18-годишно момче од Велес доби кривична пријава откако, според полицијата, на 3 јануари оставил торба со марихуана во автобус кој сообраќал на линијата меѓу Скопје и Велес.

„СВР Велес поднесе кривична пријава против П.К.(18) од Велес поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“. На 03.01.2025 на седиште во автобус кој сообраќал на релација Скопје – Велес, пријавениот оставил торба со марихуана која била пронајдена и одземена од полициски службеници при СВР Велес“, пишува во полициското соопштение.

Велешанец е тешко повреден во сообраќајна несреќа што се случила по полноќ на наплатната станица Сопот. 

– На 13.01.2025 во СВР Велес било пријавено дека околу 00.06 часот на автопатот Скопје – Велес, на наплатна станица Сопот, патничко возило „опел“ со велешки регистарски ознаки, управувано од А.Д.(41) од Велес, удрило во столб од наплатната станица. Во несреќата со тешки телесни повреди се здобил Л.М.(41) од Велес, сопатник во возилото, а со телесни повреди се здобил возачот, констатирани во болницата во Велес, информираа од полицијата. 

По овластување на јавен обвинител, увид на местото извршила увидна екипа од СВР Велес. 

Контролор во автобус на ЈСП „Скопје“ синоќа бил физички нападнат на подрачјето на Центар од едно машко лице кое немало билет.

Како што се наведува во МВР-билтенот, се работи за С.А.(44) од Скопје, кој синоќа во 19:20 часот случајот го пријавил во СВР Скопје. Според пријавата, инцидентот се случил во 19:02 часот.

Полицијата презема мерки за расчистување на случајот.