Магазин

На планетата официјално живеат 8,2 милијарди луѓе, но група научници тврди дека оваа статистика е целосно погрешна, но кој е вистинскиот број?

Бројот на луѓе на планетата на 15 ноември 2022 година ја преминал границата од 8 милијарди, а според официјалните проценки, денес нас има 8,2 милијарди.

Ова се податоците кои ги користат владите, меѓународните организации и истражувачите. Меѓутоа, ново истражување покажува дека вистинскиот број на луѓе може да биде значително поголем, бидејќи бројот на луѓе во руралните области е потценет, и тоа помеѓу 52 и 84 проценти, како што соопштил Универзитетот Алто од Финска.

Истражувачите од овој универзитет покажаа дека значително и систематски се потценува бројот на луѓето во руралните области во податоците што се користат глобално.

Нашето истражување е прво што дава докази дека значителен дел од руралната популација недостасува во податоците за глобалната популација – изјави Јосијас Ланг-Ритер од Универзитетот Алто и додаде:

Бевме изненадени кога откривме дека вистинскиот број на популацијата во руралните области е многу поголем отколку што покажуваат податоците за глобалната популација.

Во зависност од податоците, руралната популација е потценета помеѓу 53 и 84 проценти за време на истражуваниот период. Резултатите се извонредни. Овие податоци се користат во илјадници истражувања и се користат за донесување одлуки ширум светот, а нивната прецизност никогаш не била систематски проценета.

Заради недостаток на референтни податоци, претходните обиди да се испита прецизноста на податоците за глобалната популација обично биле фокусирани на поединечни земји или урбани области.

Во своето истражување, научниците од Универзитетот Алто ги споредиле 5 најчесто користени сета на податоци – мапи кои ја делат планетата на правилно распоредени мрежи со популација базирана на податоци од попис – со податоци за преселување поради изградба на брани од повеќе од 300 рурални области во 35 земји.

Истражувањето било фокусирано на мапата на популацијата во периодот од 1975 до 2010 година, бидејќи нема доволно податоци за брани од последните години. Откритието покажало дека најмалку грешки има за 2010 година, кога недостасува помеѓу 32% и 77% од руралната популација. Иако новите глобални податоци се подобри, тимот нагласува дека постојат силни причини да се верува дека тие исто така занемаруваат дел од глобалната популација.

Иако нашето истражување покажува дека прецизноста се подобрила малку низ децениите, трендот е јасен: во глобалните податоци за популацијата недостасува значителен дел од руралната популација. Со иста пракса, малку е веројатно дека оваа голема грешка била исправена – изјави Ланг-Ритер.

Истражувачите утврдиле дека овие грешки се систематски ширум планетата, но дека разликите помеѓу пријавениот и вистинскиот број на луѓе се најзабележителни во Кина, Бразил, Австралија, Полска и Колумбија.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.