Инфо +

ОД ПЕТОК, 3 ЈАНУАРИ ПОЛАРЕН И СНЕЖЕН БРАН ПРИСТИГНУВА НА БАЛКАНОТ: Викендов температурите паѓаат на -25 степени!

Од петок 3 јануари, па за време на викендот изразен поларен бран со потекло од Арктикот ќе зафати најголем дел од Балканскиот Полуостров, а овој ладен бран значително ќе ги спушти температурите и во Македонија, каде ноќта петок кон сабота, како и во сабота особено претпладне ќе има врнежи, кои полека ќе преминуваат во снег и во пониските места (градовите) во северозападните и во западните предели од Македонија.

Инаку обилни снежни врнежи и силен ветер, во вид на снежно невреме ќе зафати голем дел од Балканот и овој пат, во делови од Балканот се очекува нов снег со висина од 30 до 40 сантиметри, а може и повеќе од 40 сантиметри.

Што се однесува до температурите, за време на викендот во делови од Балканот температурите ќе се спуштат помеѓу -12 -20 степени, а понекаде дури и до -25 степени, како што можете да видите на горната карта.

Викендов значително снежната покривка ќе се зголеми и на планините, како и на Скијачките центри во Македонија, а мала снежна покривка би можела да се формира и во пониските места (градовите) во северозападните и во западните предели од Македонија.

Свет

Хаос на европските аеродроми по воведувањето на новиот Шенген систем

Воведувањето на Шенген системот за влез и излез (EES) на 12 октомври 2025 година предизвика сериозни проблеми на аеродромите во Европа, при што патниците во периоди на зголемена фреквенција чекаат и до три часа за да поминат гранични контроли, соопшти Европскиот оддел на Меѓународниот совет на аеродроми (ACI).

Оттаму велат дека прогресивното снимање на биометриски податоци и регистрација на државјани од трети земји ја зголемуваат обработката на патниците до 70%, а недостигот на киосци и полициски кадар дополнително ја усложнува ситуацијата. Најзасегнати се аеродромите во Франција, Германија, Грција, Исланд, Италија, Португалија и Шпанија.

ACI повикува Европската комисија, eu-LISA, Фронтекс и земјите-членки итно да преземат мерки или да овозможат поголема флексибилност во примена на системот до целосното воведување. Генералниот директор на ACI EUROPE, Оливие Јанковец, предупредува дека доколку проблемите не се решат пред зголемувањето на прагот за регистрација на 35% од 9 јануари, хаосот на аеродромите ќе се продлабочи, со сериозни последици по безбедноста и оперативноста.

Свет

Украински дронови предизвикаа штета на руската нафтена инфраструктура во Таман

Украински беспилотни летала го погодиле руското пристаниште Таман во Црното Море, при што биле оштетени две пристаништа, еден цевковод за снабдување со мазут и два танкера, соопшти регионалната администрација на Краснодарската област. На едниот танкер избувнал пожар кој веќе е изгаснат, а два резервоари за складирање биле оштетени од падот на остатоци од дрон.

Службите за цивилна заштита информираат дека екипажите на погодените бродови се евакуирани, а пожарите се целосно изгаснати. Пристаништето Таман се смета за клучна точка за испорака на нафта и течен природен гас.

Украина зачестено ги напаѓа руските нафтени и енергетски објекти како дел од својата одбрана од руската инвазија.

Балкан

Косово доби моќно оружје

Косово го примило германскиот противтенковски систем „Панцерфауст 3“ како дел од билатералната безбедносна соработка, објавија косовските медиуми. Испораката има за цел зајакнување на одбранбените капацитети на Косовските безбедносни сили (КБС) и нивна постепена модернизација во согласност со стандардите на евроатлантските партнери.

Косовските власти потенцираат дека системот ќе се користи исклучиво за одбранбени цели и професионална обука. „Панцерфауст 3“ е еден од најнапредните противтенковски системи што ги користат неколку европски армии. Договорот со Германија се оценува како дополнителен доказ за поддршката на Берлин за стабилноста и безбедноста во регионот.