Црна Хроника

Доктор Џунејд Адеми со скршено срце раскажува за своите искуства во Кочани

Денес, како лекар во итната помош,се упатив кон болницата во Штип,блиску до градот каде што се случи трагедијата – пожарот во Кочани.Слики што не можат да се опишат со зборови.Болка, тишина и плач што ја потресуваат душата.

Меѓу таа темнина,пренесовме две млади лица–едно момче и една девојка со тешки изгореници, но со очи полни со живот и надеж.Додека ги одржував свесни на пат кон болницата,ми ги раскажаа своите соништа и желби… и таму,срцето ми се скрши.

Во итната служба не сретнаа родители, со солзи и страв во очите,чекајќи вести за своите деца.Еден татко ми се приближи со треперлив глас,прашувајќи за ќерка си, која не можеше да ја најде никаде… и до ден денес не можам да ги опишам тие секунди што ги почувствував.Заедно со еден пријател, еден чесен човек,баравме и ја делевме болката што нè натера да разбереме колку сме мали пред вакви трагедии.

Денес повторно научив дека кога животот тежи и боли,не е важно од каде доаѓаме, што зборуваме или во што веруваме. Важно е да сме еден до друг,да бидеме човечни.

Заедно можеме да ги надминеме и најтешките трагедии.Само кога ќе ги споиме рацете, срцата и силите–ќе бидеме посилни од секоја болка.
#Кочани💔

Извор: zoom.mk

Црна Хроника

Пожар во строгиот центар на Неготино – куќа во пламен

Благодарение на навремената интервенција на Територијалната противпожарна единица, претпладнево е спречена катастрофа од поголеми размери во строгиот центар на Неготино. Иако една куќа е целосно уништена, пожарникарите успеале да го локализираат огнот и да го спречат неговото ширење низ густо населениот кварт.

Во гаснењето на стихијата учествувале 10 пожарникари со три противпожарни возила. Нивната примарна цел била да се заштитат соседните објекти кои биле во непосредна опасност. Како резултат на високата температура и пламените јазици, неколку околни куќи претрпеле делумни оштетувања, но нивното целосно опожарување било спречено.

Најважно е тоа што нема повредени или настрадани лица. Повозрасниот маж кој престојувал во куќата каде што избил пожарот, навреме бил извлечен на безбедно.

„Навремената интервенција спречи поголема трагедија“, изјави за МИА Столе Атанасов, командир на Територијалната противпожарна единица – Неготино.

Пожарот е целосно локализиран, а во тек е увид за утврдување на причините за неговото настанување, како и проценка на материјалната штета.

Црна Хроника

Полицијата реагирала брзо: фатен дрвокрадец со возило без регистрација во Тетовско

На 15.12.2025 година во 14:30 часот полициски службеници од ПО Жеровјане во с.Челопек, кај место викано „Бриони” го лишиле од слобода Б.С.(31) од с.Челопек. Тој бил забележан како сече дрва, без да поседува соодветна дозвола. При тоа биле пронајдени и одземени дабови дрва и патничко моторно возило ,,мицубиши пајеро” без регистерски таблици. По документирање на случајот против него ќе следува соодветен поднесок.

Црна Хроника

Исчезна 30-годишен скопјанец

На 15.12.2025 во 01:50 часот во Полициската станица Гази Баба, И.Т.(51) од с.Инџиково, скопско, пријави дека од домот се оддалечил неговиот син А.Т.(30).

Се преземаат мерки за пронаоѓање на лицето.