Спорт

На четири кола пред крајот Ливерпул ја освои 20-та титулата во Англија

Фудбалерите на Ливерпул ја освоија својата 20-та титула во англискиот шампионат откако го победија Тотенхем со 5:1 на домашен терен во 34-то. коло од Премиер лигата.

Гостите од Лондон поведоа во 12. минута преку Доминик Соланке, но само четири минути подоцна Луис Дијаз израмни за тимот од „Енфилд“. Ливерпул поведе во 24. минута со голот на Алексис Мекалистер, а потоа следеа головите на Коди Гакпо во 34. минута и Мохамед Салах во 63. минута. Конечниот резултат беше поставен во 69. минута, кога автогол постигна Дестини Удоји.

На четири кола пред крајот на тековната сезона во Премиер лигата, Ливерпул има недостижни 15 бода предност во однос на второпласираниот Арсенал. Ова е прва титула за Ливерпул во Премиер лигата од 2020 година, со која се израмнија со Манчестер Јунајтед со по 20 титули, кој претходно во неделата во судиското продолжение од мечот се спаси од пораз на гостувањето кај Борнмаут.

Домашните поведоа во 23 минута кога Еванилсон луцидно го проигра Антоан Семенјо во гостинскиот шестанесетник а овој лесно го матираше Онана. Бонрамут го одржуваше водството, но во 69 минута, остана без Еванилсон, кој беше исклучен откако судијата Питер Бејнск беше повикан од ВАР-от да ја прегледа снимката, по што тој ја промени својата претходна одлука и жолтиот картон доделен поради груба игра на Бразилецот ја промени во директен црвен картон. Со играч повеќе на теренот „Црвените ѓаволи“ безуспешно насојува да дојда до брз погодок и евентуален пресврт, но успеаја да дојдат барем до бод дури во 96. минута. Во судииското продолжение кое траеше дури 11 минути, Расмус Хојлунд успеа да се снајде и да погоди за 1:1. И овој момент беше прегледуван за евентуална офсајд позиција во акцијата, но се покажа дека еден од домашните дефанзивци бил поблиску до својот голман.

Тотенхем по високиот пораз во Ливепрул остана на 37 бодови и разочарувачкото 16-то место но бодовно е безбеден и не му се заканува опасност да падне во зоната на испаѓање. Ништо не подобра и состојбата на Манчестер Јунејтед сезонава, кој сега со 39 бодови е 14-ти. Борнмаут пропушти шанса со победа да се пробие до осмата позиција на табелата и да се надева до крајот на првенството да избори место во Европа следната сезона. Сега со 50 бодови е десетти на табелата, седум бодови помалку од позицијата којашто веројатно ќе обезбеди пласман во Конференциската лига.

Спорт

Навивачите ќе бидат наградени: ФИФА воведува посебни билети за најверните

ФИФА воведе нова категорија билети за Светското првенство 2026, наменета исклучиво за најверните навивачи. Според најавата, околу 10% од вкупниот капацитет на стадионите ќе бидат префрлени од најевтината сегашна категорија („ниво на вредност“) во новата „ниво на влез“.

Билетите во оваа категорија ќе имаат фиксна цена од 60 долари за сите натпревари на сите национални селекции, без разлика на мечот или локацијата. Но, овие билети нема да бидат достапни за слободна продажба преку официјалната ФИФА платформа – наместо тоа, секоја национална асоцијација ќе ги додели на своите најлојални навивачи.

Седиштата за оваа специјална категорија ќе бидат сместени во горниот дел на трибините, што ќе овозможи посебна атмосфера за навивачите кои секогаш ја покажуваат својата верност на тимот.

Спорт

КОНКУРС за идејно решение за изработка на пехар за шампион на Македонија во ПРВА МФЛ

Фудбалската федерација на Македонија распишува конкурс за избор на најдобро идејно решение за новиот пехар наменет за шампионот на Македонија во Првата фудбалска лига.

Целта на конкурсот е да се изработи современо, препознатливо и автентично уметничко решение кое ќе ја симболизира традицијата, енергијата и победничкиот дух на македонскиот фудбал.

Право на учество:

Право на учество имаат: академски уметници, дизајнери, студенти на ликовни академии, архитекти, скулптори и други лица со креативен визуелен израз.

Секој учесник може да конкурира со најмногу три идејни решенија.

Учесниците треба да достават:

Кратко образложение за концептот на пехарот.

Визуелна презентација: скица, 3D рендер, технички цртеж или макета (фотографии).

Предлог материјали, висина и форма на пехарот.

Контакт информации.

Критериуми за избор

Креативност и оригиналност

Препознатлив македонски визуелен идентитет

Функционалност и издржливост

Можност за реализација

Естетика и симболика

Рок и начин на доставување

Идејните решенија се доставуваат електронски на:ffm@ffm.com.mk или во архивата на ФФМ (бул. АСНОМ 21) најдоцна до 15. март 2026.

Спорт

ПСЖ и Фламенго во финалето за Интерконтиненталниот куп

Вечерва во 18:00 часот, на стадионот „Ал Рајан“ во Катар, во големото финале на Интерконтиненталниот куп, силите ќе ги одмерат Пари Сен Жермен и Фламенго. Французите го бркаат својот прв светски трофеј во историјата, додека Бразилците сакаат да се вратат на тронот по пауза од цели 44 години.

Тимот на Луис Енрике пристигнува во Доха со амбиција конечно да ја круниса својата европска доминација со глобален печат. Како актуелни шампиони на Европа, ПСЖ имаа привилегија на директен билет за финалето, но патот до овој момент не беше без трње. Се уште се под впечаток од летниот пораз од Челзи (0:3) во финалето на Светското клупско првенство, а притисокот е зголемен и поради неизвесната трка во домашното првенство каде Ленс им дише во врат.

Сепак, токму во Катар започна нивната златна серија со триумфот над Монако, а со враќањето на Усман Дембеле и голманот Лукас Шевалие, Енрике верува дека ќе успее да го земе трофејот. Единствен голем хендикеп останува отсуството на брзоногиот Ашраф Хакими.

Од другата страна стои „црвено-црната“ лавина од Рио де Женеиро. Фламенго преживува ренесанса под палката на Филипе Луис. Откако во само седум дена ги покорија Бразил и Јужна Америка (Копа Либертадорес), сега нивниот нишан е насочен кон светот.

Навивачите на Фламенго со децении го прераскажуваат митот за 1981 година и лекцијата одржана на Ливерпул (3:0). Денешниот тим, предводен со тактичката дисциплина, сака да го повтори тој подвиг. Иако настапот на голгетерот Педро е под знак прашалник, Фламенго покажа дека знае како со европските гиганти, потсетувајќи на неодамнешната победа над Челзи (3:1).