Истражување спроведено од канадски научници покажува дека луѓето со висок крвен притисок треба да консумираат повеќе храна богата со калиум – како банани и брокула.

Според професорката Анита Лејтон од Универзитетот во Ватерло, токму зголемувањето на внесот на калиум може да има поголемо позитивно влијание врз крвниот притисок отколку само намалувањето на солта во исхраната.

Бананите, кои се меѓу најпопуларните овошја во светот, не само што даваат енергија и помагаат против мамурлак, туку и се одличен извор на калиум – клучен минерал за регулирање на притисокот, особено кај луѓето со хипертензија.

Главната авторка на трудот, Мелиса Стад, објаснува дека нашите тела еволуирале за да функционираат најдобро со исхрана богата со калиум и ниска со натриум, каква што била во праисторијата.

Денес, со западната исхрана преполна со сол и преработена храна, оваа рамнотежа е нарушена, што придонесува за висок притисок, дијабетес и срцеви заболувања.

Истражувачите предупредуваат дека хипертензијата е во пораст на глобално ниво – ја имаат околу 30% од возрасните, а со тоа се зголемуваат и ризиците од мозочен удар и заболувања на бубрезите. Причините ги гледаат во стареењето на населението, сè поседечкиот начин на живот и зголемената популарност на нездрава, западна исхрана.

Македонскиот најпопуларен пејач Спасен Сиљаноски кој со својот бенд Престиж и пејачот Методија Столески се на турнеа во Австралија истакнаа посебна вест во пресрет на нивниот концерт во Сиднеј.

Имено како што истакна Сиљаноски на својот фејсбук профил, собраните средства од концертот закажан до последно место за оваа Велигденска сабота ќе бидат донирани за семејствата од настраданите во страшната несреќа во кочанската дискотека.

Почит и респект за естрадните уметници, организацијата и сите чинители, пример кој сите треба да го следат.

Соништата се прозорец кон нашата потсвест – скриен јазик низ кој умот ни испраќа сигнали за нашите најдлабоки стравови, желби и внатрешни конфликти. Иако не постои едно универзално толкување за секое сонување, одредени мотиви често се повторуваат и носат специфични значења.

Во продолжение, ви ги претставуваме седумте најчести соништа и можните пораки што стојат зад нив.

1. Паѓање во бездна – чувство на загубена контрола

Сонот за паѓање во понор најчесто симболизира дека губите контрола над одреден аспект од вашиот живот. Може да биде знак за несигурност, стрес или страв од неуспех – како на работа, така и во љубовниот или личниот развој.

2. Летање – стремеж кон слобода

Ако летате во сонот и чувствувате задоволство, тоа може да укажува на чувство на самодоверба и успех. Летањето често симболизира ослободување од ограничувања и постигнување цели. Ако, пак, имате тешкотии при летањето, тоа може да значи дека некои пречки ве спречуваат во реалниот живот.

3. Испаѓање на заби – симбол на несигурност

Овој непријатен сон често се поврзува со страв од губење – било да се однесува на самодовербата, младоста, моќта или важни релации. Може да биде и знак на анксиозност или чувство на немоќ.

4. Бегање – избегнување на проблеми

Ако во сонот некој ве брка, тоа обично значи дека во реалниот живот бегате од проблем кој не сакате да го решите. Време е да се запрашате што – или кој – ве спречува, и како можете храбро да се соочите со тоа.

5. Доцнење – страв од пропуштени шанси

Сонување дека доцните на лет, испит или важен состанок, може да ја одразува вашата преоптовареност и стрес. Овие соништа често кријат страв дека нема да ги исполните туѓите (или своите) очекувања.

6. Голотија во јавност – чувство на изложеност

Ако се сонувате како сте голи пред други, тоа може да укажува на срам, несигурност или страв од осуда. Овој тип соништа често се јавува кога се чувствувате ранливи во некоја реална ситуација.

7. Изгубеност – потрага по вистинскиот пат

Кога се сонувате како сте изгубени, тоа може да одразува ваша внатрешна збунетост и несигурност во врска со животните избори. Често се појавува во моменти кога сте пред важна одлука и не знаете кој пат да го изберете.

Иако секое сонување има индивидуално значење, овие мотиви можат да бидат важен показател за тоа што вашата потсвест се обидува да ви соопшти. Вреди да се запрашате – што точно се крие зад вашите ноќни слики?