Градоначалникот на општина Кисела Вода и претседател на ЗЕЛС, Орце Ѓорѓиевски, денес оствари средба со претседателот на Стопанската комора на Македонија, Бранко Азески. На средбата се разговараше за клучни теми како децентрализацијата, инвестиционата активност на општините и поддршката на бизнисот.

„Стопанската комора на Македонија ќе ги поддржи сите интенции на Владата кои одат во насока на остварување на раст од 4%, градењето на правна држава и почитувањето на принципите на пазарната економија,“ истакна Азески.

Ѓорѓиевски го информираше претседателот за активностите на општината, при што беше нагласена важноста на создавање поволна бизнис-клима, елиминирање на пречките за инвеститорите и поддршка на компаниите кои отвораат нови работни места и водат сметка за еколошките стандарди.

„Продолжуваме со активности за економски раст, подобрување на условите за бизнисите и развој на општините,“ порача Ѓорѓиевски.

Во непосредна близина на трговскиот центар „Сити мол“, во Карпош 3, поточно во зградата над продавницата „Електрометал“ денес околу пладне се случи пожар на вториот кат. Во тек е акција на пожарникарите.

Граѓаните во паника ги напуштија домовите, за засега се знае дека прожарот не е проширен и дека пожарникарите пристигнале навреме. Интервенцијата се случува преку балконот, односно со помош на пожарникарски скалила.

Димот се чувствува надалеку, а дали има материјална штета во моментов не е познато.

Насилството е за секоја осуда, никој на овој свет не смее да биде жртва. Ова не е прва мерка која ја воведуваме во насока на надминување на ваквите или слични проблеми, истакна градоначалникот.

Финансиска помош за жртвите на семејно и родово базирано насилство! Општина Кисела Вода, ќе доделува финансиска помош на жртвите на семејно и родово базирано насилство.
Борбата за спречување на секој вид на насилство е дел од нашата стратегија која во континуитет ја спроведуваме, посочи градоначалникот на Кисела Вода, Орце Ѓорѓиевски.

-Оваа нова мерка, за која наскоро ќе биде распишан и Јавен повик, ќе гарантира целосна дискреција на жртвите кои ќе се пријават, а ќе приложат потврда дека се регистрирани како жртви на семејно насилство. Насилството е за секоја осуда, никој на овој свет не смее да биде жртва. Ова не е прва мерка која ја воведуваме во насока на надминување на ваквите или слични проблеми, истакна градоначалникот.

Претходно, во населбата Црниче, заедно со граѓанската организација „Крик”, општина Кисела Вода отвори канцеларија за психолошко советување на жртвите од булинг, семејно или било каков тип на насилство.

-Кисела Вода не само што е потписник на Истанбулската Конвенција на Советот на Европа за спречување и борба против насилство врз жените и семејното насилство, туку и во пракса интензивно работи на имплементација на сите нејзини постулати. Заедно сме посилни. Заедно можеме да направиме промени, истакна тој.