И покрај најавите и обидите за воведување ред во сферата на инфлуенсерскиот маркетинг, интересот за официјална регистрација кај надлежните институции е речиси непостоечки. Во Регистарот на физички лица кои даваат аудиовизуелни медиумски услуги по барање, воспоставен од Агенцијата за аудио и аудиовизуелни медиумски услуги (АВМУ), досега се запишало само едно лице.

Оваа информација беше обелоденета на четвртиот јавен состанок на Агенцијата, на кој директорот Зоран Трајчевски ги презентираше активностите и резултатите за последниот квартал од 2025 година.

Како даватели на АВМУ услуги по барање се третираат инфлуенсерите, влогерите и креаторите на содржини кои остваруваат финансиска корист преку социјалните мрежи. Иако Агенцијата изготви и „Нацрт-Водич за инфлуенсер(к)и и влогер(к)и“ со цел да ги појасни обврските и постапките, тоа очигледно не придонело за поголема подготвеност за регистрација.

Единствено име во регистарот е инфлуенсерката Ксенија Николовска, која на 1 декември 2025 година пријавила активности на Инстаграм и Фејсбук.

За разлика од инфлуенсерите, кај онлајн медиумите постои поголема свест за законските обврски. Во регистарот на интернет портали во моментов се евидентирани 50 издавачи.

Покрај ова, АВМУ информираше и за резултатите од мониторингот за време на изборната кампања за Локалните избори 2025. Покренати се пет прекршочни постапки против радиодифузерите ТВ 24 Вести, ТВ Компани 21-М, ТВ Вистел, ТВ Шутел и ТВ Гурра.

Агенцијата најави и дека се подготвува за мониторинг на повторните локални избори во 2026 година во општините Гостивар и Маврово-Ростуше, додека од регистарот на оператори се избришани „Неотел“ и „Инфел-КТВ“.

Мелиха Имшировиќ , учесничка на „Ѕвезда Гранда“, стана позната во јавноста повеќе по деталите од нејзиниот приватен живот, отколку по учеството во споменатото натпреварување и нејзината кариера по натпреварот.

Пред неколку години, пејачката Дада Мешаљиќ се огласи и откри дека нејзината колешка го „киднапирала“ нејзиниот сопруг додека таа била во друга држава. Таа не му простила за неверството, па раскинала со партнерот, а сè уште самата се грижи за своето дете. 

Во оваа прилика, Мелиха проговори само еднаш, каде што изјави дека не е виновна за распадот на врската на Мешалиќ, но имаше видеа кои докажуваа дека изјавата на Дада е точна.

Тоа што се случи беше пред неколку години и вистина е дека оваа приказна се пренесува низ медиумите речиси месечно, но додека старите приказни се рециклираат, Мелиха ужива во нова љубов, со многу познат музичар чиј идентитет нема да го откриеме сега, пишуваат српските медиуми.

Тој е многу добро познат на јавноста, особено во Босна, од каде што е Мелиха, а нивната љубов се случила затоа што работеле заедно.

– Таа го растури бракот на Дада, жената остана сама со детето, а сега го „смувала“ музичарот кој ги остави сопругата и децата поради неа. Нема да ви кажам со кого била во меѓувреме, бидејќи приказната може да оди предалеку – вели личност од родниот град на „растурачката на бракови“. 

Имав нервни сломови

Пејачката Дада Мешаљиќ била изневерена од нејзиниот сопруг со колешката додека била бремена, по што решила да го остави и сама да ја одгледа ќерка си.

– Тој беше свесен дека сум во блажена состојба и никогаш не покажа милост. Таа реченица сè уште ми одѕвонува во главата до ден-денес и не мислам дека некогаш ќе ја заборавам. Рече дека е згрозен од мене и од нероденото дете. Само не знам како не пресеков по таа реченица кога ја кажа за прв пат, а често ја кажуваше – рече Дада.

Извор: newz24live

Јужнокорејскиот технолошки гигант Самсунг Електроникс објави дека ќе го купи одделот за технологии за автономно возење на германската компанија ЗФ Фридрихсхафен за 1,5 милијарди евра, кој потоа ќе биде интегриран во американската подружница Харман.

Со оваа трансакција, Харман ќе започне да нуди напредни технологии и производи за системи за помош на возачот, меѓу кои камери и контролни единици ориентирани кон предниот дел на возилата. Од Самсунг посочуваат дека со овој чекор нивната подружница целосно влегува на брзорастечкиот пазар на напредни системи за помош на возачот.

Овие системи се дизајнирани да ја зголемат безбедноста при возење преку користење на камери и сензори кои го следат сообраќајот, сообраќајните ленти, растојанието од други возила и присуството на пешаци околу автомобилот.

Договорот претставува значаен чекор за Самсунг во насока на диверзификација на бизнисот и проширување надвор од традиционалните пазари на паметни телефони и мемориски чипови, кон автомобилската електроника – сектор кој забрзано расте благодарение на развојот на софтверот и сензорските технологии.

Компанијата проценува дека глобалниот пазар на напредни системи за помош на возачот и уреди за централна контрола во возилата ќе порасне од 62,6 трилиони вони во 2025 година на 97,4 трилиони вони до 2030 година.

Иако сегментот на аудио опрема во кој работи Харман е веќе високо конкурентен, аналитичарите нагласуваат дека клучната можност лежи во постојаниот раст на глобалниот пазар на телематика, кој ги обединува телекомуникациите и информатичките технологии.

„Како што напредните системи за помош на возачот стануваат централна технологија во телематиката, оваа аквизиција треба да се гледа како позитивен и стратешки чекор“, изјави Џеф Ким од јужнокорејската инвестициска банка KB Securities.

Според најавите на Самсунг, трансакцијата се очекува да биде финализирана во втората половина на 2026 година.