Балкан

Планирате патување во Грција викендов? Ова е информација што мора да ја знаете!

Сите што во следните денови планираат патување кон Халкидики треба да имаат предвид дека обиколницата околу Солун ќе биде целосно затворена за сообраќај во двата правци – на потегот од Тријадрија до Пилеа – во периодот од 31 мај до 2 јуни.

За време на затворањето, сообраќајот ќе биде пренасочен низ центарот на Солун, што се очекува да предизвика поголеми гужви. Грчките власти ги советуваат возачите да ја избегнуваат обиколницата и да ги користат градските улици, но со посебно внимание поради можни застои. Патниците се охрабруваат да го следат движењето на сообраќајот во реално време преку платформата www.flyover.imet.gr

Дополнително, грчката влада најави итен план за модернизација на граничниот премин Евзони, еден од најфреквентните премини меѓу Северна Македонија и Грција. Преку него годишно поминуваат околу пет милиони луѓе, а новите мерки се насочени кон намалување на времето на чекање и олеснување на влезот во земјата, особено во летната туристичка сезона.

Во првата фаза се планира зголемување на бројот на службеници на самиот премин, што, според учесниците на состанокот, веднаш треба да придонесе за забрзување на пасошите и царинските проверки. Ова би ги намалило гужвите што често се формираат во текот на летните месеци на влезот во Грција, особено од правец на Србија и Северна Македонија.

Втората фаза опфаќа обемна реконструкција на инфраструктурата на граничниот премин. Предвидено е целосно реновирање на објектот, паркинг просторот и организација на сообраќајот во преодната зона, а завршување на работите се очекува до 2026 година.

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.