„На 03.04.2025 во 22 часот во СВР Скопје било пријавено дека околу 18:15 часот на булеварот „Борис Трајковски“, во близина на крстосницата со улицата „Саса“, патничко возило удрило во пешакот С.М.(28) од с.Страхојадица,скопско, по што возачот со возилото го напуштил местото на настанот. Во несреќата со тешки телесни повреди се здобил пешакот, констатирани во Градската општа болница „Св.Наум Охридски“, информираат од МВР.

Увид на местото на несреќата извршила екипа од СВР Скопје, а полицијата презема мерки за расчистување на случајот.

На 03.04.2025 во 15.20 часот полициски службеници од Полициска станица за безбедност на патниот сообраќај Тетово, на булевар ,,Видоје Смилевски Бато“ во Тетово ги лишиле од слобода С.М.(42)  и М.Р.(36), двајцата од Камењане, кои агресивно се однесувале кон нив, се заканувале и ги спречувале во извршување на службени дејствија. Тие се задржани во полициска станица и по документирање на случајот ќе им биде изготвен соодветен поднесок.

На 03.04.2025 во 13.45 часот полициски службеници од ПО Јегуновце во с.Раотинце, тетовско, го лишиле од слобода М.С.(22) од с.Јегуновце, кој бил во паркирано возило ,,цитроен“ со тетовски регистерски таблици. При преглед кај него била пронајдена и одземена марихуана. Тој е задржан во полициска станица и по документирање на случајот ќе му биде изготвен соодветен поднесок.