На почетокот од втората фаза на Светското првенство, македонските ракометари одиграа драматично реми против Австрија со резултат 29-29 (14-13). Натпреварот се одигра во „Арена Вараждин“ пред малкучисна публика, но понуди голема борба и возбудлив финиш.

Нашиот селектор Кирил Лазаров не можеше да смета на Јагуриновски поради болест, а во стартната постава тргнаа Кузмановски, Митев и Велковски во бековската линија, додека крилни напаѓачи беа Атанасијевиќ и Костески, со Лазаревски на позиција кружен напаѓач. Првиот гол за Македонија го постигна Лазаревски, отворајќи го резултатот на натпреварот. Следеше размена на голови, а Митев и Атанасијевиќ донесоа рано водство од 3-1. Кизиќ се истакна со неколку одбрани, меѓу кои и еден пенал, што ѝ помогна на Македонија да задржи предност во првиот дел од полувремето.

Сепак, Австријците постепено се вратија во игра, а со серија голови од Белос и Хутечек првпат поведоа пред крајот на првото полувреме. На пауза се замина со резултат 14-13 во корист на Австрија.

Во вториот дел, Австрија тргна агресивно и поведе со два гола разлика. Сепак, Македонија не се предаде – Кузмановски, Џонов и Велковски донесоа израмнување, а потоа и водство од 18-17. Натпреварот продолжи во неизвесен ритам со размена на голови, а драма се создаде во последните минути.

Во завршницата, на две минути пред крајот, Кузмановски промаши пенал, но на спротивната страна Дамбул го искористи својот обид за да ја врати предноста на Австрија (28-27). Митев израмни со прекрасен гол, а во последниот напад Македонија успеа да постигне израмнувачки гол за конечни 29-29.

Најефикасни кај Македонија беа Марко Митев со шест голови и Пешевски со пет, додека капитенот Кузмановски додаде четири. Кај Австрија, исто така, шест голови постигна Лукаш Хутечек.

Ова реми е важен бод за нашата репрезентација, која продолжува со натпреварите во втората фаза од Светското првенство.

Македонската ракометна репрезентација обезбеди пласман во главната фаза на Светското првенство кое се одржува во Хрватска, Данска и Норвешка. Со овој успех, „црвено-жолтите“ ќе одиграат уште најмалку три натпревари на овој Мундијал.

Во следната група, Македонија ќе пренесе еден бод. Првиот натпревар од главната фаза е против Австрија и ќе се одигра во вторник (21 јануари). Следниот предизвик е мечот против Катар, закажан за четврток (23 јануари), додека завршниот дуел е против фаворитот Франција во сабота (25 јануари).

Франција во оваа фаза влегува со четири бодови, Австрија со два, додека Катар нема бодови. Сите натпревари ќе се одиграат во Вараждин.

Распоред на натпреварите на Македонија:

• 21 јануари (вторник): Македонија – Австрија
• 23 јануари (четврток): Македонија – Катар
• 25 јануари (сабота): Македонија – Франција

Со поддршка од верната македонска публика, репрезентацијата се подготвува за нови предизвици и ќе се обиде да остави уште посилен впечаток на овој престижен турнир.

Селекторот на македонската ракометна репрезентација, Кирил Лазаров даде првична оценка за настапот на „црвено-жолтите“ во првата фаза на 29. Светско првенство.

Лазаров смета дека треба да се задоволни со победата, но секако можеле подобро.

-Промашивме 20 шутеви од кои 15-16 чисти зицери. Со поквалитетен противник нема да победиме ако промашуваме толку.  Добро е што ги поштедивме Митревски, Пешевски, Митев. Допрва тешки борби не’ оечкуваат, ни треба енергија. Жалиме за бодот со Унгарија, одиме да се подготвуваме за Австрија, вели селекторот.

Стручниот штаб утре ќе анализира и планот за следните натпревари ќе го презентира пред играчите.

И селекторот и репрезентативците ја очекуваат поддршката од навивачите и за следните натпревари.

Во Главната рунда Македонија ќе игра против репрезентациите на Франција, Австрија и Катар.

Според распоредот, следниот натпревар Македонците ќе го играат на 21 јануари исто така во Вараждин, со голема веројатност против Австрија.