Понекогаш варените јајца се толку тешко да се излупат, што или ќе се нервирате додека ги лупите или половина јајце ќе остане залепено за лушпата… Но, постои многу едноставен трик за да го олесните лупењето.

Варените јајца се вкусни сами по себе, но и одлична состојка во различни салати. Без разлика како ги користите, лупењето може да биде навистина незгодно.

Сите сме имале ситуации каде што се мачиме со лупењето на варени јајца, или пак дел од јајцето останува залепено за лушпата. Иако постојат и други кујнски трикови за ова, овој е едноставно најдобар! Како? Па, едноставно додадете малку масло во водата во која ги варите јајцата.

Да, знаеме дека маслото и водата не се мешаат, но тоа не е проблем за овој трик. Како функционира? Јајцата имаат порозна лушпа, а маслото може да навлезе во тие пори на надворешниот слој. Кога ќе се случи ова, маслото ја одвојува лушпата од мембраната и јајцето, што го прави лупењето многу полесно.

За да го примените овој трик, доволна е една лажица масло, не претерувајте. Нема значење кое масло ќе го користите – не треба да се користи скапо маслиново масло или масло од тартуфи, бидејќи ќе го излеете во одводот по варењето.

Започнете со зовривање на вода во која ќе додадете масло во тенџерето. Кога водата ќе зоврие, внимателно додајте ги јајцата, за да не им испука лушпата пред време. Без разлика на вашата метода за варење (некои ги варат непокриени 2-3 минути за меко варени или 10-13 минути за тврдо варени), или ги покривате и ја оставате водата да заврши со варењето, кога ќе се сварат, време е за лупење!

Применете го овој трик и уверете се дека лупењето ќе стане многу полесно.

Според научниците, сите луѓе имале кафеави очи, но генетска мутација која го зафатила генот OCA2 во човечките хромозоми довела до создавање на еден вид прекинувач кој ја променил ситуацијата.

Ако некогаш сте се прашувале зошто некои луѓе имаат сини очи, едно истражување конечно би можело да ви даде одговор. Научниците веруваат дека ја решиле оваа мистерија, а изгледа дека сè се сведува на една личност. Наиме, пред да се појави еден Европјанин, луѓето имале исклучиво кафеави очи, тврдат стручњаците од Универзитетот во Копенхаген. Но, тој поединец пред околу 6.000 до 10.000 години ја променил ситуацијата целосно благодарение на генетската мутација, пишува LAD Bible.

Како што можеби памтите од биологијата, сини очи се резултат на рецесивен ген – што значи дека личноста мора да наследи два такви гена за да се појави сината боја. Меѓутоа, до неодамна, малку луѓе знаеле од каде потекнуваат овие гени, сè додека научниците во Данска не ја проучувале оваа тема подлабоко.

Професорот Ханс Ејберг од Одделот за клеточна и молекуларна медицина го водел истражувањето кое било спроведено уште во 2008 година.

„Изворно, сите ние имавме кафеави очи“, рекол тој за Science Daily. „Но, генетската мутација која го зафатила генот OCA2 во нашите хромозоми довела до создавање на некаков прекинувач кој буквално го исклучил капацитетот за производство на кафеави очи.“ Научниците долго време се обидувале да откријат што ја предизвикала оваа промена, проучувајќи го генот OCA2, кој ја определува количината на кафеав пигмент во човечкото око. Меѓутоа, се покажало дека мутацијата која создава сини очи е поврзана со сосема различен ген – HERC2. Овој ген го исклучува OCA2, намалувајќи ја продукцијата на меланин во шареницата на окото со што се „разредува“ кафеавата боја се додека не се претвори во сина.

Но, како истражувачите го откриле ова и истото го поврзале со еден заеднички предок? Многу едноставно – секоја личност со сини очи на светот ја носи оваа иста мутација. Иако се потребни дополнителни истражувања, се претпоставува дека мутацијата се проширила со миграцијата на луѓето од Африка во Европа, што би го објаснило фактот зошто сините очи се најчести кај луѓето со европско потекло.

Истражувањето од 2008 година исто така ја проучувало разликата во други, поретки бои на очите, како што се зелените, што дополнително ја потврдило теоријата за еден изворен носител на генот за сини очи. „Луѓето со зелени очи имаат намалена количина на меланин во шареницата на окото, но на различен начин од оние со сини очи. На основа на тоа, можеме да заклучиме дека сите луѓе со сини очи се поврзани со истиот предок. Сите наследиле истиот генетски прекинувач на идентична локација во нивната ДНК“, појаснил професор Ејберг.

Автомобилот „Застава 101“ беше базиран на тогаш технички многу модерен Фиат 128, со малку изменет заден дел и беше еден од првите автомобили произведени во сега распространетата хечбек варијанта.

Пет врати беа реткост во тоа време, а „Застава 101“ беше привлечен за купувачите не само поради неговиот дизајн, туку и по пристапната цена.

Овој модел брзо стана најпродаваното возило на Застава на просторите на поранешна Југославија, а поради пристапната цена постигна и значителен извозен успех, пред се во источноевропските земји, но и ширум светот.

Фејсбук страницата „Застава 101 форум“ објави извадок од магазинот АВТО кој е објавен во далечната 1972 година, практично на самиот почеток на продажбата на овој модел, на кој се наведува дека тогашната цена била 40.040 динари или 2.084 долари.

Кога ќе се земе предвид инфлацијата во изминатите 50 години, доаѓаме до бројката дека денес Застава 101 би чинела точно 16.179 долари или 14.953 евра.

Курир.рс