Времето истекува за украинските сили кои се борат во рускиот регион Курск, изјави портпаролот на Кремљ, Дмитриј Песков. Тој нагласи дека понудата за поштедување на животите на украинските војници сè уште е на маса, но дека таа нема да биде достапна засекогаш, пренесува руската новинска агенција ТАСС.

Американскиот претседател Доналд Трамп ја побарал поддршката од рускиот лидер Владимир Путин за да се спасат животите на украинските војници, кои се верува дека се опколени во Курск. Путин, кој ја нареди инвазијата на Украина во февруари 2022 година, се согласи да ги поштеди животите на украинските војници од „хуманитарни причини“, но побара украинското раководство да им нареди на војниците во регионот Курск да го положат оружјето и да се предадат.

Руското Министерство за одбрана денеска објави дека руските сили ја вратија контролата над селата Рубаншчина и Заолешенка во регионот Курск, јавува Ројтерс.

Украинскиот претседател Володимир Зеленски индиректно призна дека војската ќе мора да се повлече од областа. „Ситуацијата е многу тешка. Можам само да им се заблагодарам на нашите борци за оваа операција, која ја исполни својата мисија“, изјави Зеленски пред новинарите.

Украина ја пренесе војната на руска територија со ненадеен напад минатиот август. Почетната оправдувачка причина за овој потег беше можноста за размена на дел од територијата во замена за окупирани украински области, во случај на преговори со Русија. Русија ги засили своите напори да ја истера украинската војска од Курск, каде што таа окупираше околу 100 населени места.

Руските власти денеска објавија дека пресретнале 126 украински беспилотни летала во текот на ноќта, главно над јужните региони Волгоград и Воронеж.

Министерството за одбрана на Русија соопшти дека соборило 64 беспилотни летала над регионот Волгоград и соседната област Воронеж, додека преостанатите летала биле насочени кон пограничните региони.

Рускиот претседател изјави пред два дена дека неговата земја е „за“ прекин на огнот, но истакна дека постојат „важни прашања кои треба да се решат“, по подготовката на 30-дневен план за прекин на огнот од страна на САД и Украина за време на неодамнешните разговори во Саудиска Арабија.

Погледнете го видеото

An incident to report in Volgograd too

Obviously, damage in the region is “as a result of the falling debris” and the governor adds “a local reed fire broke out in the Krasnoarmeysky district, which was quickly extinguished. There were no casualties or damage to objects.” pic.twitter.com/N0YZMPQhzu

— Tim White (@TWMCLtd) March 15, 2025

UAV Ucrain cấp tập tấn công nhà máy lọc dầu Volgograd, Nga trong đêm rạng ngày 15/3. Có đến 10 tiếng nổ lớn được nghe thấy; clip quay cảnh nhà máy bùng cháy dữ dội. https://t.co/tgQR44RQZX

— linh le (@linhle37314440) March 15, 2025

Генералниот секретар на НАТО исто така смета дека односите со Русија би требало да се нормализираат откако ќе сопре огнот на фронтот во Украина. Во интервјуто тој рече дека пристапувањето на Украина во НАТО повеќе не е на дневен ред.

Пристапувањето на Украина во НАТО повеќе не е на дневен ред, изјави генералниот секретар на алијансата Марк Руте во интервју за Блумберг.

– Да – рече Руте како одговор на прашањето дали американскиот претседател Доналд Трамп навистина го отстранува прашањето за пристапување на Украина во алијансата.

Руте исто така смета дека односите меѓу НАТО и Русија би требало да се нормализираат откако ќе сопре огнот на фронтот во Украина.

– Нормално е војната некако да сопре за Европа, чекор по чекор, исто така и за САД, чекор по чекор, за да се вратат добрите односи со Русија.

Сепак, генсекот на НАТО смета дека работите уште не стигнале до таа точка и дека затоа „треба да го одржиме притисокот за да се осигураме дека Русија сериозно ќе ги сфати мировните преговори“.

Американскиот претседател Доналд Трамп на крајот на февруари на средба со британскиот премиер Кир Стармер изјави дека Украина нема да влезе во НАТО.

Трамп претходно изјави дека Украина „може да заборави“ на изгледите за членство во НАТО. Според него, желбата на Украина да се приклучи на алијансата беше она што доведе до воен конфликт.