Црна Хроника

Ја нападнал мајка си и се заканувал со остар предмет

Млад кавадарчанец бил лишен од слобода денеска изутрина, по пријава дека ја нападнал мајка си и се заканувал со остар предмет, информираат од Секторот за внатрешни работи Велес.

„Денеска во 02.00 часот, полициски службеници од ОВР Кавадарци го лишиле од слобода Л.Е.(21) од Кавадарци, постапувајќи по претходна пријава од неговата 46-годишна мајка, дека во семејниот дом физички ја нападнал и ѝ се заканувал со остар предмет. Л.Е. бил задржан во полициска станица, а предметот бил одземен. Известен бил јавен обвинител и по документирање на настанот против него ќе биде поденсена соодветна пријава“, соопштија од СВР Велес.

Како што додадоа оттаму, еден час претходно, во ОВР Неготино било пријавено дека на улица „Страшо Пинџур“ во Неготино бил нарушен јавниот ред и мир со физичка пресметка помеѓу Љ.С.(25) и И.Н.(19), двајцата од Неготино.

По документирање на настанот, против нив ќе била поднесена соодветна пријава.

Црна Хроника

Две жени нападнати во автобуси на ЈСП во Скопје

Во два одделни инциденти на 19 декември 2025 година, две жени од Скопје биле физички нападнати додека се возеле во автобуси на ЈСП.

Првиот случај се случил околу 15:00 часот во подрачјето на Гази Баба, кога А.С. (46) пријавила дека била нападната од И.С. (39) од Скопје.

Вториот инцидент се случил околу 17:20 часот во подрачјето на Драчево, кога С.Ј. (55) била нападната од непознато женско лице додека се качувала во автобус.

Полицијата презема мерки за расчистување на двата случаи.

Црна Хроника

НОЌНА АКЦИЈА ВО ТЕТОВО – МВР со детали

На 19.12.2025 година во времето од 22:10 до 23:55 часот полициски службеници од СВР Тетово во содејство со Државен инспекторат за труд, Државен пазарен инспекторат и Управа за јавни приходи, извршиле акциска контрола во угостителски објекти во подрачјето на СВР Тетово. При тоа во угостителски објект во Тетово на ул.,,Јован Ончески” каде како управители се пријавиле И.С.(23) и М.Ј.(22), двајцата од с.Брвеница, биле затекнати шест малолетни лица, кои биле послужени со алкохолни пијалоци. Малолетниците се предадени на нивните родители и против сопствениците ќе следува соодветен поднесок во врска со сторено кривично дело „точење алкохол на малоетници“ согласно член 204 од КЗ на РСМ, додека од страна на другите органи биле преземени мерки и активности од нивна надлежност.

Црна Хроника

Петмина повредени во сообраќајна несреќа на автопатот Скопје–Велес

Пет лица се повредени во сообраќајна незгода што се случила денеска (20.12.2025) околу 16:20 часот на автопатот Скопје–Велес, во близина на Петровец. Според информациите, во несреќата учествувале две патнички моторни возила.

Повредените лица со возила на Итна медицинска помош биле пренесени во здравствени установи во Скопје, каде им е укажана соодветна лекарска помош.

На местото на настанот извршен е увид од увидна екипа на СВР Скопје, а се преземаат мерки за целосно расчистување на причините за сообраќајната незгода.