Магазин

Тивка болест од која страда секој десетти човек, а ретко кој зборува за неа

Хроничната бубрежна болест, позната и како хронична бубрежна слабост, претставува сериозен здравствен проблем што го засега повеќе од 10 отсто од светската популација – речиси 800 милиони луѓе. И покрај нејзината распространетост, оваа болест често останува непрепознаена сè додека не се појават симптоми во понапредните фази.

Хроничната бубрежна болест се карактеризира со постепена и трајна загуба на функцијата на бубрезите – органи кои имаат клучна улога во филтрирањето на отпадните материи од крвта и во регулирањето на течносната рамнотежа во телото.

Симптомите на оваа болест се често неспецифични и се појавуваат постепено, што дополнително го отежнува раното откривање. Меѓу најчестите симптоми се мачнина, повраќање, губење апетит, хроничен замор и слабост, проблеми со спиењето, промени во мокрењето, намалена ментална острина, грчеви во мускулите, отечени нозе и глуждови, сува и чеша кожa, тешко контролирана хипертензија и отежнато дишење. Во потешки случаи може да се појави и болка во градите поради насобрана течност во белите дробови или околу срцето.

Стручњаците предупредуваат дека овие симптоми се заеднички за многу други здравствени состојби, поради што пациентите често доцна бараат медицинска помош. Затоа е од исклучителна важност редовното одење на превентивни лекарски прегледи, кои можат навремено да ја откријат болеста – пред да се појават видливи симптоми. Дијагнозата се поставува со едноставни анализи на крв и урина кои покажуваат намалена функција на бубрезите.

Во завршната фаза на болеста бубрезите целосно ја губат својата функција. Лекувањето на хроничната бубрежна болест е насочено кон забавување на нејзиниот напредок, најчесто преку лекување на основната причина, како дијабетес или висок крвен притисок, промени во животниот стил и специјална исхрана. Доколку болеста премине во краен стадиум, потребна е дијализа или трансплантација на бубрег.

Здравствените организации препорачуваат редовни годишни прегледи за навремено откривање на оваа состојба, бидејќи раната дијагноза може значително да го успори текот на болеста и да го подобри квалитетот на животот на заболените.

Магазин

Transmission – Музичка вечер со Васил Хаџиманов и Александар Петров

Transmission е музички концепт во кој тапанот ги спојува традицијата и денешницата, акустичната и електронската музика.

20 години од музичката симбиоза и пријателство (по Кавадаречка линија), Александар Петров заедно со Васил Хадџиманов преку проектот Transmission ги сплотуваат традиционалното и модерното преку звукот на тапанот и електронската музика.

Составен од два дела, првиот посветен на нивните херои од детството Никола Бадев, Кирил Манчевски и Зафир Хадџиманов во придружба на единствената Тања Царовска, додека вториот ќе раскаже еден понов период на творење осврнат кон електронската музика, која некои љубители, познавачи и издавачи ја означуваат како ORGANIC – PROGRESSIVE – HOUSE.

Музика во живо со: ХАЏИМАНОВ – ЦАРОВСКА – ПЕТРОВ – ВАСИЉЕВИЧ – ШАРЕВСКИ

Почеток во 20 часот, во Станица 26 na 24 Dekmvri

Картите по цена од 1000 денари се продаваат во THREE BAR & KITCHEN, Soma и Чашка

Магазин

Светот на диетите се менува: Пристигнува првата таблета за слабеење

Американската агенција за храна и лекови (ФДА) го одобри првиот лек за слабеење во облик на таблета, означувајќи значајна пресвртница во третманот на прекумерната телесна тежина. Информацијата ја објави данската фармацевтска компанија Novo Nordisk, производителот на лекот.

Новата таблета се зема еднаш дневно, а според компанијата, дава ист ефект како досегашната неделна инјекција. За разлика од други лекови за слабеење кои првично биле создадени за пациенти со дијабетес тип 2, овој лек е од почеток развиен исклучиво за губење на тежината.

Клиничките испитувања со приближно 1.300 учесници покажале импресивни резултати: во просек, корисниците изгубиле 16,6% од телесната тежина, додека околу една третина од нив успеале да намалат дури 20% или повеќе. „Пациентите ќе добијат практична таблета што се зема еднаш дневно и може да помогне да се изгуби исто толку тежина како и со оригиналната инјекција“, изјави извршниот директор на компанијата.

Очекувањата се дека таблетата ќе се појави на американскиот пазар почетокот на јануари 2026 година. Одобрувањето веднаш предизвика позитивен шок на берзата – акциите на Novo Nordisk пораснаа речиси 10% по затворањето на тргувањето во Њујорк.

Во Европа, лекот сè уште е достапен само како неделна инјекција и тоа со лекарски рецепт во одредени земји. Таблетата за европскиот пазар сè уште не е одобрена, а регулаторната одлука се очекува најрано во втората половина на 2026 година.

Магазин

Мега забавен парк од 1,1 милијарда долари „Дракула Ленд“ се отвора во Романија

Романија ја трансформира својата најпозната легенда во глобална туристичка атракција. Во близина на Букурешт е потврден изградбата на „Дракула Ленд“, мега-забавен комплекс вреден 1,1 милијарда долари, кој ќе биде целосно финансиран од приватни инвеститори.

На површина од 192 акри, новиот мега-парк ќе понуди над 40 атракции распоредени во шест тематски зони, инспирирани од легендата за Дракула и богатиот романски фолклор. Но „Дракула Ленд“ нема да биде само забавен парк – проектот предвидува луксузни хотели, арени за е-спорт, огромни концертни и шоу-простори, како и содржини за дневни и ноќни активности, привлекувајќи туристи од целиот свет.

Со оваа амбициозна инвестиција, Романија се стреми да создаде целосна туристичка дестинација што ќе се натпреварува со најпознатите европски тематски паркови. Изградбата е закажана да започне во септември 2026 година, а отворањето се планира веќе во 2027 година, доколку се следи планираниот ритам.

Со овој проект, Романија не само што сака да го оживее својот најпознат мит, туку и да се позиционира како една од водечките забавни и туристички дестинации во Европа, привлекувајќи милиони посетители секоја година.