Од 14 до 25 години се починатите лица во пожарот кој се случи утринава во дискотека во Кочани изјави денеска директорката на Болницата во Кочани, д-р Кристина Серафимова. 

Починатите се од Скопје, Штип, Кочани и Пробиштип, додаде д-р Серафимова, додавајќи дека кај нив се хоспитализирани 20 пациенти од 18 до 23 години.

Во пожарот кој избувна утрово во 3 часот загинаа 51 лице, а над стотина се повредени, соопшти претходно министерот за внатрешни работи Панче Тошковски.

– Марија Тасева, 20-годишна девојка која е една од повредените во пожарот во дискотеката во Кочани, пред камерата на МИА сведочеше дека во моментот на пожарот настанала гужва и дека излегувајќи надвор паднала на земја.

– Сите почнаа да трчаат надвор.Сите гледаа да се спасат. Сестра ми е изгубена. Не можеме да ја најдеме во никоја болница. Сега чекаме тука резултати дали ќе ја најдеме, ако не, на крај во Скопје. Излегувајќи надвор паднав на земја и другите газеа врз мене, едноставно бев на земја со образот, изјави Тасева.

Нејзиниот татко вели дека немаат информација за втората ќерка која има 25 години.

Водеото може да го погледнете тука

Одете надвор! Одете надвор, па ќе се вратиме, им велеше Панчо од ДНК на публиката откако се појавија првите пламени од синоќешниот пожар во дискотеката „Пулс“ во Кочани во кој загинаа и повеќе од 50 лица. На снимката се гледа како над рефлекторите се шири линијата на огнот.

Откако се запали и кровната конструкција настанува вистинска паника. Првите резултати од истрагата покажуваат дека несоодветната употреба на пиротехника го предизвика пожарот.

На терен се пожарникарски, полициски и екипи на ЦУК. За во 9 часот закажана е и првата конференција за медиумите на министерот за внатрешни работи Панче Тошковски.

На концертот присуствувале 1.500 лица.

Видеата може да ги погледнете на следиот линк