Текст: Тетово ова утро се разбуди во магична зимска облека. Улиците, парковите и покривите се покриени со дебел бел прекривач од снег, создавајќи идилична слика како од разгледница. Граѓаните го искористуваат моментот за прошетки и уживање во зимската идила, додека децата весело прават снешковци и се санкаат низ градските ридови. Зимската магија го облагородува Тетово.

Прекрасните фотографии се дело на Катерина Наумоска

Центарот за управување со кризи (ЦУК) информира дека во изминатото деноноќие бил регистриран еден пожар на отворен простор и истиот е изгаснат. Повикувајќи се на официјалните известувања од АМСМ, од ЦУК известуваат дека забрани за движење на тешки товарни возила од превентивни причини има на патните правци, Крива Паланка – граничен премин Деве Баир; Гостивар – Маврово – Дебар; Гостивар – Стража – Кичево, како и на планиските превои Пресека и Плетвар. Од 8:50 часот поради заледеност на коловозот на автопатот Пријателство кај село Миравци, тешките товарни возила се пренасочуваат преку стариот пат Удово – Демир Капија.

Регионалниот ЦУК Куманово, известува дека пожарникарите од Територијалната противпожарна единица (ТППЕ) Крива Паланка, од 15:25 до 17:05 часот, со 4 пожарникари и 1 противпожарно (ПП) возило, заедно со 3 вработени во Комуналец – Крива Паланка, гаснеле запалена депонија во близина на село Конопница“, информираше утрово ЦУК.

Повикувајќи се на официјалните известувања од АМСМ и УХМР, од ЦУК известуваат дека забрани за движење на тешки товарни возила од превентивни причини има на патните правци, Крива Паланка – граничен премин Деве Баир; Гостивар – Маврово – Дебар; Гостивар – Стража – Кичево, како и на планиските превои Пресека и Плетвар. Од 8:50 часот поради заледеност на коловозот на автопатот Пријателство кај село Миравци, тешките товарни возила се пренасочуваат преку стариот пат Удово – Демир Капија.

„АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. Денеска времето ќе биде облачно и студено насекаде со врнежи од снег, а наместа, особено во западните делови ќе бидат обилни. Поради ниските температури и засилениот северен ветер ќе има појава на голомразица и снежни наноси. Максималната температура ќе биде во интервал од -3 до 4 степени“, се наведува во соопштението на ЦУК.

Од ЦУК повикуваат сите итни случаи да се пријавуваат на Единствениот повикувачки број за итни случаи 112.

Ексградоначалникот на село Рилци, Благоевградско – Живко Чукарски, ја призна вината за незаконско регистрирање на македонски државјани и склучи спогодба со Окружното обвинителство во Благоевград.

Истрагата покажа дека Чукарски изготвил и потпишал 246 потврди за постојана адреса на живеење за македонски државјани, иако тие не живееле во селото и не доставиле потребни документи за регистрација.

Во периодот од 2016 до 2019 година, во село Рилци биле регистрирани над 4.000 македонски државјани. Дел од регистрациите биле направени на непостоечки адреси или на празни полиња.

Иако многумина од фиктивно пријавените граѓани веќе се одјавени, проблемот со лажните адреси останува актуелен.

Во соседното село Бело Поле, сѐ уште има повеќе од 10.000 фиктивно регистрирани македонски државјани, за кои мештаните велат дека никогаш не ги виделе.

„Македонците беа привилегирани за добивање бугарски пасоши“, пренесуваат бугарските медиуми, повикувајќи се на сведок кој одблиску е запознаен со случајот.

Според сведокот, биле ангажирани над 100 „медијатори“ кои обезбедувале документи, фиктивни адреси и посредувале пред институциите. Македонците плаќале по 1.000 евра за пасош, додека граѓаните на Косово до 5.000 евра.

Сведокот за БТВ објасни дека постојат три начини за стекнување бугарско државјанство:

1. Вработување или основање компанија во Бугарија, со што се добива статус на постојан престој.

2.Основање фирма од страна на странски државјани и отворање седиште во Бугарија.

3. Издавање документ за бугарско потекло, што е најчесто користен метод.