Компанијата Еко Логистик Сервис (ЕЛС) го зацврстува лидерското место на македонскиот пазар на приватни пошти, завршувајќи ја 2024 година со рекорден раст на добивката од 135 проценти и зголемени приходи од 57 проценти. Според податоците од Централниот регистар, оваа скопска компанија, која се етаблираше како најголем приватен поштенски оператор во земјава, остварила вкупни приходи од 3,65 милиони евра, додека расходите изнесувале 3,2 милиони евра.

Таквата финансиска рамнотежа и ефикасно управување со трошоците ѝ овозможиле на ЕЛС да оствари добивка од 396 илјади евра, што претставува повеќе од двојно зголемување во споредба со 2023 година. Во компанијата лани работеле 150 вработени, што ја прави и еден од поголемите работодавачи во логистичкиот сектор.

Иако деталите за уделот на пратките од Тему во вкупниот обем на работа не се објавени, несомнено е дека токму соработката со овој кинески гигант за онлајн трговија била главен двигател на растот. ЕЛС во моментов има најголем удел во транспортот на пратки од Тему на македонскиот пазар, што ѝ овозможува да ја одржи доминацијата меѓу брзите пошти.

Во интервју за подкастот „Бизнис муабети“ на Фактор, сопственикот Игор Гешовски посочи дека приватните пошти во Македонија месечно прават промет од околу два милиони евра, со вкупно 600 до 700 илјади пратки, и просечна цена по пратка од над 2 евра.

Гешовски објасни дека успехот на ЕЛС не се должи само на обемот, туку и на иновативните безбедносни протоколи, како системот за верификација на пратки со сигурносен код кој го добива само примачот. „Курирот не го знае кодот, го генерира нашата централа. Имаме софтвер кој се разликува од другите“, рече тој.

ЕЛС гледа потенцијал за уште поголем раст, особено по најавите дека Тему ќе ја зголеми дозволената вредност на пратките од 22 на 90 евра, што ќе повлече и обврска за ДДВ. Дополнително, најавено е и можноста на влез на уште еден глобален гигант – Шеин, што дополнително ќе ја зајакне потребата од ефикасна и доверлива поштенска мрежа.

И покрај лошата европска позиција на Македонија според ниво на логистички услуги, Еко Логистик Сервис успеа да се наметне како стабилен пазарен лидер, задржувајќи над 50% од уделот на брзата пошта во земјата повеќе години по ред. „Луѓето не одат во продавници – продавниците доаѓаат кај нив. Тоа е новата реалност“, заклучува Гешовски.

Изготвен од Илирика Инвестментс АД Скопје врз основа на официјални податоци од Македонска берза.

Динамика на тргување и пазарни движења

Тргувањето на последниот ден од месецот беше стабилно, со вкупен промет од 112.588.613,00 денари и благо зголемување на индексот. Активноста беше концентрирана околу неколку поголеми компании, пред сè Алкалоид и Стопанска банка Скопје. Индексот МБИ10 порасна за 0,33% и достигна 10.377,27 поени, додека индексот ОМБ остана непроменет на 126,44 поени.

Најтргувани акции

1. Алкалоид АД Скопје (ALK) – промет: 7.215.530 денари, последна цена 26.999 денари

2. Стопанска банка АД Скопје (STB) – промет: 3.414.550 денари, последна цена 2.680 денари

3. Комерцијална банка АД Скопје (KMB) – промет:2.015.24 денари, последна цена 28,396.00

Најголеми добитници

1. Стопанска банка АД Скопје (STB) – пораст од +8.46%, последна цена 2.680 денари

2. ЗК Пелагонија АД Битола (ZPKL) – пораст од +7,46%, последна цена 3.600 денари

3. Реплек АД Скопје (RPRK) – пораст од +3,21%, последна цена 15.998 денари

Најголеми губитници

1. НЛБ Банка АД Скопје (NLB) – пораст од -2.67%, последна цена 60,000 денари

2. Стопанска банка АД Битола (STBBT) – пад од -0.68%, последна цена 4,000 денари

3. Комерцијална банка АД Скопје (KMB) – пад од -0.01%, последна цена 28,396.00 денари

Обврзнички пазар

Не беа евидентирани трансакции со државни или корпоративни обврзници. Индексот ОМБ остана непроменет, на ниво од 126,44 поени.

На крајот од април, берзата прикажа стабилен раст на индексот МБИ10 и активност концентрирана околу неколку водечки компании. Алкалоид, Стопанска банка и Реплек го водеа тргувањето по обем, додека ЗК Пелагонија ја предводеше листата на добитници. Денот помина без значајни промени на пазарот на обврзници.

Индустриското производство во март годинава е зголемено за 5,2 проценти во однос на март минатата година. ШТо се однесува пак до првиот квартал годинава во однос на истиот квартал лани година растот достигнува два процента, објави Државниот завод за статистика (ДЗС). 

– Во март годинава во однос на март лани статистиката регистрира пад на индустриското производство од 1,5 проценти во секторот Рударство и вадење на камен, а пораст од 4,8 проценти во Преработувачка индустрија и од 12,9 проценти во секторот Снабдување со електрична енергија, гас, пареа и климатизација пораст – се посочува во соопштението. 

ДЗС објаснува дека зголемувањето во секторот Преработувачка индустрија е резултат, пред сѐ, на зголеменото производство во одделите: Производство на тутунски производи,  Производство на хартија и производи од хартија, Печатење и продукција на снимени медиуми (записи),  Производство на хемикалии и хемиски производи, Производство на производи од гума и производи од пластични маси, Производство на други неметални минерални производи, Производство на метали, Производство на електрична опрема и Производство на моторни возила, приколки и полуприколки. 

Кај Производство на машини и уреди, неспоменати на друго место има раст од 15,1 процент, а кај Производство на моторни возила, приколки и полуприколки од 7,1 процент.

Според главните индустриски групи, производството во март 2025 година, во однос на март 2024 година, бележи пораст кај Енергија за 13,8 проценти, Интермедијарни производи, освен енергија за  24,3 проценти, додека опаѓање бележи кај Капитални производи за 8,4 проценти, Трајни производи за широка потрошувачка за 8,6 проценти и Нетрајни производи за широка потрошувачка за 3 проценти.