Скопје

СНЕГОТ НЕ ГИ ИЗНЕНАДИ ГРАДОНАЧАНИЦИТЕ НА СКОПСКИТЕ ОПШТИНИ Од синоќа се расчистуваат најпрометните улици

Скопските општини уште во текот на ноќта почнаа со расчистување на снегот од улиците. Дел од градоначалниците веќе информираа дека ноќеска биле активирани службите.

Општина Центар, како што соопштија оттаму во текот на ноќта ги расчистувала најкритичните и најпрометните улици.

– Зимската служба започна со расчистување на снегот уште од доцна синоќа, приоритетно на најкритичните локации, како што е подножјето на планината Водно, и на најпрометните улици под надлежност на општината. Со вкупно 4 возила – 2 со плуг и соларка, како и 2 специјализирани возила за отстранување снег, тимовите се на терен од ноќеска и интензивно работат на фрлање сол и расчистување на уличната мрежа, како и на критичните сообраќајни точки – вели градоначалникот на Центар Горан Герасимовски.

Општина Гази Баба, пак, активира 4 специјализирани возила за снег, два багери и 50 вработени.

-Граѓаните да бидат спокојни, лично сум на терен со колегите од кризниот штаб и сите оние кои активно работат на расчистување на снегот. Со цел брзо и ефикасно делување, отворивме мобилен пункт во Црешево каде што се доставени количини на сол и ризла и во пунктот е присутна механизација подготвена за делување на терен. Безбедноста во сообраќајот е најважна во вакви временски услови. Како општина правиме се што е потребно да овозможиме непречено одвивање на сообраќајот низ целата општина – вели градоначалникот на оваа општина Бобан Стефковски.

Акцијата за расчистување на снегот во Гази Баба трае повеќе од 7 часа и досега по улиците на општината се расфрлени повеќе од 30 тони сол и ризла.

И градоначалникот на општина Кисела Вода информира дека изминатите часови активно се чистел снегот од улиците во оваа општина.

Скопје

Сообраќајна драма во Карпош – Го удрил со ретровизор па го претепал

Во скопската општина Карпош, денес се случи насилен инцидент во сообраќајот — маж бил удрен со ретровизор од страна на друг возач, по што следувал физички напад, објави локалниот портал.

Според пријавите, сè започнало со расправија на улица, по што насилниот возач прво го удрил со ретровизор на возилото, а потоа ја продолжил агресијата и физички нападнал лице кое било во колона пешаци/возачи.

Засега, нема официјална информација дали е поднесена кривична пријава, но случајот е пријавен кај надлежните служби и полицијата врши проверки.

Градските власти и полицијата апелираат до граѓаните да ја зголемат вниманието — да се воздржуваат од насилство и да реагираат цивилизиранo во конфликтни ситуации, особено во сообраќај.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.