Македонија
Двојазичноста се става под контрола?
Парламентарното мнозинство на денешната 31. седница ги донесе измените и дополнувањата на Законот за заштита на децата, кој повторно се најде пред пратениците. Пред крајот на минатата година претседателката Гордана Сиљановска Давкова му стави вето, односно, не го потпиша указот за прогласување на законот, затоа што има недоследности со Уставот.
Законските измени се однесуваа на тестирањето и лиценците за негуватели во градинките, а со кои беше предвидено да се двојазични. Сиљановска Давкова сметаше дека ова е неуставно, по што владејачката коалиција на ВМРО-ДПМНЕ и Вреди направија измени со кои документите ќе бидат на македонски јазик, а по барање и на друг јазик на кандидатот.
Измените денеска беа изгласани со 65 гласа „за“, а „против“ гласаа 17 пратеници. Законот го доби и потребното Бадентерово мнозинство, односно за измените „за“ гласаа 12 пратеници од немнозинските заедници, а 6 беа „против“.
За овој закон беа поднесени вкупно 6 амандмани, од кои 4 од СДСМ и од Левица, кои беа отфрлени, а двата поднесени од коалициските партнери од власта ВМРО-ДПМНЕ и ЗНАМ, поминаа.
По донесувањето на измените на законот, претседателката на државата е должна да го потпише указот за негово прогласување.
Решението кое го прифати мнозинство вели дека тестирањето и лиценците за работа во детските градинки се врши и се издаваат на македонски јазик, а доколку кандидатот побара, да биде издадена и на албански јазик, односно на јазикот што го зборуваат најмалку 20 проценти од населението.
– Лиценцата се издава на македонски јазик и неговото кирилско писмо, а доколку подносителот на барањето зборува јазик кој го зборуваат најмалку 20 проценти од граѓаните на Република Македонија, на неговото барање му се издава на македонски јазик и на неговото кирилско писмо и на јазикот кој го зборува и неговото писмо – рече пратеникот на ВМРО-ДПМНЕ, Бојан Стојановски.
Ваквата формулација не беше прифатлива за опозициската ДУИ, од каде што сметаат дека лиценците по автоматизам треба да бидат и на албански јазик.
– Јас како претставник и како Албанец имам право по автоматизам да му се обратам и да влезам на испитот и на мојот јазик. Како што е фактот со личните документи, ние не направивме посебно барање – рече пратеникот на ДУИ, Талат Џафери.
Од СДСМ преку амандманите бараа целосно да се избришат членовите што се однесуваат на тестовите и лиценците. Овие амандмани не поминаа, а не поминаа ниту амандманите на Левица кои од собраниската говорница прашаа зошто лиценците да не се издаваат и на турски, влашки, ромски, српски и бошњачки јазик .
– Македонија не е двојазична земја. Во Македонија службени јазици со ограничена употреба, со цел нивна регионална заштита се и турски, ромски, влашки, албански, српски и бошњачки јазик и затоа форсирање да се издаваат двојазични лиценци само на македонски и албански јазик е спротивно на амандманот 5 од Уставот и не е со цел заштита на албанскиот јазик, туку е во функција на дезинтеграција на македонското општество – рече пратеникот на Левица, Сашко Јанчев.
Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење организиран криминал и корупција, донесе одлука со која мерката куќен притвор за Асмир Јахоски во врска со истрагата за набавка на мазут за ТЕЦ Неготино, се преиначува и се определува мерка притвор во траење од 30 дена.
Донесеното решение, како што информираат од Кривичен, е доставно до странките во постапката и добиено е известие од надлежната полициска станица дека лицето е обезбедено и спроведено во Истражниот затвор Скопје.
– Кривичниот совет, постапувајќи по жалба на ОЈО ГОКК изјавена против решение на судија на претходна постапка против А.Ј., а поврзано со истрагата за набавка на мазут во ТЕЦ Неготино и одговорот на жалба донесе решение со кое: Мерката куќен притвор, определена со решение на судија на претходна постапка се преиначува и се определува мерка притвор во траење од 30 дена заради постоење на основите од чл. 165. ст.1 т. 1 и 2 односно Опасност од бегство и Околности кои укажуваат дека истиот може да ја попречи истрагата со влијание врз сведоци, се вели во соопштението од Основниот кривичен суд Скопје.
Против ова решение странките имаат право на жалба пред Апелациониот суд Скопје.
ОЈО ГОКК вчера го обжали решението за куќен притвор за Асмир Јахоски во врска со истрагата за набавка на мазут за ТЕЦ Неготино.
-Основното јавно обвинителство за гонење на организиран криминал и корупција го разгледа Решението со кое не се прифати предлогот на Обвинителството за определување на мерка притвор и на осомничен му беше определена мерка куќен притвор и мерка на претпазливост – одземање на патна исправа и забрана за издавање на нова патна исправа, соопшти вчера ОЈО ГОКК.
Незадоволно од ваквата одлука, како што се наведува во соопштението, Основното јавно обвинителство за гонење на организиран криминал и корупција во законски утврдениот рок до Кривичниот совет при Основниот кривичен суд – Скопје поднесе жалба поради суштествена повреда на одредбите од кривичната постапка и побара Кривичниот совет да ги преиспита фактите содржани во жалбата, како и решавачките факти врз основа на кои е донесено обжаленото Решение.
Министерството за внатрешни работи објави видео од одземеното возило во Кавадарци поради создавање бучава.
Во Кавадарци синоќа во 22.40 часот полициски службеници од ПО БПС Кавадарци сопреле патничко моторно возило „бмв“ со кавадаречки регистерски ознаки, сопственост и управувано од Р.С. од Кавадарци, а во врска со претходна објава на социјалната мрежа инстаграм, на која се гледа дека возачот го управува возилото со нагло зголемување на брзина, со што предизвикува пролизгување на погонските тркала и создавање бучава.
МВР денеска соопшти дека од страна на полициските службеници возилото е одземено по член 344 став 2 од Законот за безбедност на сообраќајот на патиштата.
– На 14.03.2025 во Станица за технички преглед во Кавадарци извршено е мерење на бучава и утврдена е бучава над дозволената. Согласно член 344 став 3 од ЗБСП, возилото „бмв“ е привремено одземено на период од 90 дена, соопштија од МВР.
Кривичниот суд ја прифати жалбата на Обвинителството Асмир Јахоски, осомничен за набавката на отровен мазут со која се испумпале 167 милиони евра оди во Шутка.
Кривичниот совет при Основниот кривичен суд Скопје, постапувајќи по жалба на Основно јавно обвинителство за гонење организиран криминал и корупција, изјавена против решение на судија на претходна постапка против А.Ј. , а поврзано со истрагата за набавка на мазут во ТЕЦ Неготино, по одржана јавна седница како и ценење на наводите во жалбата и одговорот на жалба донесе решение со кое:
Мерката куќен притвор , определена со решение на судија на претходна постапка се преиначува и се определува мерка притвор во траење од 30 дена заради постоење на основите од чл. 165. ст.1 т. 1 и 2 односно Опасност од бегство и Околности кои укажуваат дека истиот може да ја попречи истрагата со влијание врз сведоци.
Донесеното решени е доставно до странките во постапката и добиено е известие од надлежната полициска станица дека лицето е обезбедено и спроведено во Истражниот затвор Скопје, соопштија од Судот.
Против ова решение странките имаат право на жалба пред Апелациониот суд Скопје.
Со почит Основен кривичен суд Скопје.
-
Република2 days agoТри сестри од кривопаланечкото село Жидилово ќе останат без 493 крави, ради политички реваншизам !!!
-
Црна Хроника2 days agoТрагедија во Тетово: Прегазена 18-годишна девојка, возачката избегала!
-
Македонија4 days agoПАДНАА ГОЛЕМИ ИМИЊА: Приведени нафтени моќници во акцијата против трујачите со мазут!
-
Република3 days agoУТРЕ ПРЕКИН ВО НАПОЈУВАЊЕТО СО ЕЛЕКТРИЧНА ЕНЕРГИЈА ВО ТЕТОВСКО
-
Република4 days agoУтре без струја делови од Тетово и тетовско
-
Црна Хроника4 days agoОГНЕН ХАОС ВО КИСЕЛА ВОДА: Осум возила во пламен, едно целосно изгоре!
-
Република6 days agoГолема полициска акција: Разбиена поголема група, уапсени 23 лица
-
Свет7 days agoМакедонецот Дане Котески е убиен во Америка, запалена е неговата фирма – семејството бара помош