Жална слика во градот кој жали најмногу. Телевизија Кочани објави неколку снимки на кои може да се види редица луѓе кои во Паркот на револуцијата чекаат да запалат свеќа за жртвите во страотниот пожар во дискотеката „Пулс“. Пожарот предизвикан од пиротехнички средства зеде 59 животи, додека 155 лица се хоспитализирани.

По кратка блокада на Кочанската болница роднините на загинатите решија да се повлечат и да дозволат телата на нивните деца да бидат однесени на обдукција.

Голем дел од родителите на хоспитализираните лица ноќта ќе ја поминат во Скопје бидејќи повеќе од 80 лица беа хоспитализирани во скопските клиники. Десетици лица со потешки повреди веќе беа пренесени во соседна Бугарија, Србија и Грција со итна помош од соседните земји за да добијат соодветен третман таму.

Видеото може да го погледнете тука

Македонка која живее и работи во Неа Каликратиа нуди бесплатно сместување на роднините на пациентие кои се сместени во болницата Папаниколау во Солун.

Хотелот и апартманите биле на 20 минути со автомобил до болницата.

Татјана +30 698 000 76 73

Почивај во мир Андреј, другар мој…

Беше исклучително ведар човек, семеен кого го водеа вистинските вредности, а хуманоста беше твоја водилка. 

Сакаше да помагаш на сите и тоа го правеше вистински од срце, дури имавме и заеднички акции.

Така, вистински и од срце помагаше во таа кобна ноќ, нештедејќи го својот живот за да ги спасиш другите.

Ќе те паметам засекогаш, јас но и сите генерации.

Твоите дела ќе останат засекогаш. 

Ми беше чест што те познавав.

Нека Бог ги прими душите на сите кои ги изгубија животите во оваа најголема трагедија која сите нѐ скрши и нека им даде Царство небесно.

Посакувам побрзо закрепнување на повредените.

Моите мисли се со сите вас.

Нека ви е вечна слава!

Напиша Орце Ѓорѓиевски на социјалните мрежи.