Црна Хроника

Колешка на Панчо откри детали за неговата состојба – пријателите се молат за неговото здравје

Пејачката Тијана Дапчевиќ ја откри моменталната состојба на музичарот

Жртвите од пожарот во Кочани беа погребани денеска, а целиот регион остана во солзи.

За време на концертот на групата ДНК се случи голем пожар, во кој загинаа 59 лица. Страшни сцени го обиколија светот, а меѓу оние кои успеаја да се спасат имаше и 170 лица кои се здобија со полесни и тешки повреди. Беше дадена помош на многу луѓе во европските земји.

Владимир Блажев Панчо беше префрлен во скопската клиника Систина каде е поставен на интезивна нега, по пожарот кој изби во дискотеката „Пулс“ во Кочани каде што тој настапуваше со бендот.

Претходно беше објавено дека тој има изгореници на лицето и на раката и е на кислородна поддршка, но е свесен.

Пејачката Тијана Дапчевиќ ја откри моменталната состојба на музичарот, пренесува српски Ало.

– Владимир Блажев Панчо е надвор од животна опасност фала Богу и последната информација што ја добив е дека се опоравува. Се уште е критично, но се опоравува – потврди Дапчевиќ, пренесува Ало.

Потсетуваме, трагедијата во Кочани што ја зави цела Македонија во црно се случи ноќта помеѓу 15 и 16 март околу 03.00 часот наутро.

Трагедијата се случи на концертот на ДНК, кога пиротехниката го зафати и запали кровот, по што пожарот се прошири за само неколку минути, а од досегашната истрага, местото имало само една отворена врата.

Покрај Андреј кој загина на лице место во пожарот, и тоа откако се вратил за да им помогне на другите, згасна животот на уште седум млади музичари од групата ДНК. Меѓу настраданите лица од пожарот се и тапанарот Ѓорѓи Горгиев, клавијатуристот Филип Стевановски, гитаристот Александар Коларов, фотографот Александар Ефремов, придружниот вокал Сара Пројковска, тон-мајсторот Игор Велков и битбоксерот Мартин Атанасовски кој исто така беше дел од ДНК.

Во страшната несреќа загинаа најмалку 59 лица, а повредени се речиси 200 кои моментално се наоѓаат на лекување во болници.

Извор: Гламур.мк

Црна Хроника

Тројца кумановци уапсени поради кражба на делови од автобус во Горно Којнаре

Тројца млади мажи од Куманово се лишени од слобода поради сомнение дека извршиле кражба на делови од автобус во селото Горно Којнаре. Според информациите од МВР, полициски службеници од СВР Куманово вчера (09.12.2025) околу 21:20 часот ги уапсиле А.Л. (31), М.Л. (26) и Д.З. (25).

Според првичните сознанија, тие на 12 октомври годинава со употреба на сила одзеле делови од автобус паркиран во кумановското село. По приведувањето, осомничените биле спроведени во полициска станица, каде во службен разговор го признале делото.

Од МВР информираат дека по целосно расчистување и документирање на случајот, против тројцата ќе бидат поднесени соодветни пријави.

Црна Хроника

Kривична пријава против поранешен министер за внатрешни – МВР со детали

На 09.12.2025 Одделот за сузбивање на организиран и сериозен криминал до ОЈО Скопје поднесе кривична пријава против О.С. (49) од Куманово, поради постоење на основано сомнение за сторено кривично дело „злоупотреба на службена положба и овластување“ по чл.353 ст.4 во врска со ст.1 од КЗ.

О.С. додека ја извршувал функцијата министер за внатрешни работи, односно во текот на 2021 година, искористувајќи ја својата службена положба и овластување овозможил на правен субјект- технички преглед во општина Сарај да се стекне со противправна имотна корист во износ од 5.565.927 денари.

О.С. делото го сторил на начин што во законски предвидениот рок не донел решение за одземање на овластување за технички преглед врз основа на предлог, доставен од надлежна организациска единица за граѓански работи. Истиот, иако знаел дека рокот за донесување решение за одземање на овластувањето е најдоцна до 15 дена од денот на доставување на предметот, не ја извршил својата службена должност согласно чл.65 ст.3 од Законот за возила и чл.5 од Правилникот за начинот и постапката за донесување и одземање на решението за овластување на правното лице за технички преглед на возила и за категории на возила за кои се издава овластување за технички преглед на возила.

Црна Хроника

Кривична пријава против директорката – МВР со детали

ОВР Кочани поднесе кривична пријава против Ј. Е.(51) од Кочани поради постоење основи на сомнение за сторено кривично дело „злоупотреба на службената положба и овластување“.

Пријавената, во својство на вршител на должноста директор на Јавна општинска установа-детска градинка „Павлина Велјанова“ во Кочани, презела службено дејствие и ги пречекорила границите на своите службени овластувања на тој начин што преку приватна агенција за вработување времено ангажирала лице на работно место негувател за периодот од 01.12.2024 до 15.05.2025 без притоа лицето да поседува важечка лиценца за работно место негувател.

Со наведеното дејствие, пријавената овозможила лицето да се стекне со имотна корист од 164.824 денари.