Црна Хроника

ПОЛИЦИЈАТА ЈА ТРЕСЕ КАНЦЕЛАРИЈАТА ЗА СТРАНЦИ ВО МТВ Разбиена мрежа за нелегален престој на странски државјани

Акцијата опфаќа претреси на повеќе од 10 локации. Се претресуваат домови и возила, а се вршат и лични претреси. Претреси се вршат и во службени простории на МВР, вклучително и во Канцеларијата за странци во зградата на Македонската телевизија. Неофицијално дознаваме дека се одземаат лични предмети, мобилни телефони и значајна документација поврзана со криминалната шема.

Полицијата презема решителни чекори за внатрешно чистење и сузбивање на организирана шема за нелегално регулирање на престој на странски државјани во државата.

Денеска е зголемено присуство на полицијата во Штип, Скопје и на дел од граничните премини кон Косово.

Според неофицијални информации, акцијата опфаќа претреси на повеќе од 10 локации. Се претресуваат домови и возила, а се вршат и лични претреси. Претреси се вршат и во службени простории на МВР, вклучително и во Канцеларијата за странци во зградата на Македонската телевизија. Неофицијално дознаваме дека се одземаат лични предмети, мобилни телефони и значајна документација поврзана со криминалната шема.

Извори на МВР брифираат дека криминалот ја јаде државата одвнатре, но очигледна е решителноста на полицијата да го воспостави редот и да сузбива разни облици на организиран криминал кој длабоко е вкоренет во администрацијата на секое можно ниво.

Црна Хроника

НОЌНА АКЦИЈА ВО ТЕТОВО – МВР со детали

На 19.12.2025 година во времето од 22:10 до 23:55 часот полициски службеници од СВР Тетово во содејство со Државен инспекторат за труд, Државен пазарен инспекторат и Управа за јавни приходи, извршиле акциска контрола во угостителски објекти во подрачјето на СВР Тетово. При тоа во угостителски објект во Тетово на ул.,,Јован Ончески” каде како управители се пријавиле И.С.(23) и М.Ј.(22), двајцата од с.Брвеница, биле затекнати шест малолетни лица, кои биле послужени со алкохолни пијалоци. Малолетниците се предадени на нивните родители и против сопствениците ќе следува соодветен поднесок во врска со сторено кривично дело „точење алкохол на малоетници“ согласно член 204 од КЗ на РСМ, додека од страна на другите органи биле преземени мерки и активности од нивна надлежност.

Црна Хроника

Петмина повредени во сообраќајна несреќа на автопатот Скопје–Велес

Пет лица се повредени во сообраќајна незгода што се случила денеска (20.12.2025) околу 16:20 часот на автопатот Скопје–Велес, во близина на Петровец. Според информациите, во несреќата учествувале две патнички моторни возила.

Повредените лица со возила на Итна медицинска помош биле пренесени во здравствени установи во Скопје, каде им е укажана соодветна лекарска помош.

На местото на настанот извршен е увид од увидна екипа на СВР Скопје, а се преземаат мерки за целосно расчистување на причините за сообраќајната незгода.

Црна Хроника

77-годишна скопјанка измамена со 150.000 денари од лажно лице што се претставило како доктор

На 19 декември 2025 година, 77-годишна жена од Скопје пријавила во СВР Скопје дека била измамена за сума од 150.000 денари. Според пријавата, непознато машко лице ѝ се јавило телефонски, претставувајќи се како доктор, и ѝ рекло дека треба да даде пари за операција на нејзината ќерка, која наводно се повредила додека ги шетала кучињата.

Жената парите ги оставила на договореното место, но по разговор со својата ќерка сфатила дека станува збор за измама.

Полицијата презема мерки за расчистување на случајот и за откривање на лицето што ја измамило.