Свет

“Пајакова мрежа”: Зеленски откри детали за тајната операцијата која ќе остане запаметена во историјата

Операцијата „Пајакова мрежа“ на СБУ: Украина со удар што ќе остане запаметен во историјата

Украинскиот претседател Володимир Зеленски откри нови детали за тајната операција „Пајакова мрежа“, изведена од страна на Службата за безбедност на Украина (СБУ), при што, според официјалните податоци, биле уништени над 40 руски стратешки авиони – резултат што, како што рече Зеленски, „ќе остане запишан во историските книги“.

Во објава на Телеграм, Зеленски наведе дека бил информиран од директорот на СБУ, генерал-потполковник Васил Малјук, за текот и резултатите од акцијата, која се подготвувала повеќе од 18 месеци. Операцијата била изведена целосно самостојно од украинската страна.

„Тоа беше историски успех за кој изразувам голема благодарност до СБУ“, изјави претседателот, додавајќи дека веќе дал наредба да се објават сите информации кои можат безбедно да се споделат со јавноста.

Оперативен штаб веднаш до седиштето на ФСБ

Зеленски откри дека операцијата, во која биле користени 117 дронови и исто толку оператори, била координирана од оперативна канцеларија сместена веднаш до зградата на руската Федерална служба за безбедност (ФСБ) во еден од регионите на Русија.

„Нашите луѓе дејствуваа во неколку руски региони, во три временски зони. Сите се повлекоа од територијата пред акцијата и сега се безбедни – и тие, и оние кои им помагаа“, рече украинскиот претседател.

Според СБУ, нападот погодил околу 34% од руските стратешки носачи на крстосувачки ракети на главните воени аеродроми, со вкупна проценета штета од околу 7 милијарди американски долари.

Целта – руските стратешки бомбардери

Украински медиуми објавија дека меѓу уништените воздушни сили биле и бомбардери А-50, кои играат клучна улога во откривање системи за ПВО, наведување ракети и координација на руската авијација. Се проценува дека Русија има помалку од десет вакви авиони, а нивната цена изнесува околу 350 милиони долари за само еден примерок.

Меѓу погодените летала биле и тешките бомбардери Тупољев Ту-95, Ту-22 и Ту-160 – главните платформи од кои Русија испалува ракети врз украински цели. Особено Ту-95, иако датира од советската ера и првпат полетал во 1952 година, сè уште игра важна улога поради својата способност да носи до 16 крстосувачки ракети, вклучувајќи ги Х-55, Х-555, како и поновите Х-101 и Х-102.

Ту-22, пак, е познат по употребата на надзвучните ракети Х-22, кои достигнуваат брзина до 4.000 км/ч и се особено тешко пресретливи без американскиот „Патриот“ или европскиот систем SAMP/T.

Ту-160, најмодерниот и најголем оперативен стратешки бомбардер во светот, може да носи до 24 ракети и претставува клучна компонента на руската воздушна офанзива.

Зеленски: Ќе продолжиме со вакви акции

„Операцијата е резултат на проекти кои ги одобрив пред повеќе од година и пол. Овие резултати покажуваат дека Русија ја губи својата стратешка предност“, рече Зеленски, додавајќи дека Украина ќе продолжи со ваквите дејствија.

Тој предупреди и дека Русија подготвувала нов масовен напад, според украинските разузнавачки податоци, и ги повика граѓаните да не ги игнорираат воздушните аларми.

Во официјална изјава, руското Министерство за одбрана потврди дека неколку воени аеродроми биле цел на напад со дронови, обвинувајќи го „киевскиот режим“ за нападите.

Свет

Лекарите во Англија стапија во петдневен штрајк

Лекарите во Англија денес започнаа петдневен штрајк поради несогласувања околу платите и условите за работа, јавува Ројтерс.

Станува збор за помладите болнички лекари, познати како „жители“, кои тврдат дека нивните плати во последните години значително се намалиле и дека работат под зголемен притисок и во тешки услови.

Владата, од своја страна, соопшти дека нема фискален простор за значителни покачувања на платите и дека штрајковите се неодговорни, нагласувајќи ја потребата за заштита на здравствениот систем и пациентите.

Свет

Вашингтон најавува нов притисок врз Москва преку енергетски санкции

САД подготвуваат нов пакет санкции насочени кон рускиот енергетски сектор, со цел дополнително да го зголемат притисокот врз Москва доколку рускиот претседател Владимир Путин одбие да прифати можен мировен договор со Украина, објавуваат странски медиуми повикувајќи се на информирани извори.

Според истите извори, меѓу мерките што се разгледуваат е и таргетирање на бродовите од руската флота на нафтени танкери, како и санкционирање на трговците и посредниците кои учествуваат во олеснување на трансакциите поврзани со извозот на руска нафта.

Изворите наведуваат дека станува збор за опции кои сè уште се во фаза на разгледување, а конечната одлука ќе зависи од развојот на дипломатските напори поврзани со војната во Украина.

Според најавите, новите санкции би можеле да бидат објавени уште во текот на оваа недела.

Свет

Мелони: Европа губи време поради внатрешна слабост и бавни одлуки

Италијанската премиерка Џорџа Мелони изјави дека Европската Унија се соочува со сериозни предизвици, предупредувајќи дека најголемата закана за Унијата не доаѓа однадвор, туку од нејзината сопствена неодлучност и неспособност навреме да носи клучни одлуки.

Говорејќи пред пратениците во Долниот дом на италијанскиот парламент, Мелони нагласи дека актуелниот геополитички момент бара прагматичен пристап, ослободен од идеолошки догматизам. Според неа, токму таквиот пристап е неопходен за соодветен одговор на новата безбедносна стратегија на Соединетите Американски Држави.

„Бесмислено и штетно е да се напаѓаат имагинарни непријатели. Вистинскиот проблем е нашата неспособност да изнаоѓаме конкретни и одржливи решенија“, истакна Мелони во пресрет на претстојниот Самит на ЕУ.

Премиерката се осврна и на прашањето за користење на замрзнатите руски средства за поддршка на Украина, оценувајќи дека станува збор за сложен процес кој мора да биде заснован на цврста и правно издржлива основа. Таа ја повтори поддршката на Италија за Украина и ставот дека Русија треба да ги сноси трошоците за војната, но додаде дека Москва поставува, како што рече, „неразумни“ услови во рамките на мировните напори поддржани од САД.

Мелони упати критики и до предлог-буџетот на Европската комисија за периодот 2028–2034 година, оценувајќи дека во сегашната форма е неприфатлив за Италија. Таа посочи дека документот предвидува зголемени финансиски придонеси, но намалени средства за политики кои се од клучно значење за земјата, како заедничката земјоделска и кохезиската политика.

„Нема да прифатиме да плаќаме повеќе, а да добиваме помалку“, порача италијанската премиерка.