Инфо +

ДОАЃААТ ОБИЛНИ ВРНЕЖИ ОД ДОЖД И ОД СНЕГ: Западните и северозападните предели од Македонија во пресрет на надоаѓање на снежен бран!

Метео анализа на Славчо Попоски:

Под влијание на влажен воздушен бран од северозапад, во следните часови во северозападните и во западните предели од Македонија ќе започнат врнежи, кои најпрвин ќе бидат од дожд на пониските места, и од снег на повисоките места и на планините. Во текот на денов ќе дува повремено засилен ветер од јужен и од југозападен правец.

Во текот на ноќта, кон сабота во раните утрински часови, врнежи ќе има на повеќе места, особено во западните и во северозападните предели 0д Македонија, каде врнежите ќе бидат обилни и локално ќе наврне над 25 литри воден талог на метар квадратен.

Поради спуштање на многу поладен воздух од Арктикот кон Македонија, врнежите полека ќе преминуваат во снег и во делови од градовите во западните и во северозападните предели од Македонија, а сето ова ќе биде проследено со повремено засилен ветер од северен правец, особено изразен Долж Повардарието.

Овој бран позначително ќе ја зголеми постојаната снежна покривка на планините и на Скијачките центри, а помала снежна покривка ќе се формира и во повисоките населени места во западните и во северозападните предели од Македонија.

Во Скопскиот регион со овој бран ќе има повремени врнежи од дожд, додека на околните планини, а потоа и во повисоките делови од котлината ќе има повремени послаби врнежи од снег, проследени со повремено засилен ветер од северен правец.

Температурите позначително ќе опаднат, особено до утре наутро кога ќе се спуштаат во интервалот од -2 до 4 степени, додека максималните дневни температури ќе се искачуваат во интервалот од 2 до 10 степени. Во Скопје до утре наутро температурата ќе се спушти до околу 2 степени, а максималната температура ќе се искачи до околу 6 степени.

Свет

Зеленски во божиќно обраќање: Украина се моли за мир

Украинскиот претседател Володимир Зеленски им се обрати на граѓаните во пресрет на Божиќ, порачувајќи дека Украинците и четврта година по ред, и покрај војната, остануваат обединети во одбраната на својата земја.

Тој нагласи дека Бадниковата вечер е симбол на заедништво и припадност, иако војната се обидува да им го одземе чувството на мир, дом и семејна топлина. Зеленски истакна дека токму тие вредности денес се бранат – земјата, семејствата и правото на живот во мир.

Претседателот призна дека Божиќ доаѓа во исклучително тежок период и дека не сите граѓани вечерва се дома, ниту сите имаат дом. Сепак, подвлече дека Украинците, без разлика дали се во Киев, Одеса, Закарпатија или во близина на фронтот, го одбележуваат празникот заедно, како едно семејство.

Во обраќањето се осврна и на новите масовни руски напади во пресрет на Божиќ, со дронови и ракети, нагласувајќи дека и покрај тоа Украина опстојува.

Зеленски рече дека се моли за украинските војници, за враќање на заробените, за загинатите и за сите протерани, како и за оние кои, и во најтешките околности, не ја изгубиле Украина во себе.

„Се бориме за мир, се молиме за мир и го заслужуваме“, порача Зеленски, честитајќи им Божиќ на граѓаните со зборовите: „Христос се роди! Да го славиме!“.

Свет

Смртоносна експлозија во јужна Москва: Загинаа двајца полицајци и уште едно лице

Двајца сообраќајни полицајци и уште едно лице загинаа во експлозија на автомобил во јужниот дел на Москва, соопшти Истражниот комитет на Русија. Инцидентот се случил рано изутринава на улицата „Елецка“, кога полициските службеници се приближиле до лице кое го сметале за сомнително.

Според официјалните информации, во моментот на интервенцијата била активирана експлозивна направа, по што следела силна детонација. Местото веднаш било обезбедено, а истражните служби започнале со преглед на снимки од надзорните камери и собирање докази.

Снимки прикажани на руските медиуми покажаа оградена зона со засилено полициско присуство, додека сведоци изјавиле дека експлозијата се случила околу 1:30 часот по локално време.

Инцидентот доаѓа само неколку дена по убиството на висок руски воен функционер, генерал-потполковник Фанил Сарваров, кој загина кога бомба експлодираше под неговиот автомобил во друг дел од јужна Москва. Руските истражители тој настан го окарактеризираа како можен атентат.

Руски претставници и воени коментатори веќе повикаа на остра реакција, оценувајќи дека станува збор за трет сериозен бомбашки напад во Москва во изминатата година поврзан со безбедносни цели.

Свет

Проруска хакерска група ја презеде одговорноста за нападот врз Француската пошта

Проруската хакерска група „Нонејм057“ (Noname057) ја презеде одговорноста за кибернападот врз Француската пошта, кој пред два дена го парализираше работењето на централните компјутерски системи. Нападот од типот ДДоС (DDoS) доведе до откажување на сите испораки на пакети и писма, како и прекин на онлајн банкарските плаќања.

Групата „Нонејм057“ е обвинета и за други напади во Европа, меѓу кои и нападот врз Самитот на НАТО во Холандија, кој се одржа во јуни оваа година.

Франција и нејзините европски сојузници го поврзуваат ваквото дејствување со т.н. хибридна војна на Русија, насочена кон создавање поделби во западните општества и поткопување на поддршката за Украина.