Албанија (2,8 милиони луѓе): 67 долари по лице

🇲🇪 Црна Гора (620.000 луѓе): 124 долари по лице

Министерот за здравство, Арбен Таравари, денеска потпиша решение со кое ја разрешува досегашната директорка на детската болница „Козле“, д-р Каролина Симоновска, која деновиве побара медиумите да не и го спомнуваат името. Таа е разрешена од функцијата, а на нејзино место е назначена професорката со име и презиме, д-р Катерина Бошковска.

Оваа одлука веќе пристигнала во болницата, објавија дел од медиумите.

Директорувањето на досегашната директорка која побара медиумите да не и го спомнуваат името беше проследено со серија предизвици, меѓу кои најзначајно беше распаѓањето на бронхоскопскиот оддел, како и меѓучовечките несогласувања во институцијата. Тензиите кулминираа со нејзиното испратено барање до медиумите да не го спомнуваат нејзиното име, иако се наоѓаше на јавна функција.

Со назначувањето на проф. Катерина Бошковска, Министерството за здравство очекува стабилизирање на состојбите во болницата и подобрување на условите за работа на медицинскиот персонал, како и за пациентите.

Инаку, д-р Бошковска е субспецијалист по педијатриска пулмологија. Во рамки на наставно образовната дејност таа е вклучена во активностите на катедрата при УКИМ и во последните пет години има објавено голем број научни трудови.

-Министерството ѝ се заблагодарува за досегашниот ангажман на претходната директорка д-р Каролина Симоновска, соопштија од таму.