Магазин

Yugo се враќа во голем стил! Еве како изгледа првиот концепт (ФОТО)

Ако новиот Yugo навистина влезе во сериско производство – што компанијата планира да го оствари во следните две години – ќе се натпреварува во европскиот сегмент на мали хечбек возила, заедно со модели како што се Citroën C3, Renault Clio и Volkswagen Polo.

Во февруари официјално беше најавено враќањето на Yugo, со планови за производство на мал хечбек – модерна интерпретација на автомобилот кој речиси три децении се произведуваше во крагуевачката „Застава“.

Досега беа достапни само дизајнерски скици потпишани од српскиот дизајнер Дарко Марчета, но сега имаме можност да видиме како ќе изгледа новиот Yugo во реалноста – барем во форма на макета.

На настанот „Car Design Event 2025“ во Минхен, беше претставена првата макета од концептниот автомобил.

Станува збор за модел во размер 1:5, кој, според зборовите на Марчета, е развиван во последните четири месеци и не претставува конечна верзија на дизајнот.

Концептот сè уште нема официјално име, но изгледа одлично. Две врати, компактни димензии, „кутиеста“ силуета и минималистички линии кои потсетуваат на оригиналниот Yugo, но со современи детали што се очекуваат од автомобил од 2025 година.

Макетата привлече големо внимание на посетителите во Минхен и доби позитивни реакции, што е охрабрување за понатамошниот развој на проектот.

И оваа верзија на макетата и првичниот концепт го дизајнираше Дарко Марчета, под покровителство на новиот сопственик на брендот – професорот д-р Александар Бјелиќ.

Тие за британскиот Car Magazine изјавиле дека концептот „не е само омаж на минатото, туку истовремено истакнува пристапност и спортски дух“.

Сепак, речиси е сигурно дека брендот Yugo нема повторно да се појави на американскиот пазар, каде во втората половина на осумдесеттите години имаше забележлив комерцијален успех.

Што се однесува до модерната интерпретација, најавени се верзии со атмосферски и турбо-бензински мотори, а се размислува и за електрична верзија.

Купувачите ќе можат да избираат меѓу мануелен и автоматски менувач, а компанијата најави и спортска верзија, за која можеби ќе дознаеме повеќе подоцна годинава.

Функционалниот прототип сè уште е далеку. Компанијата планира да го претстави на специјализираната изложба Expo 2027 во Белград, кога се очекува и почеток на производството.

Магазин

Симон Трпчески ги стопли срцата на скопската публика со неодолива латино-музичка идила

Во магична вечер исполнета со страст и ритам, светскиот пијанист Симон Трпчески приреди незаборавен концерт што ги освоји срцата на сите присутни, изведувајќи делови од богата програма со влијанија од латино-музиката.

Настапот, што се одржа пред исполнета сала, беше дел од неговата турнеја која оваа сезона посветено ја истражува соединетата убавина на класичната музика со топлите ритми на југословенските и латино-инспирирани композиции. Со својата виртуозност, Трпчески ја пренесе на публиката целата емоционална палета – од романтични мелодии до страствени ритми кои предизвикаа силни аплаузи и овации.

Пијанистот ја започна концертната вечер со неколку од најпознатите дела од канонските автори, но кулминацијата следеше кога тој се впушти во интерпретација на композиции ориентирани кон латино-ритмови, кои ги стоплија срцата на слушателите и создадоа вистинско музичко уживање.

Публиката, составена од љубители на музиката од различни генерации, покажуваше голем ентузијазам — некои потполно вперени во пијаното, а други — носејќи насмевки и ритмички движења како одговор на енергијата што Трпчески ја внесуваше во секоја нота.

По завршувањето на концертот, музичарот беше поздравен со топли честитки и аплаузи, а многумина посетители изјавија дека настапот им оставил силен впечаток и дека сè уште ја чувствуваат енергијата на музиката во себе.

Со овој концерт, Симон Трпчески уште еднаш потврди дека неговата интерпретација не познава граници, спојувајќи различни музички жанрови и културни влијанија во едно прекрасно музичко доживување.

Магазин

Вештачката интелигенција ја крева цената на мобилните телефони и компјутерите

Во следните години, цените на компјутерите и мобилните телефони може да се зголемат како последица на ширењето и развојот на вештачката интелигенција (ВИ), предупредуваат технолошки аналитичари.

Според експертите, интензивната интеграција на напредни алгоритми и системи за вештачка интелигенција во потрошувачката електроника ќе резултира со поголеми трошоци за производство.

Овие технологии, иако овозможуваат пософистицирани уреди со поголеми перформанси, бараат поскап хардвер, сензори и специјализиран софтвер, што може да се одрази врз конечните цени за потрошувачите.
Една од причините за можниот раст на цените е и зголемената побарувачка за процесорска моќ и меморија што може да ги поддржи напредните ВИ функции. Додека сегашните уреди се доволни за основни задачи, следната генерација на мобилни телефони и компјутери ќе бара понапредни чипови и системи за обработка, што ги зголемува трошоците на компонентите.

Исто така, развојот и интеграцијата на специфични ВИ алатки и технологии во мобилни и компјутерски платформи генерира потреба од побрза иновација и пософистицирани развојни циклуси, што дополнително придонесува кон раст на трошоците за производство.

Технолошките аналитичари посочуваат дека, иако почетните цени на новите уреди може да пораснат, долгорочно тоа ќе резултира со поефикасни и моќни системи што ќе ги имаат предностите на новите ВИ можности – како подобрена автономија, персонализација, интелигентно управување со ресурси и подобрена корисничка искуство.

Според нив, крајните потрошувачи би можеле да забележат повисоки цени пред сè на уреди што вклучуваат напредни ВИ функции, додека базичните модели без вакви специјализации може да останат поевтини или со умерена промена во ценовниот опсег.
Оваа можност за зголемување на цените доаѓа во време кога технолошкиот сектор се соочува со голема конкуренција, како и со потребата да одговори на се поголемата побарувачка за ВИ-поддржани уреди.

Експертите нагласуваат дека потрошувачите треба да бидат подготвени за динамични промени на пазарот, нагласувајќи дека инвестирањето во уреди со поддршка за вештачка интелигенција може да обезбеди долгорочно подобри перформанси и вредност.

Магазин

Од Скопје до Њу Џерси: „Trend Coffee“ – кафулето со тирамису по рецепт на баба и музика во живо

Во Монтклер, Њу Џерси, на булеварот Блумфилд 411 се наоѓа „Trend Coffee + Tea House“, кафуле кое веднаш ве потсетува на атмосферaта на „битник“ локалите од Гринич Вилиџ од 60-тите години. Но, зад американскиот шарм се крие македонска топлина – сопствениците се брачната двојка од Скопје, Сања и Димитар Бањански, кои во САД се преселиле во 2000 година, а кафулето го отворија во 2011 година.

Специјалитет на куќата е домашниот „чаи“ чај, подготвен со сезонски вкусови како тиква, ванила, чоколадо и куркума. Менито нуди домашни палачинки, киш, омлети и вегански опции, но вистинскиот бисер е тирамисуто, кое се подготвува по оригинален рецепт на бабата на Сања, директно од Македонија.

„Trend Coffee“ е и културен центар:

Првиот вторник во месецот е резервиран за „Отворен микрофон“, каде локални таленти настапуваат пред публика. Третата среда од месецот е посветена на џез сесии (Jazz jam session). Од ноември 2025 година, секој трет четврток се одржуваат вечери на стенд-ап комедија и импровизации.

Кафулето соработува и со „Jazz House Kids“, овозможувајќи им на младите музички таленти двапати годишно настапи пред жива публика. За Сања и Димитар, „Trend Coffee“ не е само бизнис, туку место со срце и душа каде секој гостин се чувствува како дома.