На вчерашната владина седница беа донесени две клучни одлуки кои, според Коалицијата ВЛЕН, претставуваат директен удар врз долгогодишниот хаос и занемарување во јавното здравство.
Како што соопштуваат од ВЛЕН, под водство на министерот за здравство Азем Алиу, се поставуваат нови стандарди и се инвестира таму каде што е најважно – во животите на граѓаните.

Со одлуката за набавка на 100 нови амбулантни возила, во вредност од над 461 милион денари, ќе се овозможи побрза итна медицинска интервенција, поефикасен транспорт на пациенти и подобра покриеност на целата територија на државата, вклучително и руралните средини.

Истовремено, се решава и еден од најстарите и најиритирачки проблеми во здравствениот систем – паркирањето во Клиничкиот центар „Мајка Тереза“. Со отстранување на административните бариери се отвора пат за воспоставување ред, модернизација, зголемување на капацитетите и организиран пристап за пациентите и здравствениот персонал.

Од Коалиција ВЛЕН ја поздравуваат решителноста и сериозниот пристап на министерот Алиу, оценувајќи дека тој покажува оти здравството не се реформира со зборови, туку со храбри одлуки и конкретни дела.
„Вредно за здравство што функционира, вредно за држава што се грижи“, порачуваат од ВЛЕН.

Судии и јавни обвинители повторно тргнуваат по зголемување на платите – овој пат преку Уставниот суд. Тие тврдат дека намалувањето на нивните примања ја загрозува нивната независност и најавуваат дека ќе ја користат секоја правна можност за враќање на поранешните коефициенти за пресметка на плата.

Според информациите, во 2023 година, по зголемувањето на платите на сите функционери за 78%, на судиите и обвинителите, како и на останатите избрани и именувани лица, им беа намалени коефициентите за пресметка на плата во просек за 0,5 поени. Тогаш единствено судиите и обвинителите се побунија, инсистирајќи дека нивните примања не смеат да се намалуваат.

Владата и премиерот Мицкоски стојат цврсто зад ставот дека нема да има дополнително зголемување на нивните плати, поради лошите оценки и ниската доверба во правосудството, како и високите примања кои веќе ги имаат.

Сепак, судиите и обвинителите се решени да продолжат со својот притисок. Со враќањето на повисокиот коефициент за личен доход, секој од нив би добил околу 250 евра повеќе месечно, а Уставниот суд ќе биде нивната последна надеж да го постигнат тоа.

Денеска не очекува облачно време со повремени локални врнежи од дожд, а на планините врнежите ќе бидат од снег. На некои места во источните делови количината на дожд може да надмине 25 литри на квадратен метар за 24 часа. Ветровите ќе дуваат слаб до умерен од јужен правец, а температурите ќе се движат од 2 до 7 степени во најниските, до 4 до 9 степени во највисоките точки.

Во главниот град, денот ќе биде облачен со повремени врнежи од дожд. Ќе дува слаб до умерен југоисточен ветер, а температурите ќе се искачат од минимални 3 до максимални 6 степени.

Според прогнозата, и во четврток ќе продолжат локалните врнежи од дожд, кои особено во источните делови ќе бидат пообилни, над 25 литри на квадратен метар. На планините врнежите ќе преминуваат во снег, а снежната покривка може да достигне и до 15 сантиметри. Поради продор на постуден воздух од север, дождот ќе се претвора во снег и на повисоките места низ земјата.

Од петок се очекува стабилизирање на времето, со постепено намалување на врнежите и смирување на ветровите.