Мбапе под закана да го пропушти финалето со Барса? Одлуката е во рацете на Дисциплинската комисија

Фудбалска Шпанија внимателно ја следи ситуацијата со Килијан Мбапе, кој би можел да го пропушти финалето од Купот на кралот против Барселона, закажано за 26 април.

Францускиот ас на Реал Мадрид доби директен црвен картон на натпреварот со Алавес, по интервенција на ВАР, поради опасен старт врз Антонио Бланко. Сега се чека одлуката на Дисциплинската комисија на Фудбалската федерација на Шпанија – дали суспензијата ќе биде две, три или четири средби.

Иако казните најчесто важат само во рамки на натпреварувањето каде се изречени, за потешки прекршоци може да се пренесат и во други натпреварувања. Тоа значи дека, доколку стартот се оцени како особено опасен, Мбапе може да го пропушти и финалниот дуел со Барса.

Сепак, поранешниот познат судија Едуардо Итуралде Гонзалес смета дека казната најверојатно ќе биде две средби – што би значело дека Мбапе ќе биде отсутен против Атлетико Билбао и Хетафе во Ла Лига, но ќе биде подготвен за големото финале.

Реал и Барселона ќе се сретнат уште еднаш и на 11 мај во рамки на шпанското првенство, а меѓу двата „класика“, „кралскиот клуб“ ќе се соочи и со Селта Виго.

Женската репрезентација на Македонија до 16 години оствари победа над соодветната селекција на Бугарија по подобро изведување на пенали (4:2) во првото коло од Уефа развојниот турнир што се одржува во Албанија.

Натпреварот заврши 1:1, а во пенал серијата избраничките на селекторот Катерина Милеска беа многу посигурни и на крајот се радуваа на првата победа на развојниот турнир.

Селекцијата на Бугарија имаше предност од 1:0 во 47. минута, благодарение на голот на Емма Варбанов. Ана Марија Цветковска во 86. минута го израмни резултатот на 1:1.

Во пенал серијата, во нашата репрезентација погодија Розита Пецева, Ана Марија Цветковска, Тамара Лазеска и Елена Наумовска. Во селекцијата на Бугарија, прецизни од белата точка беа Зорнитса Коева и Јоанна Георгиева.ж

Вториот дуел од развојниот турнир го играме на 15. април против Грузија, во истиот термин, од 11:30 часот.

МАКЕДОНИЈА: Евгенија Велјановска, Лина Мицовска, Бесарта Фида, Розита Пецева, Елена Наумовска, Ана Марија Цветковска, Блехана Алиевска, Марија Велиновска, Елиза Ибрахими, Ема Наневска, Сара Димитровска;

Селектор: Катерина Милеска;

Над 100 љубители на планинскиот велосипедизам од целата држава викендов го посетија селото Лактиње, Славеј Планина и споменикот на батаљонот Мирче Ацев во општина Дебрца. Планинската вело тура СЛАВЕЈ ПЛАНИНА МТБ 2025, која се одржа во организација на здружението Рупикапра МТБ ,со поддршка на општина Дебрца,има за цел промоција на природните убавини и потенцијалот за авантуристички туризам на планините Стогово,Славеј Планина,Караорман и Илинска Планина.

,,Се радуваме на големиот интерес за велосипедската тура.Иако пред една недела наврнаа над 30см снег, интересот на велосипедистите од целата држава беше огромен.Идејата за организација на ваков настан изникна од потенцијалот на планините во Дебрца за развој на велосипедски туризам и други авантуристички спортови кои ќе придонесат со престојот во природа да се запознаеме со природните богатства кои ни ги нуди планината и културно историските споменици” вели Душан Шутиноски, претседател на Рупикапра МТБ.

Во поздравниот говор кон учесниците на настанот,градоначалникот Зоран Ногачески се заблагодари и на амбасадата на С.Р Германија кои преку програмата за мали проекти дадоја поддршка на пректот ,,Патеки на откривање” со кој се обележаа шест планински велосипедски патеки,со вкупна должина од 210км ,на планините во општина Дебрца,кој проект го имплементираше здружението за планински велосипедизам Рупикапра МТБ.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.