Магазин

Неколку предмети во домот кои привлекуваат негативна енергија

Огледалото во спалната соба – детаљ што може да го наруши вашиот сон и хармонијата во врската

Во многу домови, огледалото во спалната соба е секојдневен предмет, поставен со практична цел – за да се погледнеме додека се облекуваме и подготвуваме за новиот ден. Сепак, според принципите на фенг шуи, неговата положба може да има многу подлабоко влијание врз нашиот живот, отколку што можеме да претпоставиме.

Огледалото и фенг шуи: хармонија или немир?

Фенг шуи, древна кинеска вештина за уредување на просторот, не ја гледа положбата на предметите како случајност. Напротив, секој елемент во просторот има своја симболика, функција и енергетско влијание. Според ова учење, поставувањето на огледало во спалната соба – особено ако е насочено кон креветот – може да создаде енергетски дисбаланс.

Стручњаците за фенг шуи предупредуваат дека огледало свртено директно кон креветот може да предизвика немирен сон, несоница, па дури и да влијае негативно врз интимните односи. Според некои верувања, таквото поставување може да „покани“ трето лице во врската, што се толкува како симболична можност за нарушување на партнерските односи.

Практични совети за поставување на огледало

Доколку не сакате целосно да се откажете од огледало во спалната соба, експертите препорачуваат да го поставите на внатрешната страна од плакарот. Но и тука има една замка – бидејќи огледалата го удвојуваат одразот, внатрешноста на плакарот мора секогаш да биде уредна, за да не се рефлектира нередот и со тоа да се зголеми енергетскиот хаос.

Ако се сомневате дека токму огледалото е причината за вашата нарушена сонова рутина, обидете се неколку вечери по ред да го покриете. Доколку забележите подобрување во квалитетот на спиењето, можеби е време да размислите за негово отстранување или преместување.

Спалната соба – оаза на мир, не на активност

Главната функција на спалната соба е одмор, релаксација и регенерација на телото и умот. Огледалата, пак, се симбол на активност, движење и енергија – сè што не се вклопува со функцијата на овој интимен простор. Затоа, при уредување на домот, не заборавајте дека и најмалиот детаљ, како што е огледалото, може да има значително влијание врз вашата добросостојба.

Магазин

Како се купува луксузна куќа за една ноќ: Поранешна задругарка откри колку заработува

Поранешната учесничка во ријалити шоуа и популарна ТикТокерка, Маријана Зоњиќ, повторно го привлече вниманието на јавноста, откако преку социјалните мрежи го покажа својот дом во Подгорица, подготвен за дочекот на Новата година.

Иако веќе не е дел од ријалити програмите, Зоњиќ останува во фокусот поради нејзиниот бурен јавен живот, но и поради активностите на социјалните мрежи. Таа неодамна се породи, а сега со следбениците сподели како ја украсила куќата во празничен дух.

Дворот е декориран со светлечки украси, ирваси и санки, додека на терасата доминира новогодишна елка и светла во форма на ѕвезди. Во видеата што ги објави, во позадина се забележува и автомобил со висока пазарна вредност.

Маријана претходно јавно зборуваше за својата финансиска трансформација, објаснувајќи дека значителен дел од средствата ги заработила преку содржини на ТикТок. Таа изјави дека во одредени периоди остварувала високи дневни приходи, кои ги вложувала во купување и уредување на домот, автомобил и други инвестиции.

Со своите објави, Зоњиќ и понатаму предизвикува реакции и интерес кај публиката, покажувајќи дека по излегувањето од ријалити сцената, фокусот го насочила кон онлајн кариера и семејниот живот.

Магазин

Банкарска драма: 15.000 евра уништени поради необична навика за чување пари

Вистинска драма се случи во банкарски клон во Горна Орјаховица, Бугарија, кога околу 30.000 лева (околу 15.000 евра) изгореа во главниот сеф поради необичен инцидент со нафталин.

Сè започнало кога возрасен маж донел во банката свои заштеди од околу 4.000 лева, со цел тие автоматски да се конвертираат во евра по Нова година. Парите претходно ги чувал во домашен гардеробер, посипани со нафталин за заштита од молци. На банкнотите имало кристали од хемикалијата, која е лесно запалива.

При броењето на парите машината најверојатно предизвикала испарување на нафталинот во воздухот, кој потоа влегол во климатизацијата и со искра предизвикал тлеење во касата. Откако вратата на сефот била отворена, внесениот кислород го разгорел пламенот.

Билансот од инцидентот е:

Изгорени: околу 30.000 лева. Спасени: околу 170.000 лева кои останале во трезорот.

Пожарникарите брзо го изгаснале огнот и нема повредени вработени. Добрата вест за пензионерот е дека неговите 4.000 лева се веќе евидентирани и префрлени на сметката, а изгорените пари биле осигурани.

Магазин

Храна што топи масти додека спиете: Откријте кои намирници го активираат вашиот метаболизам ноќе

За многумина, идејата да легнат со празен стомак е неподнослива. Но, добрата вест е дека постојат намирници и пијалаци што можете да ги консумирате навечер, а кои не само што нема да го забават метаболизмот, туку можат да помогнат и во согорувањето на мастите.

Според Сахар Бургис, медицинска сестра, по 45-тата година метаболизмот се успорува, но со правилен избор на храна пред спиење и здрави дневни навики, како стабилизирање на шеќерот во крвта, подобрување на варењето и намалување на воспалението, вечерната ужина може да стане вистински сојузник во губењето тежина.

Чај од цимет и кардамон
Ароматичниот спој на цимет и кардамон не е само уживање за сетилата. Циметот помага да се одржи стабилен шеќерот во крвта, а во комбинација со кардамон, тој ја смирува нервната система и го поттикнува релаксирачкиот ефект пред спиење. Овој чај не е чудотворен, но е одличен партнер во процесот на согорување на мастите.

Тврдо варено јајце
Јајцата отсекогаш биле сметани за суперхрана, а навечер стануваат идеална ужина. Едно тврдо варено јајце обезбедува протеини со бавно варење кои ја одржуваат ситоста, ја стабилизираат енергијата и го штитат мускулното ткиво додека спиете.

Чај од глуварче и цикорија
Овој билен чај е совршен за вечерна релаксација. Глуварчето помага во варењето, го поттикнува исфрлањето на вишокот течности и ја регулира нивото на шеќер во крвта. Во комбинација со цикоријата, создава смирувачки пијалак кој го поттикнува губењето тежина, додека вие одмарате.

Со вистински избор на вечерна ужина, наместо чувство на вина, можете да уживате во помошта што телото ја добива за согорување на мастите. Некои навики навистина може да ја претворат ноќта во вашиот таен сојузник за здрава тежина.