Балкан

ИЗБОРИ ВО ХРВАТСКА: Судбоносен втор круг – кој ќе ги води трите најголеми градови

Хрватска денеска одлучува кој ќе ги води трите најголеми градови – Загреб, Сплит и Ријека – во еден од најнеизвесните втори изборни кругови досега! Од 7 часот утрово, отворени се 4.980 избирачки места во 405 општини и градови, каде што граѓаните го кажуваат својот суд за идните градоначалници, жупани и општински раководители.

Во фокусот на јавноста се трите најголеми градови. Дали Томислав Томашeвиќ (Можемо, СДП) ќе остане на чело на Загреб или ќе го смени независната кандидатка Марија Селак Распудиќ? Дали Ивица Пулjaк (Центар) ќе продолжи да владее во Сплит или ќе мора да му отстапи место на кандидатот на ХДЗ, Томислав Шута? Во Ријека, градоначалникот Марко Филиповиќ (независен) се соочува со силен предизвик од Ива Ринчиќ од коалицијата АМ.

Но изборите не застануваат тука – се гласа и во Пула, Дубровник, Шибеник, Карловац и Сињ, каде што исто така се водат тесни трки. Вечерва до 19 часот гласањето завршува, а веднаш потоа следува напнато чекање – првите анкети се очекуваат веднаш по затворањето на избирачките места, додека првичните незванични резултати ќе почнат да пристигнуваат околу 20 часот.

Овие избори се четврти по ред за само една година – по парламентарните избори во април 2024, европските во јуни, претседателските во јануари, а првиот круг на локалните на 18 мај – што ја прави оваа недела клучен момент за политичката иднина на Хрватска. Ќе преживеат ли досегашните градоначалници или ќе се случи целосна смена на политичката сцена?

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.