Република

Битола инвестира во спортот: Нови модерни терени за учениците во ОУ „Д-р Трифун Пановски“

Во рамките на иницијативата за унапредување на спортската инфраструктура во битолските училишта, општината започна со реконструкција на девет спортски игралишта, меѓу кои и во основното училиште „Д-р Трифун Пановски“.

Секретарот на општина Битола, Борче Димитровски, заедно со дел од општинската администрација, денес го посети училиштето, каде што ги претстави плановите за изградба на современи спортски терени. Проектот предвидува фудбалско и ракометно игралиште, кошаркарски терен и фитнес зона, со цел да се поттикне спортскиот дух и активниот начин на живот кај младите.

Покрај новата асфалтна подлога, спортските терени ќе добијат современа опрема, вклучувајќи нови кошеви, голови со мрежи и бележење на терените. Директорката на училиштето, Лилјана Николовска, истакна дека оваа реконструкција значително ќе придонесе за квалитетот на наставата по физичко образование и спортската рекреација на учениците.

Локалната самоуправа ја нагласува својата посветеност кон создавање подобри услови за младите, а овој проект е уште еден чекор кон модернизација на спортската инфраструктура во градот.

Република

ДЕЛ ОД ТЕТОВО И ШЕСТ СЕЛА УТРЕ БЕЗ СТРУЈА

Утре, 12 декември 2025 година, дел од Тетово и повеќе тетовски села ќе останат без електрична енергија поради најавени планирани прекини во снабдувањето.

Според објавата, без струја од 09:00 до 14:00 часот ќе бидат делови од градот Тетово, поточно објектите во близина на улицата Илинденска, кај стадионот.

Во истиот период, планиран прекин ќе има и во селата:
• Церово (повеќе локации, вклучително и репетитор Мобимак и целото село),
• Ново Село (две засегнати подрачја),
• Рогле,
• Теарце (од 09:00 до 10:00 часот),
• Челопек,
• Агино Село (ул. 114).

ЕВН најавува дека прекините се поради технички зафати во електро-мрежата и апелира граѓаните навреме да се прилагодат на измените.

Република

БИТОЛА БЛЕСНА ВО НОВА НОВОГОДИШНА СВЕТЛИНА

Битола и кажа добредојде на новогодишната магија. Претпразнично блеснаа улиците, плоштадите, сцените каде и годинава ќе се случува „Зимската приказна“.
Нова светлина, нова енергија, нова радост за граѓаните на Битола и сите гости.

Со оваа фотогалерија Ви пренесуваме дел од новогодишната магија во градот под Пелистер, подготвен за уште едно ново издание на предновогодишната програма на препознатливата „Зимска приказна“.

Република

Плакат од Киро Урдин во рацете на Коњановски како симбол на поддршката за „Браќа Манаки“

Директорот на Интернационалниот фестивал на филмската камера „Браќа Манаки“, Димитрија Доксевски, и извршниот директор Роберт Јазаџиски остварија средба со градоначалникот на Битола, Тони Коњановски, на која беше потврдена силната соработка меѓу фестивалот и Општина Битола.

На средбата се разговараше за долгогодишната партнерска врска која градот домаќин ја има со најстариот фестивал за филмска камера во светот, како и за подготовките за 47-то издание, чија цел е уште повпечатлива организација и достоинствен прием на меѓународните гости.

Како израз на благодарност, Доксевски и Јазаџиски на градоначалникот му врачија плакета со мотив од официјалниот плакат на 46-тото фестивалско издание, чиј автор е светски признатиот македонски сликар Киро Урдин.