Црна Хроника

Притворени и четири други лица за пукањето во Штип, кои му помагале на лицето кое уби 25-годишен турски студент, да побегне

И од Министерството за внатрешни работи (МВР) денеска соопштија детали за синоќешното убиство во кафуле на Градскиот плоштад во Штип, во кој беше убиен 25-годишниот Е.О., студент од Турција.

Како што е познато напаѓачот, исто така од Турција, беше во бегство, по што е уапсен.

По пикањето студентот бил пренесен во Клиничка болница Штип, каде што во 22.10 часот починал.

Од МВР велат дека во потрагата по напаѓачот бил употребен и дрон, а од таму го соопштија и неговиот идентитет. Станува збор за К.К. (21).

Уапсени се и А.Х. (22), Т.М. (22), О.М. (29) и А.О. (28), сите од Турција, поради сомнение дека му помогнале на К.К. да побегне од местото.

-Имено, во 22.15 часот на наплатната рампа Миладиновци, во заедничка акција на СВР Штип, СВР Скопје и сообраќајната полиција, било запрено патничко возило „бмв“ со штипски регистарски ознаки, во кое биле А.Х., Т.М., О.М. и А.О., при што А.Х. се дал во бегство, а другите лица биле лишени од слобода.

Набргу, по преземени мерки, тој и сторителот К.К. биле пронајдени и лишени од слобода.

Сите лица биле задржани во полициска станица и по целосно документирање на случајот во координација со јавен обвинител, против нив ќе бидат поднесени соодветни пријави, велат од МВР.

Црна Хроника

Инцидент во Скопје: Косовски возач удрил во автобус и побегнал

На 22 декември 2025 година, на Граничниот премин Долно Блаце беше уапсен Л.С. (65) од Косово, поради учество во сообраќајна незгода во Скопје и напуштање на местото на настанот.

Инцидентот се случил околу 15:00 часот во скопската општина Центар, кога „фолксваген голф“ со косовски регистарски ознаки се судрил со автобус на ЈСП. По судирот, возачот го напуштил местото, по што полицијата веднаш го трагала и го лишила од слобода на граничниот премин околу 15:30 часот.

Полицијата соопшти дека по целосно документирање на случајот ќе следува соодветен поднесок, а истрагата ќе утврди дали има повредени лица и каква е материјалната штета.

Црна Хроника

Уапсен поради поседување пиротехника во неготинско село

На 23 декември 2025 година во 07:40 часот, полициски службеници од ОВР Неготино го лишија од слобода И.Р. (34) од селото Криволак, неготинско.

При претрес во неговиот дом, извршен со судска наредба, биле пронајдени и одземени пиротехнички средства. Лицето е приведено во полициска станица, за настанот е известен јавен обвинител, а по целосно документирање против него ќе биде поднесена соодветна пријава.

Црна Хроника

Тешка несреќа на автопатот Скопје- Велес

На 22.12.2025 околу 15:00 часот во СВР Скопје е пријавено дека на автопатот Скопје- Велес, кај Катланово, патничко возило „фиат“ со велешки регистарски ознаки, управувано од О.П.(49) од Велес, излетало од коловозот.

Во несреќата со тешки телесни повреди се здобил возачот, констатирани во Комплексот клиники „Мајка Тереза“.

Извршен е увид од увидна екипа од СВР Скопје.