Connect with us

Македонија

Култната спортска сала „Работнички“ ќе блесне во ново руво, реконструкцијата тече

Published

on

Реконструкцијата на легендарната сала „Работнички“ во Градскиот парк се одвива во полн ек. Изминатата недела се демонтираше покривот и се поставува нов и нова фасада.

„Реконструкцијата се одвива според предвидената динамика. Во првата фаза до март планираме да поставиме нов покрив и фасада, како и комплетно реновирање на канцелариските простории каде беа сместени спортските федерации. Новитет е тоа што ќе го прошириме теренот, ќе се постави нова еластична подлога и подно греење, а целиот простор ќе се климатизира. Ќе бидат поставени нови инсталации за електрична енергија, современо осветлување и водовод. Наместо досегашните бетонски клупи ќе поставиме 891 седиште“, информира градоначалникот на Општина Центар Горан Герасимовски.

Тој истакна дека култната сала, симболот на Скопје, ќе биде реконструирана според највисоки стандарди за квалитет и согласно стандардите и процедурите на ФИБА.

Спортската сала „Работнички“ ќе биде енергетски ефикасна со што значително ќе се намалат трошоците за енергија.

„Го враќаме сјајот на „Работнички“, покрај реконструкцијата на гледалиштето, предвидено е и обновување на туш кабините, поставување нова опрема, кошови и друга потребна инфраструктура“, вели Герасимовски.

Салата се реконструира за првпат по 50 години, а градоначалникот Герасимовски е единствениот градоначалник од сите досегашни кој ја враќа во живот салата која години наназад се распаѓаше.

Македонија

Сиљановска-Давкова: Плоштадот „Македонија“ блесна во духот на предбожиќната радост

Published

on

Претседателката на Република Македонија, Гордана Сиљановска-Давкова, го исполни своето ветување и учествуваше на величествениот предбожиќен настан на плоштадот „Македонија“, каде одекнуваа бадникарските песни.

„На бината се редеа славеи, придружувани од распеаниот хор, а бројните родители и деца, со ѕвезди в раце, им се придружија оддолу,“ истакна претседателката, опишувајќи ја магичната атмосфера исполнета со радост и празничен дух.

Иако времето беше студено, заедничката енергија и песна ги стоплија срцата на сите присутни. Граѓаните, заедно со Сиљановска-Давкова, го честитаа Божиќ, празникот на Христовото раѓање, посакувајќи мир, љубов и среќа во сите домови.

„Вечен да е!“ порача претседателката, завршувајќи го своето обраќање со надеж дека ваквите моменти на заедништво ќе продолжат да го обединуваат народот.

Честит Божиќ! Нека празничната светлина биде водилка во нашите животи.

Continue Reading

Македонија

Сиљановска-Давкова: Бадниковата поворка е одраз на заедништвото и предбожиќната радост

Published

on

Претседателката на Република Македонија, Гордана Сиљановска-Давкова, утринава ја пречека и примив Бадниковата поворка, истакнувајќи ја важноста на оваа прекрасна традиција која ги обединува граѓаните и ја зацврстува верата.

„Ечеше дворот од детските ангелски гласови, а ‘Вечниот Бог’ звучеше божествено,“ сподели таа, опишувајќи го моментот како посебен и исполнет со радост.

По изведбата на црковните песни, следуваше дарување на дечињата со празнични пакетчиња, симбол на љубовта и грижата за идните генерации. Сиљановска-Давкова истакна дека овие моменти ја оживуваат традицијата, ја зајакнуваат верата и внесуваат надеж за поубава иднина.

„Ние, возрасните, за миг бевме зафатени од предбожиќната еуфорија. Го овековечивме моментот со слики и си посакавме среќен Божиќ,“ додаде претседателката.

Таа ги повика граѓаните на пладневна средба на плоштадот „Македонија“, каде ќе продолжат празничните активности, создавајќи уште еден ден исполнет со заедништво и радост.

„Нека ни е среќен и благословен Божиќ! Нека љубовта, мирот и радоста бидат нашиот водич,“ порача Сиљановска-Давкова.

Continue Reading

Македонија

Коњановски: Бадниковата поворка е предвесник на љубовта, радоста и заедништвото

Published

on

Градоначалникот на општина Битола, Тони Коњановски, се обрати пред граѓаните на свечената Бадникова поворка, истакнувајќи ја важноста на заедништвото, љубовта и споделувањето, вредности кои го одржуваат духот на празниците жив.

„Нека ни е за многу години денешниот предвесник на Христовото раѓање – Бадник. Со љубов и радост во срцата, да го дочекаме утрешниот ден, денот на Христовото раѓање, Божиќ. Да си подадеме рака на доверба, почит и љубов,“ порача Коњановски.

Традиционалната поворка, која броеше неколку илјади учесници, започна од плоштадот „Магнолија“, продолжи до црквата „Св. Великомаченик Димитриј“, а заврши на платото пред Офицерскиот дом.

Во рамки на програмата настапија детските црковни хорови, солисти, како и претставниците на детската Евровизија, Ана Ванчевска и Алексеј Ивановски, кои го воодушевија присутниот народ. Програмата кулминираше со заедничката изведба на песната „Вечниот Бог“.

Коњановски ги повика граѓаните да продолжат да ја одржуваат традицијата и да ги негуваат духовните вредности. Тој истакна дека Бадник е време на мир и подготовка, но и можност за зацврстување на семејните и духовните врски.

„Во очи на Божиќ, со радост ги завршуваме празничните денови од „Зимската приказна“, која оваа година донесе многу среќа, радост и детски насмевки низ Битола,“ додаде тој.

Општина Битола за крај подели над 1000 празнични пакетчиња на најмалите учесници, додавајќи уште еден момент на радост и топлина во овој свечен ден.

Честит Бадник! Нека Божиќ донесе мир, здравје и радост во секој дом!

Continue Reading
Advertisement
Advertisement

Трендинг

Copyright © 2024 Булевар.мк