Македонија

„КОГА ДОЈДОВ НА ФУНКЦИЈАТА ДИРЕКТОР НА ДРЖАВНИ ПАТИШТА, ЗАТЕКНАВ СОСТОЈБА НА НЕРЕШЕНИ ПРОБЛЕМИ, КОИ ЈА УСПОРУВАА ИЗВЕДБАТА“: Трајановски за Градско-Дреново

Изградбата на дел од овој експресен пат поточно делницата Градско-Дреново која е дел од Коридорот 10д е од витално значење за централниот и југозападниот дел на државата поради големата дневна фреквенција на возила меѓу кои и голем број на товарни возила.

Кога дојдов на функцијата директор на ЈПДП затекнав состојба на нерешени проблеми кои ја успоруваа изведбата на преостанатите градежни работи, но направивме натчовечки напори да ги решиме проблемите и да ги забрзаме работите.

Дозволете да им заблагодарам на премиерот Hristijan Mickoski ,министерот за траснпорт и потпреседател на владата Aleksandar Nikoloski и сите министри на владата на Република Македонија кои даваат огромна поддршка за реализација на проектите.

Посебно сакам да се заблагодарам на Изведувачот на работите-Штрабаг, како и на Надзорот ЕГИС, кои ги финишираа работите на овие 15.5 километри од првата делница, но и на Изведувачот на работите на втората делница Дреново–Фариш, а тоа е СИНОХИДРО и на Надзорот ГЕИНГ и ЕВРО КОНСАЛТИНГ кои помогнаа да се заврши и делот од отприлика еден километар од втората делница кој води до клучката Дреново.

Денеска пуштивме вкупно 16.5 километри од експресниот пат кој започнува кај клучка Градско, а завршува кај клучка Дреново.

Проектот е со вкупна вредност од 37.5 милиони евра и е финансиран 71,5% од ИПА фондови со вредност од 26.7 милиони евра и 28,5% од Национално Ко-финансирање во вкупна вредност од 10.6 милиони евра. Ширината на коловозот е 12,40 м, а делот што го пуштаме во употреба содржи: 3 клучки (Градско, Росоман и Дреново), 4 вијадукти, 1 мост, 4 надпатници, 3 подпатници, 7 плочасти пропусти и 28 цевасти пропусти.

Исто така сакам јавно да ветам дека и покрај двата поголеми проблеми, а тоа се ублажување и заштита на косините за коишто веќе имаме решенија, како и решавање на проблемот со заштита од опасни карпи на патот за што разгледуваме можни решенија, и втората делница Дреново – Фариш набрзо, односно уште оваа пролет некаде во март/април ќе биде завршена и пуштена во употреба.

Така ќе добиеме целина од 26 км експресен пат, кој значително ќе го забрза сообраќајот во централниот дел на државата, односно Коридорот 10д кој е еден од најзначајните патни правци и кој значително ќе го скрати времето на патување од Градско кон Прилеп и Битола.

Имаме предвидено и решение и за оние 4,76 километри кои во моментов се слепо црево на целиот овој потег од Градско до Прилеп, а кои се протегаат од каменоломот Маврово до село Беловодица и во периодот што следува интезивно ќе работиме и на овој план.

Како што знаете работиме и на изградбата на автопатската делница од Прилеп до Битола и сите овие започнати проекти ќе бидат од голем бенефит не само на жителите од регинов туку и на сите патници добронамерници, но што е најважно бенефит ќе има и бизнис заедницата која ќе може порелаксирано да го развива бизнисот, а со самото тоа крајната придобивка е на контото на граѓаните.

Нека е со среќа!

Македонија

Ледени утра ни претстојат: Температурите паѓаат до -8 степени

Македонија денеска е под влијание на влажен бран со облачно време и повремени врнежи од дожд, додека на планините врнежите ќе бидат од снег.

Од петок се очекува стабилизирање на времето, но со значителен пад на утринските температури. За време на викендот и во почетокот на следната недела утрата ќе бидат ведри, но многу студени, со температури кои насекаде ќе се спуштат под нулата.

Најниските утрински температури се предвидуваат во недела и понеделник, кога на места ќе достигнат и до -8 степени. Дневните температури кон крајот на периодот ќе бидат во благ пораст, достигнувајќи до 10 степени.

Македонија

Тошковски сооошти дали ќе има толеранцијата на камерите „Сејф Сити“

Министерот за внатрешни работи, Панче Тошковски, за „Топ Тема“ на Телма изјави дека камерите од системот „Сејф Сити“ ќе имаат исти отстапки како што се применуваат кај полициските радари.

Според министерот, за брзини до 100 км/ч ќе важи толеранција од 6 км/ч, за брзини над 100 км/ч – 8 км/ч, а за брзини над 200 км/ч – 12 км/ч.

Тошковски нагласи дека овие толеранции се однесуваат само на сообраќајни прекршоци, додека во случаи на кривични дела поврзани со сообраќајот, толеранција нема да се применува.

Македонија

Сали и Хоџа нови министри: ВЛЕН најавува засилени реформи и европски курс

Со изборот на Беким Сали за прв вицепремиер и министер за европски прашања и Мухамет Хоџа за министер за животна средина и просторно планирање, коалицијата ВЛЕН јасно го поставува правецот на своето делување – кон реформи, кон Европа и кон држава што работи во интерес на граѓаните.

Именувањето на Беким Сали претставува потврда за политички профил со интегритет, искуство и визија. Како пратеник, Сали важеше за еден од најактивните и најконструктивните гласови во Собранието, со иницирање и поддршка на конкретни законски решенија во интерес на граѓаните и унапредување на институционалните стандарди. Во новата улога како прв вицепремиер и министер за европски прашања, тој ја презема одговорноста за една од стратешките определби на ВЛЕН и на Владата – европскиот пат на државата. Со лидерство, професионалност и решителност, Сали ќе работи на интензивирање на реформите и враќање на довербата дека европската интеграција е реален, мерлив и неповратен процес.

Подеднакво значајно е и именувањето на Мухамет Хоџа на чело на Министерството за животна средина и просторно планирање. Во период кога заштитата на животната средина, уредувањето на урбаниот простор и одржливиот развој се меѓу клучните предизвици, овој ресор бара сериозна работа, стручност и храбри одлуки. Од ВЛЕН истакнуваат дека веруваат оти Хоџа ќе го води секторот одговорно, ставајќи го јавниот интерес пред секоја друга сметка и носејќи политики што ќе ја заштитат животната средина, ќе го уредат просторот и ќе го подобрат квалитетот на живот на граѓаните.

Според ВЛЕН, овие именувања јасно покажуваат дека коалицијата промовира кадри кои работат, а не само зборуваат, кои спроведуваат реформи, а не импровизираат, и кои државата ја гледаат како сервис за граѓаните, а не како партиска сопственост. Со Беким Сали и Мухамет Хоџа на овие клучни позиции, Владата добива нова енергија, јасна европска ориентација и капацитет за конкретни резултати.

Во соопштението, ВЛЕН повторува дека останува посветена на длабоки реформи, европска интеграција и градење институции кои работат со чесност, транспарентност и одговорност.

На крај, од коалицијата изразуваат почит и благодарност до досегашните министри Орхан Муртезани и Изет Меџити за нивниот значаен придонес, одговорното раководење и коректната соработка.