Дејан Георгиевски, македонскиот олимписки медалист од Токио успеа на Македонија да донесе ново злато во таеквондо и уште еднаш да покаже дека е еден од најдобрите во светот.

Македонецот денеска успеа да го освои Опен Скопје Г1, што носи бодови за остварување на олимписката норма.

На овој турнир кој се одржа викендов во Скопје учествуваа таеквондисти од 40 земји, а денеска Георгиевски просто воодушеви со својата борбеност и победа во финалето против Куецуеексунгур од Германија, па на 2:0 за Георгиевски, противникот го предаде мечот поради повреда и тоа во втората рунда.

Реал Мадрид покажува интерес за ангажман на плејмејкерот на Манчестер Јунајтед, Бруно Фернандеш. Според извештаите на „Дејли Стар“, португалскиот фудбалер се гледа како потенцијален наследник на 39-годишниот Лука Модриќ на позицијата играч за врска.

Трансферот на Фернандеш во Реал Мадрид се проценува на околу 90 милиони фунти. Иако тренерот Рубен Аморим сака да го задржи играчот во Манчестер Јунајтед, клубот има за цел да генерира дополнителни приходи и да ги намали оперативните трошоци.

Во тековната сезона, Фернандеш има настапено на 44 натпревари во сите натпреварувања, постигнувајќи 16 голови и исто толку асистенции. Неговиот актуелен договор со Манчестер Јунајтед трае до летото 2027 година.

Македонскиот напаѓач Давид Тошевски одигра блескав натпревар во австриската Бундеслига, постигнувајќи хет-трик во победата на Клагенфурт со 2:3 на гостувањето кај Хартберг.

Тошевски беше апсолутен херој на својот тим, реализирајќи три гола со кои Клагенфурт успеа да го совлада Хартберг во драматичен натпревар. Со оваа победа, тимот освои значајни три бода, а македонскиот напаѓач уште еднаш покажа дека е во одлична форма.

Со овој перформанс, Тошевски испраќа силна порака до селекторот на македонската репрезентација, најавувајќи дека ќе биде сериозен кандидат за настап во следните меѓународни дуели.

Браво, Давид!