Connect with us

Инфо +

ГОЛЕМ СНЕЖЕН БРАН ЌЕ ЈА ЗАФАТИ МАКЕДОНИЈА Снежните врнежи ќе започнат в петок

Published

on

В петок попладне и за време на викендот се очекуваат повремени врнежи од дожд, кои на планините ќе преминат во снег. В недела, поради влијание на постудена воздушна маса, снежни врнежи ќе се појават и во пониските предели, информираше УХМР.

Македонија викендов ја очекува значителен студен и снежен бран кој според прогнозите може да донесе нова снежна покривка од 50 сантиметри до еден метар на планините и на скијачките центри. Поголема снежна покривка ќе се формира и во делови од пониските предели, вклучувајќи ги и градовите.

Метеопрогнозерот Славчо Попоски најавува снежен бран почнувајќи од петок.

„Поради тоа што сѐ уште е неофицијално, можно е варирање околу очекуваната снежна покривка. Ќе видиме што ќе покажат најновите ажурирања“, напиша Попоски на Фејсбук.

Потврда за снежниот бран доаѓа и од Управата за хидрометеоролошки работи (УХМР). Оттаму велат дека до петок времето ќе остане стабилно, но во котлините ќе има појава на магла и ниска облачност, што ќе одржи пониски температури.

На планините, пак, ќе продолжи постепеното топење на постојната снежна покривка.

„В петок попладне и за време на викендот се очекуваат повремени врнежи од дожд, кои на планините ќе преминат во снег. В недела, поради влијание на постудена воздушна маса, снежни врнежи ќе се појават и во пониските предели“, изјави дежурниот синоптичар Јулијана Фиданоска-Мишкоска.

Предупредувања за силниот студ и снег пристигнуваат и од соседните земји. Српските метеоролози исто така прогнозираат дека Балканот ќе биде зафатен од студен бран кој може значително да влијае на условите за движење.

Сите граѓани се повикуваат да бидат внимателни, особено оние кои планираат патувања за време на викендот, и да ги следат препораките на надлежните институции за справување со снежните услови.

Свет

Трамп потпиша наредба за укинување на Министерството за образование

Published

on

Доналд Трамп потпиша извршна наредба со која започнува укинување на американското Министерство за образование.

Трамп рече дека „ова е вистинскиот чекор“ и дека одделот ќе биде затворен „што е можно побрзо“.

Министерството за образование на САД администрира федерални студентски заеми за студенти од колеџ и универзитет, обезбедува помош за студенти со ниски приходи и ги финансира училиштата за да обезбедат одредени програми за студенти со попреченост.

Во Америка, училиштата најчесто се финансираат и управуваат на ниво на сојузни држави, а тоа особено се однесува на основните и средните училишта, додека само околу 13% од финансирањето на овие училишта доаѓа од државниот буџет.

Белата куќа тврди дека елиминирањето на одделот ќе ги подобри резултатите од тестовите на студентите и ќе заштеди пари, додека демократите и другите критичари велат дека овој потег ќе ги остави најранливите студенти без помошта што им е потребна.

Наредбата на Трамп доаѓа како дел од пошироката стратегија на администрацијата во последните недели за намалување на големината на федералната влада.

Continue Reading

Европа

Во Мадрид пристигнаа седум пациенти повредени во трагичниот настан во Кочани

Published

on

Амбасадорот на Македонија во Шпанија, Едмонд Адеми објави дека во Мадрид вечерва пристигнале седумте пациенти повредени во трагичниот настан во Кочани.

Тие се сместени на лекување во две Универзитетски клиники. 

„Благодарност до шпанската влада, шпанското министерство за здравство и Регионот на Мадрид кои го превеземаа лекувањето на овие 7 млади луѓе. Амбасадата ќе биде во целосно располагање во текот на нивното лекување во Мадрид. Посакувам брзо заздравување!“, напиша Адеми.

Continue Reading

Европа

Германија ќе го намали бројот на работници од Балканот

Published

on

Германските демохристијани и социјалдемократите преговараат за формирање нова влада, а една од клучните одредби на потенцијалниот коалициски договор во делот поврзан со миграцијата е намалување на бројот на работници во Германија од Западен Балкан.

Имено, со сегашните одредби, кои беа воведени во 2016 година, беше дозволено легално доаѓање на нискоквалификувани работници од БиХ, Србија, Албанија, Црна Гора, Косово и Северна Македонија, а квотата, по неколку години успешно спроведување на програмата, беше ограничена на 50.000 работници.

Новиот коалициски договор предвидува оваа бројка да се преполови и да се овозможи пристигнување на 25.000 работници годишно.

Оваа мерка има за цел да ја контролира имиграцијата и да го намали притисокот врз домашниот пазар на труд, пишуваат Независне новине, пренесува Банкар.ме.

Сепак, постои загриженост дека ваквото намалување може да го влоши недостигот на вештини во одредени сектори, а имаше отпор и критики за овие планови во делот на бизнис заедницата. Деловните здруженија, особено од секторите градежништво, нега и угостителство, предупредуваат дека ваквото намалување може дополнително да го влоши постоечкиот недостиг на квалификувани работници.

Холгер Шванеке, извршен директор на Централното здружение на германски занаетчии (ЗДХ), изјави за Франкфуртер алгемајне цајтунг дека намалувањето на квотата на работници од Западен Балкан дополнително ќе го влоши недостигот на квалификувани работници во занаетчискиот сектор.

Најважната одредба на ова правило е секој неквалификуван работник кој нема диплома или не поседува посебна вештина за која може да се добие „сина карта“, односно привилегирана имиграција, може да оди во Германија и да бара работа.

Доколку најде работа потребна е само потврда од работодавачот дека тој работник му треба, како и формална потврда дека ниту еден работник од Германија или ЕУ не се пријавил за оваа позиција.

Со овие документи тој може да оди во германското конзуларно одделение за визи во неговата земја и да побара работна дозвола за работа во Германија.

Новата коалиција, притисната од јавното незадоволство од неконтролираната миграција, има намера да преземе неколку мерки за намалување на притисокот врз германскиот миграциски систем, а правилото за Западен Балкан е една од предложените мерки.

Дебатата за планираните кратења продолжува, при што различни интересни групи изразуваат загриженост и укажуваат на потенцијалните негативни последици за германскиот пазар на труд. Покрај работодавачите, незадоволни се и синдикатите кои сметаат дека работниците од Западен Балкан се покажале како добри работници и придонеле за германската економија.

Претседателот на Конфедерацијата на германските синдикати Јасмин Фахими рече дека работниците од нашиот регион придонеле за стабилноста на германскиот пазар на труд.

Некои политичари од Зелените и ФДП, исто така, ја изразија својата загриженост и бараат различен поглед на ситуацијата.

Преговорите за формирање нова коалиција се уште се во тек и се уште нема конечна одлука за оваа одредба.

Самите работници од Западен Балкан, пак, се почесто се одлучуваат да се вратат дома, жалејќи се на значителното зголемување на трошоците за живот.

Електричар од Бања Лука, кој се вратил од Баварија, вели дека платил 1.100 евра за стан во Минхен и дека кога ќе се соберат сите трошоци, пресметал дека може да заработи повеќе во својата професија во БиХ.

„Покрај тоа, јас сум тука во мојата куќа, со моето семејство. Условите за работа и платите се подобри таму, но трошоците се зголемија во последните две години“, рече тој.

Continue Reading
Advertisement
Advertisement

Трендинг

Copyright © 2024 Булевар.мк