Магазин

Овие секојдневни грешки можат да доведат до жолти заби – обрнете посебно внимание на втората грешка која ја правите

Ништо не ја уништува самодовербата побрзо од погледот во огледало и забележувањето на жолти заби. Без разлика колку често ги четкате, тие едноставно не изгледаат како што сакате.

Секој од нас сака да има сјајна, бела насмевка, бидејќи тоа може да ја зголеми самодовербата и да остави позитивен впечаток. Ако и вие сте фрустрирани од тоа што вашите заби изгледаат поцрвенети или жолти, не сте единствени. Понекогаш, без да бидеме свесни, правиме некои грешки при четкањето кои го влошуваат изгледот на нашите заби. Еве кои се тие грешки и како можете да ги избегнете!

1. Не ја навлажнувате четката пред четкање

Првата голема грешка што ја правиме често е да не ја навлажниме четката пред да започнеме со четкањето. Некои луѓе мислат дека сувите влакна подобро ќе ги чистат забите, но тоа е мит.

Во реалноста, сувата четка може да биде агресивна за непцата и да предизвика повеќе штета отколку корист. Освен тоа, без малку вода, пастата за заби не се распоредува рамномерно по забите, па не добивате максимален ефект.

Најдобро е да ја навлажните четката пред да почнете со четкање – ова ќе овозможи полесно и ефикасно чистење на забите.

2. Четкање веднаш по јадење или пиење нешто кисело

Другата голема грешка е што многу луѓе го прават ова несвесно – четкањето веднаш по јадење или пиење кисели намирници, како сокови, газирани пијалаци или кисели овошја.

Иако изгледа логично да ги исчистите забите веднаш, всушност ова може да ја оштети заштитата на забите. Киселините од овие пијалаци ја омекнуваат површината на забите, правејќи ги поподложни на оштетувања. Ако четкате веднаш, наместо да ги отстраните дамките, вие всушност го истенчувате најважниот слој од вашите заби, што со текот на времето може да направи вашите заби уште по жолти.

Како да го решите ова?

Решението е едноставно – наместо веднаш да четкате, почекајте барем еден час. Во меѓувреме, можете да ја исплакнете устата со вода или да џвакате гума без шеќер, што ќе помогне да се неутрализира киселината.

Со овие едноставни промени во навиките за орална хигиена, ќе ја зачувате здравата и бела насмевка подолго време. Не заборавајте – правилното четкање на забите може да направи огромна разлика!

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.