Роднини на повредените во изјава за „360 степени“ велат дека во дискотеката имало деца на возраст од 15 до 23 години.

Роднини на повредените деца во дискотеката во Кочани, во изјава за „360 степени“, откриваат каква е состојбата на повредените. Бранко Митев од Кочани, пред ГОБ „8 септември“, чека да го види својот 23-годишен внук.

Тој вели дека внукот е полесно повреден, но е истрауматизиран.

„Огромен број на луѓе млади, 51 се починати, сите болници се полни со повредени. Внук ми со Брза помош го донесоа тука, ние по нив одевме. Сега не можам да влезам да го видиме. Имам информација дека негово многу добро другарче починало, молам Бога да не е така“, вели Митев.

Негов сограѓанин од Кочани исто така чека да го види 21-годишниот внук. И тој бил добар, сам им се јавил по телефон да ги информира дека е во болница.

Тој во изјава за „360 степени“ вели дека во дискотеката имало деца на возраст од 15 до 23 години.

Девојче кое било внатре во дискотеката и кое пред болницата „Свети Наум Охридски“ чека информации за состојбата на своите другари, во изјава за медиумите рече дека се пламнало за две минути и оти се се случило многу брзо, а пожарот почнал од покривот.

„Пробуваа да реанимираат луѓе и на лице место. Пожарна и амбуланта стигнаа на време, но не беа доволно. Имаше стампедо при излезот. Јас моментално чекам другар тука, тој има изгореници на рака. На почетокот не можевме да поверуваме дека има чад и оган, а потоа настана огромна паника меѓу присутните и имаше стампедо при излез од клубот“, изјави девојчето кое не сакаше да биде снимано.

Превземено од 360

Родител на две девојки кои биле вчера во дискотеката во Кочани, се уште ја бара едната ќерка, додека другата е хоспитализирана.

– Дојдовме тука да ја бараме, во Кочани ја нема, во Скопје ќе ја бараме“, вели таткото Бобан Тасев за МИА.

Тој сведочи дека едното девојче кое го нашол и е хоспитализирано паднало при евакуацијата, а врз неа газеле други лица што се обиделе да се спасаст.

Девојчињата се Лепа и Марија Тасева на 20 и 25 години.

Погледнете го видеото

Директорката на болницата во Кочани доктор Кристина Серафимова предмалку на прес конференција рече дека загинатите во пожарот во дискотеката ноќеска се од Скопје, Штип, Пробиштип и Кочани.

-Примивме 70 лица, за жал меѓу нив имаше донесени и починати. Пациентите беа со изгореници и со интексикација од јаглероден моноксид. Потоа се пренесени во Клиничка болница Штип и оттаму некои се препратени за Скопје. Во моментот кај нас, има 20 пациенти со полесни симптоми. Починати се многу лица, но додека не заврши идентификацијата, не можеме да соопштиме колку се починати. Тешко беше да се идентификуваат дел од лицата зашто дел од нив немаа лични карти. Починатите беа на возраст од 14 до 24 години, изјави директорката на болницата во Кочани доктор Кристина Серафимова.