„Големата игра на геополитиката вклучува тектонски потреси во планетарни димензии, но кога земјотресните „плочи“ ќе се стресат некаде, не можеме, а да не го почувствуваме тоа на овој мал Балкан. Со доаѓањето на главниот „тектоничар“ на овие потреси во Белата куќа, некогашните пријатели на Америка во ЕУ ги фати паника, па повеќе од легитимно е да се прашаме: што ќе биде со нас во * Македонија? Сега Мицковски ги засили критиките кон ЕУ, ја отфрли можноста со уставни измени да се вклучат и Бугарите во уставот (има оправдани причини за тоа) и ги интензивира напорите да ја македонизира државата на сите нивоа. А кој би се занимавал со поплаките на незадоволните Албанци, ако нивната позиција би можела да се врати назад во случај Трамп да се пренасочи на друго области, кои ќе бидат во негов интерес?“ – пишува новинарот Даут Даути во својата колумна со наслов „Македонија во минатото, а на Косово му бега задоцнетиот воз!“, која ја објави информативниот портал на албански јазик „Алфакс“.

Покрај другото, натаму Даути наведува: Неодамнешната анкета во * Македонија покажа дека сè уште повеќе од 60 отсто се за ЕУ, иако има опструкции од ЕУ, а особено од членката на ЕУ Бугарија на напорите на земјата да ги отвори вратите кон Унијата. Порано за ЕУ беа 80-90 проценти, но сега критичната маса на скептицизам спредизвика забележителен пад на довербата во ЕУ. ЕУ има многу гревови дури и во очите на Албанците, особено со доцнењето на влезот на Албанија во ЕУ и неразумното одложување на укинувањето на визите за Косово за една година!

Во * Македонија евроскептицизмот од етничка перспектива (присутен многу повеќе кај Македонците отколку кај Албанците), и покрај официјалните проевроатлантски политики, има и доза на противамериканизам. ВМРО ДПМНЕ беше против уставните измени, да се вклучат Бугарите во уставот, што Бугарија го бараше, но тоа го оправда со сомнеж дека и по овие измени нема да престанат барањата на нејзините соседи кон * Македонија и дека неподготвеноста да гласаат за нив нема да значи априори против ЕУ. Неколку изјави од ЕУ дека никој не може да гарантира дали вклучувањето на Бугарите во уставот на * Македонија е последното барање на Бугарија му дадоа за право на ВМРО ДПМНЕ, кое беше наградено од гласачите на изборите на 8 мај 2024 година.

Позиционирањето против уставните измени беше „доволен“ аргумент за СДСМ и ДУИ да кажат дека ВМРО ДПМНЕ е  антиевропска по својата ориентација и проруска! Сега се случува парадокс со американските избори и враќањето на Трамп. Партијата ВМРО ДПМНЕ, која се смета себеси како  десничарска, и некои медиуми на македонски јазик како да најдоа „сродна душа“ во администрацијата на Трамп, со која наоѓаат „заеднички вредности“ и има нескриена егзалтација. Премиерот Христијан Мицкоски беше во САД и се чини дека никој пред него не ја почувствувал Америка толку пријателска, толку промакедонска. Отворено изразениот протрампизам ги зголеми надежите за продлабочување на односите со Америка, бидејќи овојпат политичките прашања се поврзуваат и со емотивните.

Сега Мицковски ги засили критиките кон ЕУ, ја отфрли можноста со уставни измени да се вклучат и Бугарите во уставот (има оправдани причини за тоа) и ги интензивира напорите да ја македонизира државата на сите нивоа и да ги дефакторира Албанците колку е можно повеќе.

Изгледа се наредија коцкиците во на мозаикот кај сите евроскептици и американоскептици,  бидејќи по самитот САД-Русија во Ријад се поклопуваат емотивната и политичката страна во едно! Се чини дека САД ги напуштаат своите европски сојузници и се приближуваат кон Русија. Токму тоа би го сакале некои кругови во * Македонија, да има „два во едно“: и Америка (која никогаш искрено не ја сакале) и Русија (која ја сакале, но не можеле да ја изразат). Плус, десничарско идеолошко усогласување. … Кој би се занимавал со поплаките на незадоволните Албанци, ако нивната позиција би можела да се врати назад во случај Трамп да се пренасочи на друго области, кои ќе бидат во негов интерес?

Премиерот Христијан Мицкоски денеска изјави дека 95 проценти од судиите чесно работат, но и дека има и такви кои останале партиски измеќари и се слуги на тие кои ги предложиле. Мицкоски, одговарајќи на новинарско прашање за реформите во правосудството, рече дека последниот браник и цврст штит во моментот на поранешната влада на СДСМ и ДУИ се дел од судиите и дел од обвинителите, меѓу кои е јавниот обвинител Љупчо Коцевски.

• „Најголемиот дел, би рекол 95 проценти од судиите се луѓе коишто чесно си ја работат својата работа, кои што обвинуваат според закон и Устав, судат според закон и Устав. Но, за жал има и такви коишто останаа да бидат партиски измеќари и коишто ценат дека кога ќе ја облечат токата, наместо да заборават на партиските привлегии и оние кои што ги предложиле, тие сѐ уште се верни слуги на истите коишто на времето, бидејќи такви се законите и процедурите, ги предложиле да бидат таму каде што се“, рече Мицкоски.

Премиерот повторно го потенцира, како што кажа, однесувањето на еден обвинител од пред неколку дена, којшто „одлучи наместо да биде обвинител и заштитник на владеењето на правото и правдата, да биде верен слуга и измеќар на една партија која што беше долги години на власт и дел од коалицијата во поранешната влада“. Мицкоски не го кажа неговото име, но рече дека новинарите точно знаат за кого станува збор.

• „Јас сум сигурен дека вие новинарите точно знаете за кое име станува збор и очекувам тоа да биде во насловите на вашите соопштенија. На тој што му стоеја на ушка, на една слика“, истакна Мицкоски.

Запрашан за тоа дали се зборувало за можни нови членови на Судскиот совет, премиерот нагласи дека не се дискутирало.

• „Ние не влеговме во ова затоа што имаме однапред спремено тефтерчиња во коишто се наоѓаат имиња, како тие што беа во Речица и на „Бихаќка“. Ние влеговме од принципиелни причини бидејќи вие граѓаните им дадовте доверба помала два проценти, а и последните случувања за избор на вршител на должноста Претседател на Врховниот суд, името коешто е избрано, е дополнителен мотив овие членови на Судскиот совет да бидат разрешени“, додаде Мицкоски, кој беше на настан во Центарот за обука на полицијата.

Власта веќе подолго време алармира дека потребни се итни реформи за независно судство, а коренот на сите проблеми е во судскиот и обвинителскиот совет.

Јавен обвинител од Основното јавно обвинителство Скопје поведе постапка против 49-годишен жител на Тетово за кого постои основано сомнение дека во Скопје сторил кривично дело – Предизвикување општа опасност согласно член 288 став 4 во врска со став 1 од Кривичниот законик.

На 11 март, во атарот на селото Катланово каде што бил ангажиран како овчар, осомничениот, иако знаел дека постои реален ризик да се предизвика опасност, запалил оган кој се проширил од ветрот што довело до опожарување на површина од 4,7 хектари од кои еден дел била дабова шума и ниска вегетација. Со пожарот била причинета штета проценета на околу 196.000 денари.

Надлежниот јавен обвинител од судијата на претходна постапка од Основниот кривичен суд Скопје побара да бидат определени мерки на претпазливост – обврска осомничениот повремено да се јавува во Судот и забрана за преземање на определени работни активности кои се поврзани со кривичното дело.