Црна Хроника

Крвава пресметка кај хотел „Карпош“: Малолетник прободен со нож, хоспитализиран во „8 Септември“

Пресметка меѓу две групи малолетници утринава во близина на хотел „Карпош“ заврши со сериозен инцидент – едно лице е прободено со остар предмет и е пренесено во болница.

Како што информираат од Министерството за внатрешни работи, до инцидентот дошло по вербална расправија помеѓу групи ученици, по што конфликтот ескалирал во физичка пресметка. Еден од учениците, кој се здобил со убодна рана, бил итно пренесен во ГОБ „8 Септември“, каде му била укажана лекарска помош.

„Од ГОБ ‘8 Септември’ е пријавено дека кај нив е донесен повреден малолетник – ученик во СДУ ‘Ѓорги Димитров’, кој, според пријавеното, се здобил со убодна рана од остар предмет во угостителски објект на територија на Карпош, каде дошло до пресметка помеѓу две групи на ученици“, соопштија од МВР.

Полицијата презема мерки за целосно расчистување на случајот, а неофицијално се работи на идентификација на сите инволвирани. Очекувањата се дека ќе следуваат и кривични пријави.

Црна Хроника

Кривична пријава за бизнисмен од Тетово – МВР со детали

СВР Тетово поднесе кривична пријава против правно лице од Тетово, Б.И.(45) управител на правното лице и А.И.(48), двајцата од с.Мала Речица, тетовско, поради постоење основи на сомнение за сторено кривично дело „уништување или оштетување на јавни инсталации“. На 10.10.2025 на ул.„29 Ноември“ во Тетово, додека третопријавениот изведувал градежни работи за правното лице со работна машина-багер, ги потфатил подземните високо напонски електрични кабли и оштетил два кабли кои пренесувале електрична енергија од главната централа во Тетово до долните населби во Тетово и повардарските села на општина Желино и оштина Јегуновце, кои останале неколку часа без електрична енергија.

Црна Хроника

Украдени 65.000 евра и злато во Македонија – полицијата уапси три млади жени!

Вчера во 18:20 часот, полициски службеници од ОВР Гостивар, поради основано сомнение дека на 14.12.2025 година извршиле тешка кражба во куќа сопственост на Ф.М.(58) од Гостивар, при што биле одземени пари и златен накит во вредност од околу 65.000 евра, ги лишиле од слобода А.З.(24) и М.З.(27), двете од Гостивар.

Подоцна, од слобода била лишена и Н.И.(24) од Тетово. Истиот ден, по претходно добиена судска наредба, бил извршен претрес во домот на А.З., при што биле пронајдени и со потврда одземени поголем дел од украдените пари и златен накит, кои ќе бидат вратени на сопственикот.

Приведените лица се задржани во полициска станица, а по целосно документирање на случајот, против нив ќе биде поднесен соодветен поднесок.

Црна Хроника

Државјанин на Албанија уапсен на Ќафасан за обид за поткуп

Полициски службеници на МВР на 21 декември 2025 година околу 09:10 часот на граничниот премин Ќафасан го лишија од слобода Е.К. (53) од Република Албанија.

Како што информираат од МВР, при вршење пасошка и гранична контрола, лицето му понудило поткуп на полициски службеник, оставајќи пари на бирото, по што веднаш било приведено.

За настанот бил известен надлежен јавен обвинител, а по целосно документирање на случајот против осомничениот ќе биде поднесена соодветна пријава по член 358 од Кривичниот законик.