Connect with us

Македонија

Тони Коњановски: Нови инвестиции за подобрување на условите во медицинското училиште во Битола

Published

on

Градоначалникот на општина Битола, Тони Коњановски, денес го посети општинското средно медицинско училиште „Д-р Јован Калаузи“, каде имаше средба со директорот на училиштето, Горан Талевски, и вработените. На средбата беа разгледани новите инвестиции кои ќе започнат со почетокот на новата година, а активностите за реализација веќе се во тек.

Како дел од овие инвестиции, започна реконструкцијата на спортската сала во училиштето. Демонтирани се стариот инвентар и справи за вежбање, а ќе се инсталира нов, висококвалитетен спортски под, специјално дизајниран за кошарка, ракомет и одбојка. Вкупната инвестиција за реконструкцијата на спортската сала изнесува 5.642.406 денари, а дополнително ќе се изврши интервенција на кровната конструкција во износ од 306.800 денари. Работите се планираат да бидат завршени до крајот на февруари.

Исто така, започна и реконструкцијата на наставничката канцеларија, за која е предвидена сума од 535.725 денари, а работите треба да завршат до крајот на месецот.

„Овие проекти се важни за подобрување на условите за учење и спортски активности на учениците. Ваквите инвестиции се дел од заложбите на локалната самоуправа за создавање на подобри услови во образовниот систем,“ изјави градоначалникот Коњановски.

Општина Битола продолжува со вложувања во образованието и спортот, со цел да им се обезбедат најдобри услови на младите генерации.

Македонија

Ова се државите кои примиле повредени од трагедијата во Кочани

Published

on

По страшната трагедија во Кочани, во која загинаа 59 лица, а над 150 беа повредени, започна брза меѓународна медицинска помош за тешко повредените граѓани. Благодарение на интензивната комуникација и соработка со партнерските земји, за помалку од 12 часа по несреќата, првите пациенти беа испратени на лекување во странство.

До утрово, вкупно 51 македонски граѓанин се наоѓа на лекување во следните земји:

• Бугарија 🇧🇬 – 14 пациенти во три болнички установи

• Турција 🇹🇷 – 9 пациенти

• Грција 🇬🇷 – 5 пациенти

• Србија 🇷🇸 – 17 пациенти

• Литванија 🇱🇹 – 4 пациенти, транспортирани со авион обезбеден од Романија 🇷🇴

• Унгарија 🇭🇺 – 2 пациенти

Во текот на денешниот ден, дополнителни пациенти ќе бидат испратени на лекување во:

• Австрија 🇦🇹 – 6 пациенти

• Словенија 🇸🇮 – 4 пациенти

• Хрватска 🇭🇷 – 4 пациенти

• Норвешка 🇳🇴 – 2 пациенти

Дополнително, за да обезбедат медицинска помош на повредените во земјава, пристигнаа медицински тимови од Чешка 🇨🇿, а се очекува и пристигнување на тимови од Израел 🇮🇱 и Белгија 🇧🇪.

Министерот за надворешни работи и надворешна трговија, Тимчо Муцунски, изрази голема благодарност до сите земји што веднаш одговорија на повикот за помош, нагласувајќи дека оваа солидарност е потврда за сојузништвото и пријателството што Северна Македонија го има со бројни држави ширум светот.

Continue Reading

Македонија

Во текот на ноќта пациенти ќе се испраќаат во Австрија, Грција и Хрватска

Published

on

Министерството за здравство ја информира јавноста дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти. Состојбата на пациентите се следи внимателно, а понатамошните медицински постапки се спроведуваат врз основа на конзилијарни одлуки.

Во текот на денешниот ден, пациентите се распределени по здравствените установи низ земјата, и тоа:

Клинички центар – 52 пациенти
ГОБ „8 Септември“ – 17 пациенти
Универзитетска клиника „Св. Наум Охридски“ – 12 пациенти
Клиника за токсикологија – 10 пациенти
Аџибадем Систина – 7 пациенти

Покрај обезбедувањето медицинска нега во земјата, дел од пациентите се транспортирани во здравствени установи во странство, благодарение на меѓународната поддршка и соработката со партнерските земји:

Литванија – 4 пациенти
Австрија – 2 пациенти
Словенија – 2 пациенти
Република Србија – 12 пациенти
Република Бугарија – 1 пациент

Во текот на ноќта и утрешниот ден се очекува медицински транспорт од Австрија, Грција и Хрватска, со авиони и хеликоптери за натамошен трансфер на пациенти.

Министерството за здравство информира дека сите пациенти кои се префрлени во странство се во стабилна состојба и под континуирана медицинска нега.

Дополнително, во соработка со ЈЗУ Психијатриска болница-Скопје и Клиниката за психијатрија се формирани мобилни тимови составени од психијатри и психолози, кои обезбедуваат психолошка поддршка за пациентите и нивните семејства.

За сите кои имаат потреба од психолошко советување или помош, достапна е телефонската линија 078 378 754, каде што стручни лица обезбедуваат поддршка.

Министерството за здравство останува во постојана комуникација со сите надлежни институции и меѓународни партнери за натамошна координација и поддршка.

Continue Reading

Македонија

Клучниот човек од „Тимот Трамп“ ДОНИРАШЕ 1 МИЛИОН ДЕНАРИ за семејствата на жртвите во трагедијата во Кочани

Published

on

Крис Павловски, Македонец по потекло, основач и сопственик на компанијата Рамбл и еден од клучните луѓе во „Тимот Трамп“ изрази сочуство до семејствата на починатите и повредените во трагедијата во Кочани.

Тој, преку Црвениот Крст донираше 1 милион денари за поддршка на семејствата и жртвите.

Continue Reading
Advertisement
Advertisement

Трендинг

Copyright © 2024 Булевар.мк