Утре, петок (28 март 2025), поради планирани технички зафати, без напојување со електрична енергија ќе бидат повеќе делови од Скопје.

Според најавите, струја нема да има во селата Горно Нерези и Горни Крушопек во периодот од 09:00 до 14:00 часот.

Исто така, прекин во снабдувањето со електрична енергија ќе има и во општина Бутел, на улицата Призренска (бр. 6, бр. 8, бр. 2, бр. 18, бр. 53, бр. 22, бр. 9, бр. 1 и бр. 3), во периодот од 09:00 до 15:00 часот.

Граѓаните се советуваат навреме да се подготват за прекинот и да ги прилагодат своите активности.

Градоначалникот на општина Кисела Вода, Орце Ѓорѓиевски, денес го означи почетокот на значаен проект за унапредување на енергетската ефикасност во образовните институции. Заедно со министерот за образование и наука, Весна Јаневска, во ООУ „Партенија Зографски“ беа поставени фотоволтаични системи, како дел од проектот што ќе вклучи сите основни училишта во општината.

„Со поставувањето на фотоволтаични системи, не само што заштедуваме енергија, туку и ги намалуваме трошоците за електрична енергија, а средствата кои ќе се заштедат ќе бидат пренасочени во подобрување на наставните услови и образовниот процес“, истакна Ѓорѓиевски.

Проектот, кој ќе биде завршен до средината на мај 2025 година, ќе вклучи и други општини. Фотоволтаични системи ќе бидат поставени и во општина Зелениково (ПОУ „Марко Цепенков“) и во општина Карпош (ООУ „Владо Тасевски“ и ООУ „Војдан Чернодрински“).

Проектот вреди над 11 милиони денари и се реализира преку финансиско партнерство со Бирото за регионален развој и Центарот за развој на Скопски Плански Регион, преку Програмата за развој на планските региони.

„Овој проект е важен не само за енергетската ефикасност, туку и за создавање на финансиски стабилни и еколошки одговорни образовни институции“, додаде Ѓорѓиевски.

Сите училишта кои ќе бидат опремени со он-грид фотонапонски системи до 20 KW, ќе станат енергетски независни, што ќе придонесе за подобрување на образовните услови и штитење на животната средина.

Денес попладне, се случи судир помеѓу две возила на булеварот „Никола Карев“ во Скопје. Полицијата на терен извршува увид, а повеќе детали се очекуваат од Министерството за внатрешни работи во текот на денот.

ВИДЕО