Јавното обвинителство во Брауншвајг и полицијата истражуваат неколку случаи на злоупотреба на довербата во раководството на Бад Сакс. Изминатава недела, 45 полицајци претресоа девет згради, вклучувајќи ја градската управа, неколку владини канцеларии и два локални бизниси.

Во фокусот на истрагата се некои градски функционери. Според германските медиуми, еден работник, долгогодишен вработен, наводно лажно пријавил прекувремена работа и дежурства низ годините.

До 150.000 евра годишно за прекувремена работа и дежурства?

Според договорот, неговата годишна плата изнесувала околу 50.000 евра, со додатоци за прекувремена работа и дежурства.

Наводно, овој работник покажувал и наплатувал дури 150.000 евра годишно за прекувремена работа, со што неговата годишна заработка се зголемила на околу 200.000 евра.

„Тоа не може да биде вистина“, изјави портпаролот на јавното обвинителство за германските медиуми. Тоа би значело дека човекот морал да работи 400 часа прекувремена работа секоја недела..

Доколку се потврдат наводите, се поставува прашањето кој одобрил плаќања од таков обем и колку време траело.

Уште два сомнителни случаи

Дополнително, се истражуваат два други случаи кои се однесуваат на прекршување на законите за јавни набавки и можна корупција.

Меѓу другото, се тврди дека градот доделил договори на локална градинарска фирма без претходен процес на јавни набавки, велат од обвинителството. Претставникот на компанијата и градскиот службеник наводно се тесно поврзани.

Третиот случај се однесува на сомнеж дека услугите што ги врши услужна компанија се наплаќале по нереално високи цени. Се истражува и сомнителната врска на градскиот функционер со компанијата, објавија германските медиуми.

На Телеграм каналот Military Informer, се појавија фотографии од македонските борбени хеликоптери Ми-24 во украинските вооружени сили. 

Македонија во повеќе наврати донираше воена опрема за Украина. Руската инвазија на Украина почна на 24 февруари 2022 година. Русија ја нападна Украина со три цели демилитаризација, денацификација, и признавање на независноста на Доњецк и Луганск. Потоа Русите објавија дека целта им е ослободување на Донбас. 

Европскиот суд за човекови права оцени дека Бугарија ја прекршила презумпцијата на невиност и правото на правично судење на европратеничката Елена Јончева и мора да и плати отштета од 8,000 евра.

 Станува збор за случај од 2019 година, кога бугарското Јавно обвинителство започнало кривична постапка против Јончева под сомнеж за перење пари преку „Корпоративната комерцијална банка“, која банкротира пред една деценија.

 Според Судот во Стразбур, Обвинителството обелоденило детали за случајот со кои сугерирало дека Јовчева била вклучена во голема операција за перење пари, наместо тоа да го направи на „дискретен и воздржан начин“, почитувајќи го принципот на презумпција на невиност.

 По покренувањето на постапката против Јончева, бугарското Јавно обвинителство побара од Европскиот парламент да и го укине пратеничкиот имунитет што таа го ужива како европратеничка.

Но, Европарламентот го одби ваквото барање, со оценка дека со постапката против Јончева бугарското Обвинителство се обидува „да им наштети на нејзините политички активности, а не да постигне правдата“.

Со ова Обвинителството не можеше да ја продолжи постапката против европратеничката.

Јончева, која првпат беше избрана за европратеничка во 2019 година, тогаш обвини дека постапката против неа претставува „политички напад“ од страна на партијата Граѓани за европски развој на Бугарија (ГЕРБ) Бојко Борисов, кој во тоа време беше бугарски премиер.

 На покренувањето на постапката против Јончева претходеа обвинувања од нејзина страна на сметка на Владата за „неквалитетна изградба“ на автопатишта во земјата и на граничната ограда кон Турција, како и за „неправилност при реновирањето на објекти со народни пари“.

 Неколку месеци подоцна врз основа на пријава на тројца пратеници на ГЕРБ, Обвинителство покрена постапка против Јончева под сомнеж дека учествувала во перење на 333,000 евра преку „Корпоративната комерцијална банка“.

 Јончева, која е поранешна новинарка, тврди дека во 2012 година банката „ја спонзорирала“ за снимање на документарни филмови, потенцирајќи дека никој во Бугарија во тоа време не се сомневал оти во банката се вршел криминал.

 Инаку, сопственикот на „Корпоративната комерцијална банка“, Цветан Василев во време на покренувањето на постапката против Јончева ја имаше титулата „банкар на годината“ во Бугарија, иако во 2014 година беше обвинет за раководење со криминална група која од банката одзела над една милијарда евра.