Спорт
Шкендија се огради од „околу 20 поединци“ за нечовечноста при минутата молк за жртвите во Кочани
Веднаш по Фудбалската федерација на Македонија, која најави висока казна за скандалот пред денешниот натпревар со Брера во Тетово, се огласи и Шкендија, која за неиспочитуваната една минута молк за жртвите од трагедијата во Кочани обвини „околу 20 поединци“ и се огради од нив.
„Шкендија со целосна одговорност ги следи и ги почитува сите институционални одлуки поврзани со чувствителни моменти за општеството. Ние како клуб длабоко ја доживеавме трагедијата која се случи во Кочани, настан кој го потресе целиот народ и емотивно се одрази и во нашето секојдневие. Оваа голема тага беше присутна на секој наш тренинг во изминатите денови и се рефлектираше и на мечот против Брера, каде што и покрај победата од 2-1 и зачувувањето на првото место на табелата, тимот не прослави на вообичаен начин.
Шкендија ја испочитува минутата молк која беше определена од Фудбалската федерација на Македонија во чест на жртвите. Сепак, за време на овој момент, група поединци од трибините не ја почитуваа тишината, однесување кое не го претставува ниту клубот ниту навивачката група во целост.
‘Балистите’, кои вообичаено се позиционирани на трибината ‘Маршин Беќири’ зад голот, овојпат беа сместени на централната трибина. На мечот присуствуваа околу 3.000-4.000 гледачи, а само група од околу 20 поединци покажаа неодговорно однесување кое не ги одразува чувствата, солидарноста и почитта на поголемиот број од присутните навивачи.
‘Балистите’ се нашиот 12. играч и отсекогаш биле нераскинлив дел од Шкендија, но ова неодговорно однесување од мала група поединци не го претставува ставот на навивачката група која во овој момент е во процес на реорганицација, ниту на останатите членови кои во тој момент реагираа со свирежи како знак на незадоволство кон тие што пееја.
Шкендија изразува жалење за оваа ситуација и повторно го истакнува својот цврст став на почит кон загубените животи и болката низ која поминува целото општество“, се вели во соопштението на клубот од Тетово.
Женската ракометна репрезентација ја очекува бараж соочувањето со Полска за пласман на Светското првенство, мечеви кои се закажани за 9 и 12 април.
Реваншот се игра во Македонија и тоа во салата „Боро Чурлевски “ во Битола, средба за која веќе од денеска можат да се набават билети.
Истите можат да се набават онлајн (https://mktickets.mk ) или на сите продажни места на МК Тикетс низ државата. Цената на билетот е 100 денари, а комплетниот приход ќе биде наменет за настраданите во Кочани.
Спорт
Омерагиќ на 49. Конгрес на УЕФА, каде што лидерите на европскиот фудбал разговараа за иднината на спортот
Белград беше домаќин на 49. Конгрес на УЕФА, каде што лидерите на европскиот фудбал разговараа за иднината на спортот и важноста на заедништвото. Претседателот на Фудбалската федерација на Македонија (ФФМ), Месар Омерагиќ, го истакна значењето на фудбалот како обединувачка сила во време на глобални предизвици.
„Европскиот фудбал мора да продолжи да биде модел на единство во сè поделениот свет. Ние почитуваме, градиме, поттикнуваме, поврзуваме – тоа е нашата мисија на која сме посветени“, изјави Омерагиќ на конгресот.
Неговиот настап беше оценет како конструктивен и визионерски, а тој посочи дека ФФМ ќе продолжи да работи на подобрување на условите за фудбал во Македонија, развој на младинските категории и поддршка за женскиот фудбал.
Конгресот во Белград донесе и одлуки за иднината на европските натпреварувања, финансиската стабилност на клубовите и иницијативите за фер-плеј. Омерагиќ нагласи дека македонскиот фудбал мора да биде дел од овие позитивни промени и дека соработка со УЕФА останува приоритет.
„Секој чекор напред е можен само со тимска работа и силни вредности. Фудбалот е повеќе од игра, тој е мост што ги поврзува луѓето“, заклучи претседателот на ФФМ.
Во „Куќа на фудбалот“ со ждребпка беа одредени полуфиналните парови во Купот на Македонија.
Полуфиналната ждрепка ги спои актуелниот шампион Струга Трим Љум и Шкендија, додека Вардар го доби тимот на Брера А.П.
Струга Трим Љум – Шкендија
Вардар – Брера А.П.
Во полуфиналната фаза се играат два натпревари. Првите натпревари се закажани за 9.април, додека реванш мечевите се закажани за 23. април.
-
Магазин6 days agoБарбара Бобак поради пиротехника ја прекина песната, веднаш реагирала: „Изгасете го ова“
-
Црна Хроника7 days agoГазда тепан за изнудени 400 евра месечно – барале да им плаќа за “обезбедување” на објектот!
-
Македонија7 days agoПеачот Силјановски: Катастрофално невреме во Кочанско
-
Црна Хроника6 days ago„Плати или ќе жалиш“: Газда рекетиран и претепан, Полицијата уапси тројца!
-
Република2 days agoВработување во Тетово плата 38.600 денари
-
Црна Хроника5 days agoНе им доаѓа памет на газдите: Полицијата со рации и кривични пријави
-
Црна Хроника2 days agoУапсен тежок криминалец во Тетово
-
Република4 days agoДелови од Тетово и тетовско утре ќе бидат без електрична енергија