Од Меѓународниот аеродром Скопје се воведуваат уште две нови авиолинии и тоа:

Скопје -Женева
Скопје – Париз (аеродром Орли)

Овие две дестинации се воведуваат на барање на дијаспората, а ќе ги оперира авиокомпанијата Изиџет со тоа што линијата Скопје – Париз ќе започне да се оперира од 2 април, додека линијата Скопје -Женева од 3 ноември, оваа година.

Овие две дестинации се дел од финансиската подршка што ја овозможува Владата преку Министерството за транспорт, а се во рамките на отворениот јавен повик за подршка за воведување на нови авиолинии.

Би сакале да потенцираме дека јавниот повик е се уште отворен и на него можат да се пријават сите заинтересирани авиокомпании кои ги исполнуваат критертиумите предвидени со повикот.

Со овие две нови линии се зголемува бројката на 9 нови дестинации кои ги обезбеди Министерството за транспорт. Претходно се потпишаа договори за воведување на линиите:

Охрид – Истанбул
Охрид – Базел Мулхаус
Скопје – Дубаи
Скопје – Штутгарт
Скопје – Лион
Скопје – Барселона
и за истите се овозможува финансиска подршка по принципот на патник во доаѓање.

“Ова е уште една одлична вест за граѓаните, за авиосообраќајот и за државата. Ова е резултат на добрите политики што ги спроведуваме во делот на авиосообраќајот. Париз и Женева се две атрактивни дестинации за граѓаните. Верувам дека ќе поттикнеме и други авиокомпании да се јават на повикот, со некои и веќе преговараме и очекувам воведување и на други дестинации од домашните аеродорми. Имаме потенцијал, имаме капацитет и верувам дека повторно ќе ја зголемиме конкурентноста на аеродормите во регионот. Дополнително на граѓаните им овозможуваме нови дестинации, а на нашите од дијаспората олеснување во комунакцаијата со своите блиски овде во Македонија. Развојот на авиосообраќајот е дел од владините приоритети и еве се потврдуваат нашите напори и овој сегмент да го развивавме”- истакна вицепремиерот и министер за транспорт Александар Николоски.

Денеска, на седницата на Управувачкиот комитет за координација и управување со системот за кризи, под раководство на министерот за внатрешни работи Панче Тошковски, се дискутираше за унапредување на кризниот менаџмент. На настанот присуствуваа високи претставници од Владата, ЦУК, Дирекцијата за заштита и спасување, како и национални институции.

Орце Ѓорѓиевски, градоначалник на општина Кисела Вода и претседател на ЗЕЛС, ја истакна потребата од заедничка работа меѓу централната и локалната власт за изградба на ефикасен систем за справување со кризи. Како клучни приоритети, тој ги посочи реформите во противпожарната заштита, подобрување на инфраструктурата и создавање финансиски одржливи механизми за заштита и спасување.

Со обезбедување ново противпожарно возило, простор за противпожарна станица и мултифункционален багер за расчистување на речните корита, општина Кисела Вода покажа проактивност, но Ѓорѓиевски потенцира дека е неопходна поголема поддршка од централната власт за надминување на системските предизвици.

“Превенцијата е клучниот елемент за справување со кризи. Само преку заедничка посветеност ќе обезбедиме стабилност и безбедност на нашите граѓани,” истакна Ѓорѓиевски.

Македонија и Австрија одиграа исклучително возбудлив и изедначен натпревар, кој заврши со реми 29-29, благодарение на голот на Кузмановски во последната секунда. Натпреварот беше драматичен до самиот крај, со наизменични водства и неизвесност која кулминираше со израмнувањето.

Македонскиот голман Никола Митревски, кој само неколку часа пред натпреварот се соочил со висока температура, го оцени резултатот како најреален исход од мечот.

„На крајот извлековме реми. Натпреварот беше изедначен во сите 60 минути. Се играше гол за гол, на крајот тие дадоа на 4 секунди до крајот, ние можеби на 4 стотинки. Најреално. Во првиот дел имавме 2-3 пати водство и од три разлика, но не успеавме да го задржиме. Имавме шанси да победиме. Во вториот дел го презедовме повторно водството, тие израмнуваа. На крај поведоа, ние израмнивме и тоа е тоа,“ изјави Митревски.

Тој откри дека, и покрај здравствените проблеми, не размислувал да се откаже од настапот:
„Пред мечот ‘горев’, но не мислев да се откажам. Сличен проблем имаа уште неколкумина од нашиот тим, но и тие стиснаа заби,“ додаде тој.

Митревски ја опиша и својата состојба пред натпреварот: „Ве молам, држете се настрана од мене. Пред неколку часа имав температура од 39,5 степени, но знаев дека морам да ѝ бидам на располагање на македонската репрезентација со оглед дека имавме неколку играчи со здравствени проблеми,“ рече тој.

Ова реми носи нови предизвици за македонската репрезентација, која покажа борбеност и тимски дух, дури и во најтешките моменти.